ابنهار سمعت زوجي يكلم بنت (ابي نصايحكم) وكل وحده خانها زوجها تجي نواسي بعض وندور حل

بسم الله الرحمن الرحيم
انا سجلت بهالمنتدى عشان اعرض مشكلتي اللي سببت لي انهيار نفسي وابي كل عضوه تحط نفسها بمكاني

امس كنا نايميييييييييييييييين
وشوي جواله يدق ويرفع الجوال ويحطه عند اذنه وانا جنبه على طول جسمي لازق بجسمه والصوت طالع من الجوال بس هو على باله اني نااايمه واسمع الصوت صوت بنت واااااااااااضح كانه على الميكروفون وهلاااااااااااا تكلمه بكل موانه ويرد عليها بصوت واحد توه صاحي المهم تقوله نايم قال ايه قال لها خلاص بعدين يعني بعدين يكلمها وعلى طول يروح يمسح الرقم من جواااله


بصراااااااااااااااااحه انصدمت وكنت ابكي بحرقه اول ما طلع من البيت؟؟؟؟

وعلى طول اروح الكمبيوترواسوي لي ايميل جديد عشان اسجل هنا لاننا مشتركين بايميل واحد وادخل على الهوتميل الا الاقي له ايميل يعني عنده ايميل غير ايميلنا وهذا زاد شكوكي بس للاسف ما اعرف الرقم السري..

بعد ما كنت اموووت فيه الحين ما ودي يرجع ما ابي اشوفه .. احس بقهر وغصه

على فكره انا ما صارحته لانه وبكل بساطه بينكر بس مبين ان فيني شي وهو كل شوي يسالني ..
وما ودي اخبر اهلي حتى اعرف مدى العلاقه وما ودي يكبرون المشكله لاني اعرف اهلي يمكن يوصلونها للطلاق واكون خسرت كل شي
والعلاقه اللي بينهم اخاف انها متعديه الجوال وخصوصا انه اول ما صحى من النوم وبدون مناسبه قالي وش رايك اوديك لاهلك اسبوع ..؟؟ اخاااف تكون زوجته مسيار وانا ما ادري

وعلى فكره له اكثر من شهر ما يجيني الامره كل اسبوع او اسبوعين تقريبا مع انه كان يجيني حوالي5 مرات في الاسبوع وصار التغير فجاه مو تدريجي .. مع اني ما اقصر معاه بهالشي وهو دايم يمدح جسمي

للاسف بعد ما كنت اشوفه رجال عصامي:arb: وحياته كلها شغل وكنت فخوره ومعجبه فيه صرت اشوفه بنظره ثانيه ما ودي اكتبها لاني الى الان احترمه بحكم انه زوجي.



بالاخير عندي سؤال ليه يخون الزوج زوجته....؟؟؟ ومعقوله في زوج يحب زوجته ويخونها؟

بالله عليكم انصحوني واللي ما عنده نصيحه يدعيلي بظهر الغيب...

لاني بصراحه ما توقعت ان هالشي بيصير في يوم من الايام............ للاسف:(




وكل وحده خانها زوجي تجي هنا نشكي لبعض