حبيت اقولكم اني وديت بنتي للجلسة الثانية لتعديل السلوك وتعليم النطق
ولقيت وحده بالانتظار وقعدت ادردرش معاها
عندها ولد عمره سنتين وشهرين وتقول لي ثلاث اشهر اسوي له جلسات والحمدلله تحسن كثير
اما اول تقول كان فظيع مره
بس تقول لازم صبر ومداومة على الجلسات عشان نلاحظ التحسن
بعد الجلسة دخلنا انا وابوها ولقيناها تبكي وجالسةعلى الكرسي المخصص للاطفال
وقال الدكتور تجاهلوها عشانتعرف انه اسلوب البكاء ماراح يفيدها في حالةالخطا
ورجع شدد على الحزم وقت الخطا والثواب وقت الصح وترديد الكلام
ولما طلعنا قال لاتمسكي ايدها ولاتقفي تنتظري حتى تلحق فيكي امشي طبيعي وخليها تتبعك

واتمنى تتفاعلون معاي ياحبيباتي

الاميرة ميرا شكرا على الموقع

سلام

من اسباب تأخر النطق ايضا هو ضعف السمع .... فتلاقون الاطفال اللي دائما عندهم التهابات الأذن ممكن يسبب تجمع سوائل خلف طبلة الاذن وبذلك يضعف سمع الطفل بسبب الماء المتجمع واذا تم علاجه بالادوية وما خف يعمل له عملية بسيطة وهي وضع ( تيوب ) في طبلة الاذن ليخرج الماء مع الوقت و تلتأم الطبلة ويسقط التيوب .... والكل يعرف ان الطفل في سنواته الخمس الاولى يتلقى كم هائل من المعلومات ويتعلم الكلام وعنما يضعف السمع يتأخر تعلمه لذلك .... فتكون كلماته غير مفهومة او مشوشة او ما عنده اي مخزون من الكلمات التي يجب ان يستخدمها مثل من هم في سنه ........
ولا يستهان بالسنة الاولى من عمر الطفل لأنه منذ ولادته يبدأ بسماع الجو المحيط به من اصوات بيئية داخل وخارج المنزل ومع نموه يستطيع تمييز صوت السيارة وصوت الرجل من صوت المرأة وغيرها من الاصوات .....

بالنسبة لولدي .... ضاعت عليه فترة مهمة واساسية ... ولكن الحمد لله .... فهو في تحسن ....


وبالنسبة لتجاوب طفلي .... في البداية كنت اخليه يروح في جلسات فردية مع اخصائي تخاطب في احد المستشفيات .... لكن الطفل يمل بسرعة وولدي ما شاء الله حركي ويحب يلعب فصاير يتضايق ...حده خمس دقايق يجلس على الكرسي .... المهم اني بعدين سجلته في مركز متخصص .... وتم قبوله بعد تقييمه ... في البداية ... يعني اول يوم كان يصيح وكنت معاه في الصف ... ثاني يوم قالوا لي ان اتركه وارجع البيت ... ورجعت عنه ... يقولون صاح شوي وبعدين سكت واليوم اللي بعده صار عادي ويلعب .... الحلو في المركز انه نظام مدرسة او روضة يعني صفوف دراسية مجهزة بالعاب تعليمية واركان وتكون كل مدربة او مدرسة مسؤولة عن 5 او 6 اطفال يعني مو كثير ... ويتم تدريبه على ايدي هؤلاء ا لمدرسات المؤهلات وايضا اخصائيات تخاطب في جلسات انفرادية واخصائيات للسلوك والنفسية وطبيبة تشرف على الطفل صحياً ....
لقيت ان الطفل يميل ان يتعلم اذا كان مع مجموعة من الاطفال ويكون هناك تنافس ....

سامحوني يمكن افكاري غير مرتبة .. لأن عندي الكثير لأقوله ....

ولدي التحق بالمركز لما كان عمره سنتين ونص تقريبا .... من الاشياء المهمة هي ان يتعرف على

نفسه ويعرف اسمه ....و جنسه بأن يفرق بين ولد وبنت
ان يتعرف على افراد العائلة ... ماما بابا واسماء اخوانه
ان يتعرف على بعض الاشياء والاضداد .... حار بارد .... فوق تحت ...وهكذا
الالوان
الاشكال
الافعال التي يستخدمها بكثرة ... اكل ... اشرب ... اغسل ... انام ...اسمع ... اشوف
اجزاء الجسم
فهم الاوامر ... مثل .... تعال ... روح ... لا ... نعم ... اجلس .... افتح




لي رجعة ان شاء الله

ياهلا اختي .. التطور لاحظته اول شي في السلوك وبعدها في التخاطب والتواصل
المركز بالبدايه يعلمهم كيف يجلسون بهدوء حتى يستفيدون من الي بياخذونه .. لان معظم الاطفال الي عندهم صعوبه نطق تلاقينهم حركيين بزياده .. وانا ولدي ماشاء الله عليه ما يجلس دقيقه على الكرسي إلا لازم يتحرك وهالنقطه كانت مزعجتني مرره وانا معاه بالبيت لما كنت اجتهد معاه بالتعليم .. بس من بدا يروح المركز حسيت انه صارهادي ويسمع الكلام ويجلس ع الكرسي وعادي يشوف بالصور او الكتب بكل هدووء ..واظن هذا السبب المباشر في تطوره ..

وبالنسبه للجلسات كان ياخذ سبع جلسات بالاسبوع كل جلسه ساعه 4 تخاطب و3 سلوك
والحين انتظم معاهم في روضه يروح من 8 الى 1 الظهر ..

والحمد لله ماشي بتطور والامل بالله كبير:)

السلام عليكم

انا ابني عمره ثلاث سنين ونص ولسه مايتكلمش انا مغتربه والكل كانو يقولو بسبب عدم الاختلاط باطفال اخرين لمن رجعنا زياره للوطن وعمره سنتين وشويه لقيت كل الي اتولدو بعده يتكلمو ويفهمو الي ينقال لهم بسهوله وابني الوحيد الغريب وسطهم ساعتها حسيت انه غير طبيعي ووديناه عند اختصاصي فحص سمعه طلع ان عنده سوائل باذنه وبعد تنظيفها صار يسمع والان احنا بالغربه ولا يوجد اطفال يتعلم منهم ولا روضه ممكن ادخله فيها لاننا بكوريا وقالو لنا انه ممكن تحصل للولد لخبطه اذا كان يسمع اكثر من لغه ..
انا سعيده بموضوعك جدا واتمنى انك تكوني تقولي لنا التعليمات والاشياء الي الدكتور يعملها لبنتك والتوصيات التي يوصيكم بها علشان اطبقها مع ابني لاننا هنا معزولون عن الناس ولا اعرف كيف اتصرف معه ..
وربنا يشفي طفلك وجميع اطفال المسلمين يارررررررب ..