ابنتي تمد يدها على حقائب الاخرين وتاخذ منها المال وتخبأه فما الحل؟

أختي الفاضلة::

من خلال ما قرأت أنت سايرتيها ما حليت المشكلة
(( وعند سؤالنا لها لماذا قمتي بذلك؟
ردت بقولها أنها أخذته لكي تشتري ورق العنب ؟
قام والدها بشراء علبة كبيرة جدا من ورق العنب حيث اعطيها كل يوم مايلي كوجبة فطور)

عندك أرقام تلفونات لعدد من الشخصيات البارزة طارق الحبيب ...ميسرة
اتصلي واعرضي مشكلة ابنتك أو زوجك

ويعطوك حل جذري إنشااااااااااااااااااء الله

عزيزتي ...
من تجربتي الشخصية مع ولدي الكبير ، كان بالصراحة ياخذ أغراض من بيت الوالدة خصوصا اذا أحد من اليهال ناسيهم هناك وأحياناً أشياء بسيطة مثل دفتر أو عطر أو كريمات وغيرها بس مو فلوس ( عموماً كلهم سرقة ) وتفاجأت لما عرفت ، طبعاً أمي اهي اللي اكتشفت هذا الشي وأنا مثلج ما كنت مقصره معاه بأي شي بالعكس كان اليهال يحسدونه على كثرة الالعاب لدرجة اني لما أوديه مع أخوه الصغير حق محل الألعاب كان يحتار شنو ياخذ لأن كل شي عنده منه.
أخذته على جنب وقلتله :
هل تحب الله سبحانه وتعالى ؟ طبعاً قال : ايه

وسألته في شي تحبه ما شريناه لك انا او أبوك ؟ قال : لا

قلتله :الله سبحانه وتعالى ما يحب الناس اللي تسرق من الناس أي شي كان حتى ولو إبرة ؟

طبعاً ضاق خلقه وحس بالذنب ، رديت عليه : المسلم لازم يرضي ربه وما يزعل أمه وأبوه علشان الله يعطيه حسنات وان شاء الله يدخل الجنة وهناك أي شي يطلبه الله سبحانه راح يعطيه إياه ، وبديت اعطيه أمثلة مشوقة مثل : حصان يطير ، بيت كبير ..... إلخ

في هذي اللحظة قعد يبكي وقال :أنا آسف ورجع الأغراض كلها وقال : ما راح أكرر هذا الشي مرة ثانية ( كان عمره 4 سنوات وألحين عمره 7 ) والحمد لله ما تكرر منه هذا التصرف .

عزيزتي .. حاولي تكلمينها بهذا الاسلوب وان شاء الله راح تشوفين نتيجة تسرك :)

عزيزتي انا ماعندي اولاد لكن انا تخصصي ومجالي في رياض الاطفال ودوبنا قبل كم يوم اخذنا محاظره عن هذا الموضوع بالذات:


اولا وقبل كل شي لازم تعرفين ان الطفل الى سن اربع اوخمس سنين يمر بمرحله تسمى مرحله التمركز حول الذات هذي المرحله يعتقد الطفل ان كل شي يحيط فيه هو ملكه ويخصه فاذا شاف اي شي يحسبه له ويخصه وهذا الي صار معك ويصير مع كير من الامهات الطفل ماتقدرين تحكمين عليه انه يسرق الا في سن 5الى عشر سنوات ويعتبر سلوكه اضطراب سلوكي ومايعتبر جنوح وحاله مرضيه الا بعد 10 الى 15 سنه
الدور هنا على الام اولا لازم تتفهم انه ماقصد انه يسرق بحد ذات السرقه انما اعتقد انه شي يخصه لذا المفترض عدم الانفعال ابدا بالعكس تصرفي بالضبط نفس تصرف الاخت الي قالتلك عن ولدها لان الطفل
كلمه الحب مهمه عنده فاذا ربطتي اخذ اشياء الغير بعدم محبه الله يستجيب على طول عكس لو قلتي ربك بيحطك بالنار مثلا
انتي خطاك كان اهتمامك المبالغ بالمشكله لدرجه ان بنتك حست ان تصرفها هذا يلفت النظر لها من قبلكم فاستحلت الموضوع لانها تحس انها موضع اهتمام منكم اذا اخذت شي مو لها انتي تجاهلي الموضوع تماما وعطيها فسحتها مثل قبل عااااااااااااااادي وحتى اذا سرقت بعدين طنشي واصبري شوي وفي المقابل روحي للمكتبه واشتري قصص حلوه تتكلم عن السرقه واذاها واذا مالقيتي الفيلها قصه وبين فتره وفتره كلميها عليه من غير ماتذكرينها انها قد سرقت او اخذت شي تكلمي بشكل عام ايحائي المفروض هالشي تسوينه من البدايه لانه كان بيوفر عليكي الجهد الحين

اهم شي وهو الاهم والاهم والاهم لايدري احد ابدا ولاتذكرين هالشي قدامها او من وراها لان هالشي بيضرها نفسيا

وترى هالسلوووووووووك طبيعي جدا ومافيه طفل الا واخذ لعبه او اي شي مو له لان زي ماقلتك يمر بمرحله تسمى التمركز حول الذات

علميني بالنتائج وانا انتظرها والله يصلحلحلك ابنائك وترينهم على احسن حال

اختى فى الله مغرمة بزوجها
مع ان الاخوات ما قصروا
بس حبيت اقولك نصيحة
ادخلى قسم العيادة النفسية واكتبى مشكلتك للدكتورة داليا وهى ان شاء الله تفيدك
ربنا يهديه وان شاء الله خير لا تقلقى وطمنينا عليه

دائما الطفل الذي يسرق يكون ينقصه شي من العواطف
راجعو اسلوب التعامل معاها واشعريها بالاكتفاء العاطفي
اذا لم يصلح حالها راجعي فيها اخصائية نفسية