بنتك مراهقتها صعبه اشوي وتذكرني بوحدة من معارفنا
انا اخصائيه اجتماعيه درست عن التمرد في فترةالمراهقه راح اعطيك بعض المعلومات اللي اتساعدك
حاولي تقرأي عن هذه المرحلة وخصائصها راح يساعدك كثير في معرفة ما تمرين به
عليك جعلها تتحمل مسئولية اخطائها يعني اذا سوت شيءخليها تتحمل العواقب وليس المعاقبه بمعنى تصحيح الاخطاء
امدحي اي تغير اتشوفيه مهما كان بسيط
جربي اتبوحي الها باسرار المراه وعطيها اشوية ثقة اتعاملي معاها بحب
حطي قواعد معينه يعني التلفزيون لو تطول عليه بعطيك انذارين والثالث تحرمين من البرنامج اللي اتحبيه وطبقي هالطريقه بحذافيرها
البنت تستدرجك للغضب والصراخ او بعدين الضرب او ترجعي تندمي واتعامليها بلطف اكسري هذي الحلقه المفرغة الللي اتعيشك فيها ولا تغضبي تعاملي مع الموقف بحزم وبرود تام
خلني اعطيك مثل


جلست تحت التلفزيون وطولت عليه بصوت عالي تعالي بهدوء وانتي عينك بعينها (هذا مهم جدا) وطي صوت التلفزيون وقوليلها هذا الانذار الاول بعد الثالث بطفيه
البنت كالعادة طرشت ورفعت الصوت
تعالي بعد دقيقه بالعدد وكرري نفس الكلام وبهدووووووووء
المره الثالثه طفي التلفزيون واخذي الافياش او الرسيفر فكيه وروحي فيه او قولي الها لانك ما سمعتي الكلام ما راح اتشوفي التلفزيون لمدة 2ساعه
انسحبي من المكان ومهما سوت لاتردي عليها خلي اعصابك هاديه
وتدرين اشبتسوي يمكن اتصرخ او اتكسر اي شيءقدامها او حتى تضرب اخوانها خليك هاديه وتذكري كل المحاولات اللي اتسويها استدراجك للغضب لو ضربت اخوانها لاتكلميها شيلي الاطفال من يمها بدون كلام لكن اتركيها الى ان تهدء وابدأ بحساب وقت فتح التلفزيون من هدوأها بعد ما تفرغ طاقة الغضب اللي فيها اهني ايجي دورك اجلسي معاها بهدوء وطبقي الكلام هذا حرفيا
اولا يجب ان تعتذر لكل من اسائت له
ثانيا عليها تعديل كل ما دمرته ولو اضطررت لخصمه من مصروفها (ضروري لتحمل المسؤليه)
ثالثا اخبريها بانك تحبيها وما فعلته كان لصالحها
طبعا انتي بتقوليلي ان كل هذا يبيله وقت او كل مشكله بقعد كذا ما راح اخلص
انا بقولك ان المسئله راح اتكوم بس في اول مرةويمكن تمتد الى ثلاث مرات بعدين البنت لا شعوريا ابتنتبه على تصرفاتها وبتعمل لك الف حساااااااااااااب عشان ما تدخل في دوامتك
طبقي هذا وقوليلي بعدين شالنتيجه عشاااااااااااااان اخبرك شتسوين

شوفي اختي انتي كيف تحسسيها بحنانك بيني لها انك واقفة في صفها اذا غلطت على احد وإلتمسي لها 70 عذر قدامهم وقدامها بس بينك وبينها بيني لها الغلط
ثاني شيء اذا هي ترفع صوت التلفاز باعلى شيء انتظريها حتى تبدا تنام وارفعي انت التلفاز باعلى شيء !!! ليييييييه ؟ حتى تحس بنفس غلطتها على الغير ...يعني داوها بالتي هي داء
اذا هي قالت كلام بايخ حاولي تنزلي لعقلها وتعملي زيها ...طبعا هي راح تشوفك وتستغرب بس راح تحس بان هذه الحركات مو طبيعية
ايش رايك لو تصورينها بكميرا فديو بدون ما تحس وتخليها تشوف نفسها على الطبيعة
تصوري اعرف ناس لما شافوا انفسهم في الفديو والله انهم حسوا قد ايش حركاتهم باااااااااااااااااااايخة والضحكة بايخة بس كانوا غافلين مو منتبهين لانفسهم الا لما شافوا حركاتهم في الفديو

والله اعلم اذا كان هذا الاسلوب يناسب بنتك او لا بس انت خذي الافكار اللي تحسي انها مفيدة والله يوفقك
دائما رددي الدعاء (( "رب أوزعني أن أشكر نعمتك التي أنعمت علي وعلى والدي وأن أعمل صالحاً ترضاه وأصلح لي في ذريتي إني تبت إليك وإني من المسلمين)))

الله يكون في عونك
ادعي ان الله يهديها
واهتمي فيها اكثر وحسيسيها بكذا

عامليها بحنان
واخذيها لغرفه واجلسي كلميها وانصيحها واجلسي ابكي مثلا يمكن تتاثر
لان الوحده اذا شافت امها تبكي تحاول ترضيها
وابكي وقولي انا ابي بنتي تصير مثل باقي البنات عاقله وشاطره
وقولي لها لاتقولين نكت وصخه ترى هذي سمعه وبعدين محد بيتزوجك تراهم يخافون من سيره الزواج
ترى اذا صرتي كذا مايتزوجك الا واحد مو عاقل خليك عاقله وربي يرزقك بزوج وولد عاقلين

هي تبي اهتمام
تبي تقهرك
اي حركه تسويها اضحكي وابتسمي لاتبينين انك منزعجه منها
طنشيها..من كلامك مبين انها تبي تقهرك بس
والله يعينك عليها