انا بنتي عمرها شهر و نص و لا لي نيه اعطيها المصاصه مامنها فايده \ما غير تجمع الغازات بالبطن و بكره صياح و مناحه لي طاحت من حلجها قعدتكم من النوم تصيح تبيها لاني تعبانه مع بنتي الاولى مو عارفين بنطلها

بالنسبه للحليب انتي تعرفين كميه ابنك بالبداي ابتدي بـ ف60 لي شفتيه شرب و قعد يمص الحلمه عرفي انه لازم تزيدين الكميه و اذا دز الحلمه و ما يبي عرفي هذه شبعته

حتى انا ابي اعرف

ولدي عمره شهرين بسم الله عليه ...احيانا اعطيه 60 مل واحسه لسه جوعان واذا زدتها وخليتها 90 يشربها بس بعدين يرجعها :(

وش الحل؟؟

بالنسبة لكمية الحليب يختلف من بيبي للثاني بعضهم ماشاء الله يوصل 90 مل وبعضهم بس 60 مل .. طبعا انا بناتي الله يحفظهم ابتليت معهم بالترجيع فقالي الدكتور خلي الرضاعة على دفعات ولازم اطلع الهواء واستخدمت حليب ضد الارجاع .. ومع هذا لازم ترجيع لين الحين وهم يرجعون وصرت احط مع رضعتهم ملعقة سيرلايك وصاروا افضل شوي لان الحليب صار اثقل ..

طيب الوقت كل كم ساعه اعطيه رضعه لان تعرفون انوا الاطفال احيانا يبجون ورا نص ساعه مثلا

والله ماادري بالظبط كم لازم تعطينه لان ولدي كبر ونسيت ام اما بالنسبه لكم مره اذكر كل ساعتين
والمصاصه انا ولدي عذبني لدرجه كنت احط له فيها نقطه عسل عشان يمصها وهو فالاربعين يمص العسل ولاخلص رمى المصاصه والله يأست ويوم صار ثلاث شهور جربت نوع ثاني من المصاصات نفس نوع مرضعته وحبها والحين ياخذها ومرتاااحه من عوار الراس
يعني عطيه اكثر من نوع لين يمسكها