% ام غالية % @am_ghaly_9

عضوة نشيطة

ابنتي وفرط الحركة

السلام عليكم يا بنات
عندي مشكلة مع بنتي ووصلت لمرحلة اني ماعاد اقدر اعطي اي مجهود اكثر لاني بالاساس ماني عارفة الحلول

بنتي عمرها 6 سنوات و 7 شهور وعندي بنت ثانية عمرها سنه و3 شهور
بنتي الكبيرة فيها فرط حركة طبعا بالبداية ما كنت اعرف الشي هذا بس لاحظت على بنتي كل ما كبرت كل ما بين معاها الشي هذا اكثر واكثر خصوصا لما جت اختها الصغيره وبدت معركة الغيرة
دخلتها مدرسة من لما كان عمرها 3 سنوات وهي من النوع الاجتماعي ولكن تحب لفت الانتباه بزياده
الكل ملاحظ انها ذكية وتتعلم بسرعه ما شاء الله بس الفتره هذي انا ملاحظة ان ذكائها صار مصاحب لتشتت بالانتباه
لدرجة اني اذا عاقبتها وجلستها بزوايه ما تعرف تجلس بدون ما تتحرك حتى لو المكان صغير
زرت مدرستها الابتدائية قبل اسبوع علشان اعرف مستواها الدارسي وبنفس الوقت ابي اعرف هل هي نفس الشخصية بالمدرسة او لا طبعا كل المدرسات ما ينطقون الا بـ ( البنت ذكية جدا ولكن حركتها الزايدة مؤثرة عليها )
صارت مهملة جدا سواء بالمحافظة على ممتلكاتها الشخصية او المدرسه لا بد انها تنسى شي بالمدرسة او تضيعه حتى ما عندها احساس المسئولية ان الشي هذا تبعها وانها فقدته
صارت ما عاد تفرق معاها عقاب او ثواب تبكي لها كم دقيقه وترجع نفس ما كانت
عرضتها على مركز مطمئنه عند دكتور مختص بالاطفال بالبداية قال سويتي لها اختبار فرط الحركة قلت لا سوا لها كم اختبار للذكاء وقال البنت ذكية جدا ولكن لانها تستخدم يد وحده هذا الشي ما يخليها تركز وقال بنعطيها اوميغا 3 شراب والجلسة الثانيه بعد اسبوعين وطبعا ظروف عملي وعمل ابوها راح علينا الموعد
قريت واطلعت على اشياء كثيرة تختص بفرط الحركة عند الاطفال وكان فيه اختبار مسويه دكتور عباره عن اسئلة وتقيمين طفلك الدرجات اللي تكون اقل من 15 هذا طفل طبيعي اما الدرجات اللي من 15 واعلى الطفل يكون عنده فرط حركة ، لما سويت الاختبار بنتي طلعت نتيجتها 22
ابوها مره يتعاون ومره يقول لي انتي مكبرة المساله وهي زيها زي اي طفل وانا مو شايفه الشي هذا ولا اللي حولي شايفين الشي هذا برضو

انا وصلت لمرحلة والله اني تعبت فيها مره ماني عارفه اتصرف معاها نفسيتي صارت ما عاد تتحمل منها اي شي خصوصا ان في كل شي اطلبه او المفروص انها تسويه مثل حل الواجبات تتاخر فيه يعني مثال واحد
عندها واجب لمادة واحده المادة هذي اقل شي تاخذ فيها من ساعه الى ساعه ونص وطبعا اذا مو اكثر من كثر ما تتملل وتتافف وتتحرك وتتشقلب

اللي عندها اي حلول او اي تجارب مع طفلها تقول لي اياها وتتاكد اني بكون لحاجة هالمعلومه حتى لو كانت بسيطة

بانتظاركم ..

17K

يلزم عليك تسجيل الدخول أولًا لكتابة تعليق.

تسجيل دخول

حواء تهمني • 12 سنة

الله يعينك يارب ومالك الاتكملين مشوارك مع اخصائيه ماراح احد يعطيك حلول مرضيه غير الدكتوره والله يسنع امركم يارب

ملعقه رز وبطاطس • 12 سنة

:26:ياعيوني ادخلي في اليوتيوب واكتبي
المشي حافي ل المعيوف التميمي
وان شاء الله راح يفيدك كثيررررر
والله ما اعرف انزل روابط
وتقبلي مروري

cuute • 12 سنة

ارجعي للمركز وكملي مراجعات عشان تتأكدين
احنا هنا مو اطباء ولا استشارين مو احسن منهم عشان تتركيهم وتجي تسألي هنا
صح النت اسهل بس مو افضل فيه الصح والخطأ وما تدرين يمكن الي يطيح في يدك الخطأ وتندمين
اشياء زي كذا ما اشجع انك تاخذين حلولها من النت هذي يبغالها اختصاصي يعاين الحاله بنفسه ويتأكد اذا طبيعيه او لا
الله يحفظها لكي ويخليها يارب

رحيقة الورد22 • 12 سنة

الله يخليها لك اختي بس لازم تستمرين على علاجها لان فرط الحركه وتشتت الانتباه درجات وكل درجه لها علاجه
الي بيفيدك اكثر الاخصائي اذا شافها واختبرها بيحدد ايش علاجها ولاتخافين ان شاء الله تتحسن وكثير مثل حالاتها وتحسنو بالعلاج
بس اهم شي لاتهملينها..

بدنيتي • 12 سنة

نفس حالة بنتي ونفس عمرها وعندها فرط حركه ولكن ماستفدت اي حاجه من الدكاتره ولا ادويتهم غير خساير ماديه فقطططط لي كم سنه اعالج ولافي اي تقدم وقبل شهر دخلتها برنامج تعديل سلوك مع دكتوره لمدة شهر بواقع جلستين بالاسبوع ومبلغ وقدره 2000 ريال ولكننننننننن تيتي تيتي مثل مارحتي جيتي وجاني احباط وخيبة امل ووقفت اي علاج واي موعد ولجات لربي هو عالم بحالي وبدي اتحملها طول العمر قدرالله وماشاء فعل