ابنتي لاتبكي بل تنتحب

وينكم؟

السلام عليكم
والله ماادري وش أقول بس الله يعينك
يمكن انها عنيده او يومها صغيره كنتوا معطينها وجه واللحين رحتوا عنها عشان كذا تلفت الانتباه بالصياح
ياختي الله يصبرك والله انها كبيره على هالحركات بس شوفي ابتعدوا عن الشيء الي ينرفزها بعدين انت تكلمي معها
الله يصلحها قولي لها ماما مايصلح كل شوي تصيحين ترى كثر الصياح يخلينا نزعل ونتضايق منك
وحنا نحبك ونخاف عليك اخاف اذا صرت كبيره يعورك راسك لانك كنت دايم تبكين
ولله يصلحها ويقر عينك فيها

الله يعينك اختي ترا مو كويس كذا يجيها فتاق الله لايقدر عليها بشر انا وانا صغيرة سوولي عملية فتاق بسبب كثرة البكاء والصياح وايضاً قريبي سوى العملية لنفس السبب:09:
ياليتك تحاولين تهديها بأي طريقة غير الظرب لأنه يزيد المشكلة ويعقدها ويخلي البنت تعاند اكثر
انا بنتي عمرها 5 شهور الله يحفظها وعندها نفس المشكلة تبكي بصووووت عااااااااالي يفجع يخليك تحسبين صارها شي وهي يا اما عندها نوم او متضايقة من الازعاج
حاولي تجلسينها اذا بكيت وتهدينها وتقرين عليها او انك تشغلين قرآن بالبيت
والتهديد ترا يجيب نتايج احياناً هدديها انك رح تحرميها من الحلاوة او التلفزيون او اللعب اذا بكيت واذا ماسمعتي صياحها حفزيها بالهدايا وقوليلها محد يحب البنات الي يصيحون بصوت عالي بس لاتزعلينها,
الله يعين اذا دخلت المدرسة .. حاولي تحللي المشكلة بأي شكل علشان لا تتعبين بعدين

أول شي اسقيها مويه مقري عليها وبعدين بخيها بالمويه 7 مرات
يعني حطي المويه في فمك وبخيها<<<<زي كوي الملابس

ثاني شي اشتريلها ألعاب تعليمية خذيها معاكي وخليها تختار اللعبة بنفسها
وجيبي لها دفاتر وألوان خليها تتلهى عن البكي
يعني موتقولين لها لاتبكين لأنها بتعاند وبتزيد
والا جيبلها اشرطة أناشيد تسمعها وترددهاواذا حفظت شوي شجعيه وكافئيها
عشان ترجع تسمع مره ثانيه وتنسى الصياح

الله يصلحها فيك ويحميها

اعتقد انها تعمل كذا للفت الانتباه الافضل الابتعااد تماما عن الضرب اهتمي فيها اكثر شجعيها وضحي لها انك تحبيها كثير قولي لها اذا صرتي ماتطلعي صوت عالي رح اجيب لك هديه حلوه وبالفعل اهديها بين فتره والثانيه اطلعي معاها للعب بره البيت كلميها بهدوووء عن تصرفاتها الغلط باسلوب حلو وانتي تحضنيها او تمسكي يدها وانشاء الله تكون افضل الله يهديها