ابنتي سريعة البكاء حساسه متذمره مالعمل ساعدوني

الحال من بعضه بنتي كذا عمرها ثلاث سنين وخمس شهور نفسيتها مره متعبتني تطفش وتبكي بسرعه لدرجه اني اشيل هم لارحت عند ناس
وماعندها وسيله الا البكاء الله يهديهم بس الله يستر لاتطول على ها الحال وكل ماقلت بتكبر وتتعدل واصبر لقيتها تزيد وبعد قرائتي لمو ضوعك زاد همي الله يستر

نفس معاناتي مع بنتي ونفس عمر بنتك الله يهديهم
وازيدك من الشعر بيت عند الحفظ تضيق وتبكي اذا ماحفظت بسرعه واذا تركتها قالت انتي ماتحبيني

انا بنتي كانت كذالما كان عمرها 3 سنوات بس تحسنت الحين وعمرها زي بنتك تقريبا

انصحك ما تضربينها الا في اشياء كبيره لان الضرب يبلد الاحساس.

ثاني شي استخدمي اسلوب الورقه كل خطا اكتبي في خانته x والعكس بس فهميها انه لو الصح طلع اكثر من الخطا

بتهدينها هديه وابدائي الورقه بلصح علشان تفرح وتتشجع , ولما تبكي عند الناس قوليلها اكتبلك خطا راح تخاف

وتسكت.

وحاولي تهدينها هديه باسرع وقت علشان تثق فيك ولو تاخرت راح تمل .

ياريت افدتك ادعيلي ولزوجي وابنائي ووالدي.

ياقلبي انا بعد بنتي كانت حساسة مرة
وهي اللحين سنة اولى ربييهديها ويخليها لي
بس اتبعت معاها اسلوب واستفدت منة كثر
وهي طريقة الجدول وعلقتة بغرفتها
وكل ماسوت شي زين او شين على طول للجدول واحط يا صح او خطا
ونهاية كل اسبوع نحسب الاخطاء اذا كثرة تنحرم من الهدية ههههه
كل خميس مخصصة لها هدية هي تختارها ( طبعا من ابوريالين هههههه تموت على الاستكرات والتلوين والقطن واللمعات والاعمال الفنية ) ومشاء الله ماشية معي اخر حلاوة ونفس الشي اذا طلعنا لاي احد نهدد بالجدول لها ولخوها
ونصيحه ياقلبي لاتضربينها وربي الضرب ما يجيب اي نتيجة ربي يخليها لك ويهديها