ياحبيبي ياحمود @yahbyby_yahmod

محررة

ابنتي... والدورة

السلام عليكم ورحمة الله وبركاته
ودي مشورتكم في شغله وهي بنتي الصغيره عمرها7 سنوات يعني في أول ابتدائي دائما تسألني ليه ماتصلين أيام اللي اكون أنا في العذر الشرعي لأنها متعوده دايما أصلي معاها أنا صرت أقول لها إني صليت قبها بس مايمشي عليها هالكلام ليه صليتي قبلي ..ليه ما انتظرتيني ..ومره كنت في مكة وقاعده في ساحة الحرم قامو الناس يصلون وأنا جالسه
يالله بدأت بالتحقيق حقها أنا ودي أعطيها مقدمات عن الدورة بس ما أدري هل عمرها مناسب؟ وشلون أبدأ معاها؟ أخاف تفضحنا تروح تقول عند أحد مثلا خالها أو... عن هالموضوع خاصه أنها من تعرف معلومه جديده الله يسلمها مايبقى أحد ماتقوله ودي أشوف آرائكم وتجاربكم واللي بنتها قربت من البلوغ شلون علمتها والله أني خايفه من هالوقت
خاصة أمي ماعلمتنا شي حتى عن الزواج الله يسامحها يمكن بدافع الحيا والعيب ما أدري ؟!
حتى كنت أول ماتزوجت لما أمر بوقف أحتار فيه أروح أسأل زميلتي والله إنها كانت تضحك علي أحس إني كنت هبله :44:ما أتجرأ أسأل أمي هي ما عودتنا في فجوه بيننا وبينها وجزاكم الله خير..أنتظر ردودكم مشكورين

يلزم عليك تسجيل الدخول أولًا لكتابة تعليق.

تسجيل دخول

طوق الورود • 15 سنة

قولي لها انا صليت قبلك

اول مااذن

استناتكي وما جيتي فصليت

ام النرجس • 15 سنة

انتي بنتك انا ولدي بثاني اذا قلت له قم صل قال وانتي ليه ماتصلين!!!!!!!!!!!!!!!

عيون ابوابراهيم1 • 15 سنة

ما ادرى احس صغيرة على ها الامور

انا بنتى بثانى وما افكر اعلمها الحين لسه بدرى

غريقة بوحدتي • 15 سنة

في رأيي أنك ما تفولين لها عن الدورة..
سنها صغير وما راح تستوعب الموضوع..
وبتسوي لك فضايح ومواقف محرجة..

:mad:

انا يا محدثتك.. قعدت لين عمري 14 سنة مو فاهمة الموضوع على بالي الدورة تجي مرة بالعمر..
لين هجدوني البنات في المدرسة وفهموني..:09:

طيب ليه ما تمثلين قدامها انك تصلين ادري انها صعبة..
بس اذا صادتك وحطتك بزاوية ضيقة مثلي عليها
واذا ما انتبهت لك والتهت عنك قولي لها انك صليتي..

لين تكبر شوي وهو بالصف السادس راح يدرسون الحيض..
وممكن وقتها تفهمينها الموضوع على خفيف..

والله يحفظها لك ان شاء لله..

ودمتي بود غاليتي..

:26:

مها بريده • 15 سنة

انا يوم بنتي بعمرها كنت اقولها انه فيه ايام الحرمه ما تصلي لان ربي قال كذا واذا اوجعني بطني صرت ما اقدر اصلي بس هذا الشى مانقولينه لحد لانه عيب الواحد يحكي با الشى وعادي كل الحريم كذا ولا يقولون لانه عيب وما يدري فيه احد*****وبعدين لازم تعطين البنت فكره ولو بسيطه لان بعض البنات تبلغ بدري وما يمديك تمهدين الموضوع لازم تبدين من الحين تمهدين للبنت وخليه اول سر بينك وبين بنتك وصادقيها عشان ما تصير تفضحك عند احد وقولي لها هذا سر ما يدري فيه احد بس الحريم بس انا علمتك لانك صرتي كبيره وتفهمين الله يخليها لك