ابنفجر استغفرالله افكر في الانتحار؟؟

:44:اكتب ذا الموضوع وانا قاعده اعيط اعطوني كلينكس إ بنات احس حياتي ملل وقرف وطفش قسم ب الله طفشت ومليت من حياتي اه لو يرجع الزمن لوراء شوي وماتركت دراستي الله كانت ايام حلوه عندي صديقات وعندي دراستي تشغلني مو الحين عاطله لا شغل ولا مشغله بس منسدحه ومتضايقه ومالي نفس اكلم احد صديقاتي ابتعدت عنهم وهما كمان مو فضيات لي عندهم جامعه وحركات اول سنه لهم في الجامعه (الله يوفقهن) مرات يرسلوني ليش ماتكلمينا ايش فيك اكذب عليهم اقول مشغوله وانا منسدحه في مكاني :44: بس عشان اسوي يعنني حتى انا في شي يشغلني مو بس انتم تخيلو صرت يا ام منسدحه في سريري ولا مركيه في ركن بصاله اطقطق في جوالي واطقطق على الفاضي وابوي ي بنت اعميتي عينك بها البليه ذا تقلون اشتغلي في البيت ونظفي اقولكم مافيني حيل انظف وكسل وياالله اسحب نفسي اخواتي يجون من المدرسه يسلفوني وانا اطالع فيهم وابحلق عيوني اسمعهم بس مدري وش يقلون واهز راسي على اني فاهمه سالفه ..امس اختي تسالني تخيلو عجزت ارد على سؤالها وانا عارفه الجواب رفعت كتوفي على فوق يعني مدري حتى الكلام صرت اعجز اتكلم كسل ولا اخرج من البيت وابوي يقولي امشي مع عند الغنم ي حليله مشتري غنم تو ويبيني اشوفها وانا ارفض اطلع وامي روحي طلقي رجولك شوفي العالم وانا انافخ عليهم مابي اطلع ماتفهمون!! مرات اقوم اتشجع ابنظف البيت وامسك المكنسه بس يوم اشوف خواتي جالسة يطالعن في وانا اكنس ودي اقلب المكنسه رشاشه وارشهم وهن بعد اكنسي هنا اكنسي هنا واعصب وارمي المكنسه واروح انا م وانا اعيط..امممم حتى نفسي اهملتها شعري صار منفوووووش تقول جنيه واختي تضحك علي تقولي وين ايام الشياكه وعيوني صارت مجعده تقول عجوز تخيلو قسم احس اني نفسيه اوقف عند المرايه وطالع نفسي واقول في نفسي شفي كتوفك كيف هزلانه شفي عيونك كيف ذبلانه وامشي في البيت مدري شنو اسوي وادخل المطبخ افك واصك في الثلاجه من الطفش وحساسه مره وانافخ واعصب وصرت انطوائيه لا اخرج ولا شي واصلن ارفض اطلع واخواتي يقلون كنا نحبك بس الحين صرنا نكرهك نفسك بخشمك معهم حق لاني بصراحه تغيرت واليوم ابوي يقول ثاني مره لو اقولك اخرجي معي وترفضين ابسحبك مع شوشتك غصبن عنك ..وانا اصارخ عليه وانافخ وارفع صوتي عليه ابوي وامي الحين حاسين بذبهم لانهم سنتين حرموني من دراسه ويحاولون يصلحون خطئاهم.
قالتلي امي الله يعين على نفسك لو تظلين كذا وانت صغيره عجزتي بنفسك والله خلاص حاسه نفسي كارهه الحياه ومالي هدف واني مريضه تخيلو هههههه كلمة تخيلو ذي ماتفارقني ايو تخيلو امس فتحت اليتيوب وكتبة انتحار في سعوديه وطلعلي مقاطع منتحرين كثرين بنات وشباب تخيلو مالقيت ادور الا انتحار المهم جلست اتابع مقطع وراى مقطع المهم انو المقاطع كلها ماتخوف كلهم تم انقاذهم وكذا من قبل رجال دفاع المدني الا كم واحد ويجي الشيطان الوسواس الخناس يوسوس على راسي ليش ي حلوه ماتسوين مثلهم تنتحرين شفتي كيف حياتك وعيشتك وش تبين منهم وراك ماتروحين لجسر ذا الي مقابل بيتكم وتنطين هوبآ او اعماره نطي من بيتكم قلت ههه بيتني شعبي يذكي الارض عند عند خشمي انا اطول منه المهم والله استغفرالله اني من امس افكر في الانتحار ..يلا اتركم هذرت على ىوسكم لين قلت امين ..فضفضه عادي