الإستخاره ثم الإستخاره ثم الإستخاره , استخيري انتي وبنتك و اللي ترتاحون له سووه

مافي علاقه أبد بين النصيب والتخصصات الصحيه , الحين اعرف بنات كثير تخصصات صحيه ومن قبايل متشدده وعادي الناس بدت تتفتح ,, والمجتمع اللي انتي فيه ماتدرين بعد سنتين وش بتكون نظرته !

تذكرين على بداية التمريض الكل مستغربه ,, والحين نادر أحد يستغربه ..!

إذا تبغين رأيي الرازق بالسماء سبحانه والله اعرف وحده دكتوره وقبيليه ومتزوجه دكتور تزوجها بعد ماشاف أخلاقها واحتشامها بالدوام وماشاءالله الحين عيالهم أحسن تربيه وبيئه

بعد الإستخاره ربي بيدلك على اللي فيه الخير ,, فكري لو حولت وبعد كم سنه تغيرت نظرة مجتمعك لهالتخصصات رح تشوفك السبب ورح تتحطم

لكن إن ماتزوجت سواء بهالتخصص أو غيره مارح تلقي اللوم على أحد ,, لأن كثير بنات بتخصصات شرعيه وغيرها ومابعد تزوجوا ,, النصيب عند ربي سبحانه من قبل لاتنولد بهالدنيا

توكلي على الله ,, اقرئي هنا بالقسم في بنات ماتزوجوا ,, بدون أي سبب سوا انه أمر الله وقضائه

صدقيني لا التخصص ولا غيره سبب ,, الله مسبب الأسباب و بالدعاء ربي بيفتح لبنتك أبواب ..!

استخيري ووكلي أمرك لله ,, الله يوفقها ويسدد خطاها و يطمن حيرتك وقلبك

بقولك عن اللي اعرفهم وتجارب البعض...اعرف وحده تاخرت وتزوجها دكتور من المستشفى ومو من قبيلتها واعرف وحدة ثانية تطلقت يقولون السبب وظيفتها وزوجها يقول عدم تفاهم واعرف وحدة ثالثة صارت بينهم مشاكل كثير هي وزوجها وتزوج عليها كله بسبب التمريض وبعدين طلق الثانية ورجع للاولى والحين عايشة مبسوطة وعلى وظيفتها الحمدلله ...... واعرف وحدة مرة مرة مجتمعها محافظ انخطبت اختها اللي اصغر منها وماحد خطبها وبالاخير بعد ماتاخرت خطبها واحد بعيد مرة مرة عن منطقتهم واضطرت تفصل من وظيفتها .... واعرف وحدة دكتورة اشعة رفض زوجها انها تتوظف بعد ماتعبت سنين وفضلت الزواج على الوظيفة ...... بالنسبة لي بنتي لسه صغيره بس ماراح امنعها عن شي او دراسة او وظيفة هي حابتها والزواج بالنهاية قسمة ونصيب ....

شوفي انا راح احاول اكون بموقفك واتكلم من نظره مجتمعك عشان اقدر ارد ..

اول شي تؤمني بالقضاء والقدر..!!

تثقي بربنآإ..!!

لو هدي الامرين فيكي حتكوني جدا مطمنه ولا تخطر الحيره ع بالك

فالحل خليها تستخير وربنآ مآراح يضيعها ولايضيع اخوآتهآ ..

ولا تغيري رغبه البنت ومستقبلها عشان شي مجهول

اساليها ادا هيا نفسها بدا التخصص لاتحرموها رغبتنا

ماقالت رقاصه !! قبل يرفضو الممرضه ودحين الكل خاق عليها .وشوفي ايش سار عندنا بعد كدا

الدكتوره والمهندسه والمصصمه حتى في القانون ماشاءالله انا بنفسي اعرفهوم وماشاءالله حياتهوم ميسرهـ

الحياه اتغيرت .

دائما انظري بامورك للخالق واتركي الخلق

طالما انتي منتي مسويه شي يغضب ربنا
ليش تزعلي وتنكدي ع نفسك
ربي حيكفيك ما اهمكـ ..

احنا ماضيعنا ورجعنا الا الناااس .
حيأكلوها عيش بكره حيربولها اولادها حيسألوا عن حاجتها

حيشوفوا مشاكلها حيداروها .........!! تيب بستين داهيه ع كدا

واغلب االلي تقولي ببريده ومحافظين تعالي شوفيهوم عندنا ما احد

ماسك المناصب الاحريمهوم بس يطلعوا من عندكوم ويروح العيب !!

ويا امي فكري بنتك قدامها لمن تتخرج كم سنه يعني في الكم سنه هدي

الدنيا تتغير ادا دحين يروا ع الموظفه كيف بعد تلاته اربعه سنوات ..

الخلآصه : تستخير ..تكمل برغبتهآ من غير ضغوط لاتتعود تتنازل من دحين

وهيا فبيت اهلها عن حقها عشان رجال ماتدري يعزها ولا يدلها ..

وتتوكل ع الله والسلامـ بس..!!

وربي يوفق الجميع ..

اجمل شيء سويته اني سالتكم ياكريم كل وحده صدقت معي وحطت موقفه مكاني وقالت رايه بكل صراحه تحقق كل دعواتها عاجلا يارحمن يارحييم
المشكله مجتمعاتكم انتم متفتحين اكثر منا حنا غير ولا اعرف نماذج عندنا نهائي يارب دلني على الطريق الصحيح

وينكم ............ز1