ابنقل بعد اسبوعين من بيتي وابي مساعدتكم

رفع ان شاء الله البنات يفيدونك

منزل مبارك والله يجعله خير عليكم وعامر بذكره
بحكم اني مجربه النقل 3 مرات احب افيدك

اشتري كراتين شي كبير وشي صغير في محلات تبيعها اتوقع الي يبيعون البلاستيك وشطرطون لاصق شفاف الكبير

اول شي ابدي فالمطبخ جيبي جرايد والكراتين ولصقي الكراتين بالشطرطون من تحت زين بالطول والعرض عشان لا ينفتح مع الشيل وصفي اغراضك طبعا الصحون وكل شي قزاز غلفيها بالجرايد عشان لاتتكسر مع النقل

بعدين جمعي التحف وكل شي برضو قابل للكسر حطيه بالكراتين مع الجرايد بعدين سكري الكرتون

واذا لوحاتك برضو صغيره حطيها بكرتون واكتبي عليهم تحذير قابله للكسر وحطي على كل كرتون اسم المكان الي حطيتي فيه زي مثلا المطبخ او الغرفه عشان اذا رحتي بيتك الجديد ان شالله كل كرتون يكون في محله وماتضيع عليك الاغراض وتقعدين تدورين

واكيد الملابس في شناط كبيره اذا عندك وجمعي كل شي تخلصينه في غرفه تكون قريبه من باب الشارع عشان لو جبتو شركة نقل

حبيبتي جيبي كررررررررررررراتين. كثيرر مرة. اول شيء مواعين المطبخ جيبي مناشف جرايد. خلي زوجك يشتري لفة ورق. طبعا حتكون انظف من الجرايد طلعي صحون الضيوف اول كاسات عصير موية فناجين. كها تتلف زين بالورق وتترص زي الناس مو عشواآي اخر شيء قفلي الكرتون بللصقه. قوية. كل الصحون الادوات القزاز تتلف بورررق قوي. عشان لا تتكسرر وحطي اسفل الكرتون واخر شيء مناشف او جرايد.
بالنسبه للملابس تكون مطبقه من الدولاب. للكرتون رصي افضل كراتين كبيرة للملابس عشان تحتاج مساحه
اغراض كلها زي الشراشف ستاير كل شيء يتطبق عشان المساحه اقل تكون ويترص بكراتين
وقفلي بللصقه بيضه شفافه قوية

عندك مخدات كنب. جمعيها باكياس زباله سوده وحطي لصق. طبعا بتكونو متفقين مع شركة نقل عشان افضل
الله يعينك ويسهلك ومنزل مبارك. اي استفسار أنا بالخدمه

ابدأي بحاجه حاجه
مثلا غرفتك النوم :
ابدأي بالتسريحه وصففي بالكرتون وحطي مناشف اذا فيه تحف او اي شي قابل للكسر ..
وبعدها ابدأي بدولابك الملابس بمعاليقن واللي يتسفطن سفطيهن و حطيهن بالشناط ليش ؟ ( عشان لما تجين بعدين ترتبينهم ع طول من الشنطه للدولاب بدون لا ياخذ من وقتك تسفيط وتعليق )
.......
وكذلك في غرف اولادك ..
......... المطبخ :
مثل ما قالوا الاخوات اهم ي الكرتون حطي شطرطون وحطي مناشف عشان ما تتكسر الاواني ..
وادوات النظافة خصصي لهن كرتون لحاله ..
واهم شي يكونن نظيفات عشان ع طول تطلعين من الكراتين وتصفين ..
....
ملاحظه : لما تخلصين من كراتين غرفتك امسكي قلم خطاط واكتبي على كراتينك (غرفتي )
واكتبي على كراتين المطبخ (مطبخ )
وهكذا............
عشان العمال لما ينزلونهن انتي توريهم مكان كل كرتون اسهل لك ...احسن من لا تقعدين تفتحين كرتون كرتون ..

موفقه حبيبتي ومنزل مبارك ان شاء الله

الله يجزااااكم كل خيررر ما تتصورووون قد ايش استفددددت منكم