الله يهديها يارب

بنتك امكن من زود ذكائها انعكس عليها

بعدين بنتك امكن من ظروفها ووضعها صارت تسوي فيكم كذا تبي تلفت فقط افنتباه ونظرالناس لها انت طنشي اللي تسويه فيكم ولا تعلقين على تصرفاتها وخذي المر طبيعي فتر من الزمن .

اذا راقت لها الوقات ناقشيها بس لا تانبيها ولا تحاولين تقارنينها بأي احد حتى لا تقتليها زيادة ولا تبثين في داخلها الكره لأي اي احد
ابعد عنها اي موجة خوف منك او من ابوها لاتأمرونها عامليها بانها كبيرة واطلبي منها اي شئ بممكن ولو سمحتي وشكرا والله يعطيك العافية .

اشتري لها اي شئ تبيه حتى ولو اخفقت مثل ما تجيبي لختها جيبي لها امكن امورها تتعدل اذا شافتكم ما تفرقون حتى وان كانت اختها تستحق ومميزة وهي لا حاولوا انكم تثبتون لها انهم عندم سواسية امكن هيذا الشئ هو اللي معذبها.

الله يعينك تصرفاتها فعلا توحي لك انها مريضة لكن دامك كشفتي عليها الله يسر امرك وامرها

اتوقع ابوها ما استخدم معها الشدة ...

هذة مشكلة الاب اذا كانت شخصيته ضعيفة او مدلع عيالة وما له هيبة مستحيل الام تسيطر عليهم ..

بكرة اذا تزوجت وجاها رجال يمسح فيها الارض وعلى كل حركة استهبال كف بتتعدل ..

الله يعينك ويهديها ...

وعليكم السلام ورحمة الله وبركاته ...

الله يعينك ياقلبي ..

اسمعيني ..

ودي بنتك لشيخ خليه يقرأ عليها يمكن فيها شي ..

كانك تسولفين عن اختي بالزبط
الله يعينك توها صغيره اصبري لين تكبر وبتشوفين العجب العجاب منها
اختي لما صارت بالعشرين بدت تصارخ بالحوش وترفع صوتها وتقول انتم ليه ماتزوجوني انتم ترفضون الخطاب
والجيران لاشافوا امي الله يرحمها يقولون لها زوجيها حرام عليك
امي الله يرحمها كانت دايم لها بالصلاح والهدايه واذا فيها شر علينا او على نفسها ان الله ياخذها ويفكها منها
وسبحان الله امي اللي توفيت وهي اللي عايشه والحين داخله بالثلاثين ونفس الحاله ماتغيرت
تخيلي زوجها اخذ منها ولدها وتزوج عليها بيادبها ولاتادبت
والضعيف يقول ماودي اطلقها وين تروح؟؟؟
امها وابوها متوفين واخوانها مايبونها
وهي ماسكه هالنقطه عليه كل ماقالها شي قالت هات ورقة طلاقي
وامي الله يرحمها عجزت عنها بجميع الاساليب مافاد لدرجة انها شرت خيزرانه اصليه اللي تسمعين صوتها بالهواء وضربها نااااااااار
ومافاد معها
ونفس بنتك كلامها وصخ وتدخل بين اثنين واذا عرفت سر تنشره
انا كنت حامل ومخبيه عليها لين وصلت الشهر الرابع وشافت بطني وراحت انشرت خبر حملي وانا ماقلت لااحد نهائي
ويوم واجهتها تحلف وتقسم انها مو هي اللي خبرتهم
اجل مين؟؟؟!!!!
وساعات لما تسولف معك تقولين بروفسوره من ذكائها
الله يكون بعونك
الحل الوحيد اللي فاد معها التطنيش ولا تخلينها اكبر همك واهمليها هالنوعيه عندهم تبلد بالاحساس اصلا مايحسون بشي حتى الضرب مايحسون فيه
لاتناقشينها باللي تسويه لانها راح تبرر لك باشياء غير مقنعه وترفع ضغطك
والدراسه اتركيها بكيفها لايصير اكبر همك انها بتتخرج من الجامعه لان امي الله يرحمها تعبت مع اختي الييييييين دخلت الجامعه وبالاخير انطوا قيدها
وهي مثل بنتك ماغير تسقط وتشيل مواد وتعيد السنه وماتذاكر ماغير تلعب او تنام او تضيع وقتها بأي شي
وبيجي على بنتك مرحله راح تكذب فيهوتطلع لك قصص من راسها والمشكله انها خياليه مثل اختي
واللي تقول وديها لشيخ يقرا عليها اختي قرا عليها شيخ وقال مافيها الا العافيه واصحى مني ومنكم ماشالله
اختي مالك الا الدعاء والحين فرصه حنا برمضان ادعي لها اول ماياذن المغرب وقبل ماتاكلين التمره
وباخر الليل
وانتبهي تقولين لها اطلعي مانبيك بيننا ترا بتطلع
امي الله يرحمها زعلت على اختي زعل قوي وقالت لها اذا ماعجبتك العيشه اطلعي روحي دوري لك على اهل غيرنا
وراحت لبيت لاخوي واخوي قال لامي بخليها 3 ايام وبرجعها
والحين اختي صارت ماتجلس في بيتها ابد لازم تروح لبيت اي احد من اخواني او اقاربنا وتجلس عندهم بالاشهر بعد
بنتك فقط طنشيها وامدحي الاشياء الحسنه اللي تسويها سواء لنفسها او لاختها او لاي احد والاشياء السيئه سوي نفسك ماشفتيها وطنشي
لان امي الله يرحمها وحنا بعد ماكنا نمدحها ابد دايم نسبها وهذا غلط لانها صارت تسوي اشياء تلفت انتباهنا
والله يهديها لنفسها ويصلحها يارب ويبعد عنها كل مكروه يارب