ابنتي وانا والغربه ساعدوني

اختي انتي تقولين ان بنتك تقعد مع الشغاله وقت الدوام بس ولما تجين البيت تقعدين معها معناها مافيه مشكله لان بنتك متعودة وماراح تلاقين صعوبه في التعامل معها وفطامها

ساعدوني

عزيزتي ربي يحفظ لج بنتج إن شاء الله
بالنسبة للفطام
ممكن تعطينها بالكاس في الوقت إللي صاحيه فيه
بس إذا نايمة عطيها بالرضاعة .... لأن الحليب جداً مفيد لها

أما الحمام فلاتعودينها عليه إ إذا استقريتي في الغربه ورتبتي أمورج

أما إذا باقي وقت على الغربه مثلاً 4 شهور فابدأي معاها

أما من ناحية الخدامة إذا بنتج ما متعلقة فيها بشكل يخوف كأن ما تبغيج وتبغيها والليل ما تنامه إلا في حضن الخدامه لج الحق تخافين عليها
بس إذا عادي مافي داعي للخوف إن شاء الله

ولا تعصبين عليها
تدرين بنت إختي الله يحفظها عمرها 6 سنين بس مره سألت أمها سؤال .... كان لنا فيه درس نحن الجالسين
وأتمنى تذكرينه
يوم إنتي صغيره وفي عمر بنتج ترضين أمج تعصب عليج لأنج بيبي وما تفهمين شو إللي تبغيه منج بالضبط؟؟؟
فوقفت إختي لحظه مع نفسها شافت البنت كلامها صح....
ومنها كل مانبغي نحاسب طفل نقول لو كنا في مكانهم شو لاتصرف الصحيح ....
وبعدين الطفل رب العالمين ما كلفه وهو بهذا العمر بأي شي .... ورافع عنه الحساب
فكيف نحن نحاسبه، ونكلف بأشياء ونطلب منه يطيعنا؟؟؟
هدي أعصابج واذكري ربج كل ما بغيتي تعصبين واستغفريه
لأن الإستغفار يهدي النفوس
وتقبلي مروري

شوفي حبيبتي البنت صغيرة وبتنسى الخدامه بسرعه رجعيها لحضنك ومن الحين تخلي عن الشغاله

اذا رحتي للبلد اللي بتروحينه طبعا فيه نيرسيري بتستانس وتنسى الشغاله ولاراح تزعجك اما الحمام فلا تعودينها الحين انتظري شوي لما تستقري واذا وديتيها النيرسيري هم بيساعدونك بعد ماتكمل السنتين وبالنسبه لفطمها من الرضاعه انا عانيت من هالامر بس اذا بتفطمينها افطميها قبل لاتروحين لانها بتبهدلك مره روحي الصيدليه تحصلين اكواب تشبه الرضاعه لكن لاتاخذين اللي بديل الرضاعه لانه مابيساعدك خوذي اللي ماينزل منه الحليب او العصير الا بالشفط ولاتشربه الا وهي جالسه منشان تنسى الرضاعه والرضاعه انا بصراحه من سنه ونص افطم واجيب المقص واقص حلمة الرضاعه واعطيها لها ويكون البديل موجود تبيلها اسبوع على بال ماتنساه لكن لازم تتحملين قبل لاتكبر وبعدين بيصعب عليك اكثر

وموفقه

الله يعافيكم ويحفظ لكم غاليكم اخواتي

طريقه قص حلمه الرضاعه ماقد جت ببالي بس احسها فكره حلوه

انا الحمدلله بنتي مو متعلقه تعلق بالشغاله فضيع ولاتنام الا بحظنها لا

تنام بحظني انا ولما اكون بالبيت بس تقول ماما غسليني ماما اعطيني تحبني اانا اسوي لها كل شي

استفدت من نصايحكم والله يجزاكم الجنه وبانتظار خبراتكم