ابنتي ولغتنا الجميله؟؟

الأسرة والمجتمع

صباح الخير

بنتي تعبااااانه وتعبتني معاها

معلمتها بالصف الاول مااقول الا الله يسامحها ويعفي عنها

تعليم بلاضمير

لم تاسسها نهائيا

والحين هي بالصف الثاني

ممتازه بجميع المواد عدا الاملاء

حتى استاذتها مستغربه جدا من مستواها

ونححت ولله الحمد

كل المواد واحد الا هاللغه

فودي بالاجازه ادخلها دورة املاء

ممكن القى

بالذات انا بغرب الرياض

وهي رايحه ثالث صعبه

لازم اشد عليها

فياليت الي تعرف دار

او مركز يساعدني ترد علي


وهالله هالله بالرفع
11
946

يلزم عليك تسجيل الدخول أولًا لكتابة تعليق.

تسجيل دخول

الحلم والأمل
الحلم والأمل
وانا نفس حالتك
الطاوسة الحزينة
رفع
نجمةسدير
نجمةسدير
انتي مليها كل يوم ساعة ،، وكمان عطيها كتاب مو من منهجها وخليها تكتب وتنسخ علشان يثبت في الذاكرة ،، اهم شي لا تتركينها فرصة مدامها صغيرة علشان تتلاحق عمرها..
al7zeenaah
al7zeenaah
صدقيني مافيه احد بيعلمها بذمه وضمير كثرك

مااقول انهم ماعندهم ضمير

لا اقصد انه مافيه احرص من الام على عيالها

مثل ماقالت الاخت يوم ايه ويوم لا املي عليها بعض الكلمات وحاولي تشجعينها حطي لها لوحه واكتبي اسمها وقولي اليوم اللي تكتبين فيه صح احط لك نجمه واخر الاسبوع اذا جبتي نجوم كثير نروح مشوار او اشتري لك شي

ونصيحه القراءه مهمه اذا عرفت تقرا راح تعرف تكتب

علميها تتهجأ الحروف كلمه كلمه بعض الاطفال يحفظ شكل الكلمه ويرددها

وياليتك انتبهتي لها من اول

انا قريبتي كذا انتبهت لبنتها من الاول يوم شافتها في صف ثاني ماتعرف تكتب زين و املائها ضعيف خلتها تعيد السنه تقول مايخالف تعيد وهي صغيره ماتفهم احسن من انها تعيد وهي كبيره وتتعب بدراستها والحين البنت ب 3 ماشاء الله تقرا قراءه سليمه وتكتب صح معظم الكلمات بسم الله عليها

ومايخالف ترى الاعاده مافيها شي لاحقين على الدراسه وهمها اذا كبروا لا تقولين حرام ماابي نفسيتها تتعب

الحين صغيره ما تستوعب كثير بس بكرا اذا كبرت وهي ماتعرف تكتب صح من جد بتتعب نفسيتها

و وحده ثانيه بصف اول وامها لاحظت عليها انها ضعيفه خلتها تدرس عادي طووووول السنه وتركز عليها ويوم جا اخر السنه وشافت ان بنتها للحين ضعيفه سحبتها قبل نهايه العام وخلتها تعيد من جديد السنه اللي بعدها وقالت لها المدرسه صارت مشكله وسكروها والسنه الجايه بتدرسون من البدايه والحين البنت باول متوسط واحسن بكثثثثثثثثير بدراستها
ام رها
ام رها
نصيحة-لا تعتمدوا على المعلمين والمعلمات في التأسيس الفصل مكدس على ايش يلحقون لازم الاسرة تتعاون معهم-
عيالي كلهم بذلت جهد في تدريسهم وخاصة اولى وثاني ابتدائي -
مالك الا تبدين لها من اول وجديد سوي لها املاء نظري واختباري -حددي لها فقرات من القطع وخليها تكتبها 3مرات ومليها بعدين والله يعينك اصعب مهنة التدريس -