بعدما أخذ اللي يبيه و جرب الزواج الثاني زانت له الأولى ،كان من أول جلس معها ،هم كذا ، مايعجبهم الزوج الا اذا صار عند وحدة ثانية ،وبعدين ترجع تخرب عليهم و تتلزق لين يرجعها ، والله ياعزيزتي مدري بشنو أشور عليك ، إذا تشوفين انك ماراح تتحملين خليه في حالك و شوفي نصيبك مع أحد غيره ، أو اطلبي بيت باسمك مثل ما سوى لها و اضغطي على نفسك شوي ، الله يهون عليك ..

الله يكون بعونك

هو ظالم زوجته الأولى والآن بيصحح خطاه وهي كمان مو من حقها ترجع لزوجها والا دايما ننظر للأمور من زاوية وحدة؟

شوفي عزيزتي
اذا هو طيب ومايقصر عليك بشي ويصلي ويخاف الله خليك معه واستخيري
واذا تحسينه بيظلمك لما ترجع زوجته وبيطنشك انتِ ارجعي اللحين وشوفي وش بيصير بعدها قرري لاتستعجلين وتندمين نصيحة
ماعرف كم عمرك وانتِ مطلقه سابقا صعبه عليك
الله يدلك على الخير ويصلح مابينكم

دائما نكرر ونعيد المطلق وعنده اطفال نسبة ترجيعه لطليقته قوية جدا واغلب المطلقين ومعهم اطفال بعض الاحيان يبعدون 10 و15 سنة بعدين يرجعها , عشان كذا اللي تبي تتزوج واحد مطلق تتاكد انه ماعنده اطفال يربطه بطليقتها بأي طريقة ولا يحن لها ويكون طلاق بائن
ادعي واستخيري
وشوفي وش ترتاحين عليه ورأيي روحي لاهلك وعيشي الحياة اللي ممكن تعيشينها معهم بعد الطلاق وشوفي مشاعرك وقفلي جوالك وتخيلي نفسك تطلقتي منه وبعد عشر ايام من الاستخارة والدعاء والتفكير القرار النهائي لك