ابنتي ومشكله الوحده

الله يعينك اختي بس حاولي انك تشغليها بشي مثلا جيبي لها من الدفاتر الي فيها رسومات وخليها تلون او اجلسي العبي معاها اواذا عندك جيران خلي اطفال الجيران يجوعندك ويلعبومعاها اوجيبي لها اخ اواخت وان شاء الله راح تنشغل وراح تريحك كثير اتمنى انك تكوني استفدتي من مشاركتي المتواضعه

انا عندي نفس المشكلة....وطبعا اكثر شي التلفيزيون اللي تنشغل بيه...واحيانا اجيبها معي على الكومبيوتر...واخلي تشوف معي اشياء...وصور....وبعض مواقع الاطفال...,لما تلعب بألعابها اروح معها...وألعب ..بس طبعا لما افضى...بعد امليلها البانيو ماي لأنها تحب تلعب فيه...واحط ألعابها فيه...واستغل الوقت اللي احسها ملانه فيه بأني ااكلها.....صراحه حصلتها فرصه...لأني بنتي ما من النوع اللي ياكل...[س لما تكون ملانه تاكل شوي...بس هذا اللي عندي واللي عندها افكار تحطها

عن نفسي ما عندي خبرة...بس خطرت في بالي فكرة ليش ما تدخلين بنتك روضة ..او Play group ( مجموعه للعب) . اسمع عنها هنا في بريطانيا تروح الام مع طفلها و تتعرف على امهات و اطفالهم و يلعبونهم و يكون مرة او اكثر في الاسبوع...ما ادري اذا كان عندكم نفس الشئ

و الله يسهل امركم

حبيبتي أم خالد أنا عندي نفس المشكله بنتي طفشانه من الوحده ومطفشتني معاها لا تاكل وبس تبكي وديتها Play group أنا في بريطانيا مره في الأسبوع أمبسطت بس يوم مايكفي مسرع ماترجع يبغالها حضانه يوميه علشان ماترجع منهم الى خلاص داخت من العب.

نفس مشكلة بنت اختي وتطورت حالتها انها تاكل اظافرها يدها ورجها وتلعب مع نفسها وتتكلم مع نفسها وتبوس الصور الي فيها اطفال
وهي جدا عدوانيه وعصبيه بس اذا خرجت تشوف اطفال يلعبون تلعب معاهم ولكن في النهايه لازم تضرب احد منهم
رغم ان امها دايم تخرجها وتوديها الالعاب

يا اختي جبيلها اخ او اخت يونسها وتلعب معاها مافي حل الا هذا

اختي لو تستطيع الحمل كان من زمان حملت لكن الشكوه لله