السلام عليكم ورحمة الله وبركآته
النك ذآ لأمي
الآن اكتب لكـم سآلفتي اللي تعبتني وتعبت أمي الله يخليها لي وابقولكم بالتفصيل الممل لأني اطلب من الله
ثم منكم العون والمشوره والمساعده ياأهل الخبرة اعتبروني اختكم الصغيرة ابداء قصتي
انا بنت توي دآخلة 19 سنه ومتملكه من ولد خالتي من 4 شهور عمره 27 سنه
المهم ولد خآلتي ذا يحبني من 4 سنين على كلام اخته وامه (خآلتي) المهم هو خطبني من ابوي الله يحفظه
وقال ارد لكم بعد 6 شهور والسبب انه يدخن والصلاه لكم عليها وابوي يبيه يتحسن
المهم بعد 6 شهور بالضبط جو هم من مدينه حنا بمدينه جى هو واخوانه واهله كلهم المهم
انا حلمت تكون ملكتي نفس اللي ابيه وانه يشوفني واجلس معه ونلبس الدبل المهم كل شي صآر زي ماابي
طبعاً كله من اهلي امي كل شي سوته الحلويات والتصوير وكل كل شي والعشا ذبايح من ابوي
هو واهله جو عادي بس جاب طقم ذهب والدبل من الماس صآر كل شي زي ماكنت اتمناه وجلست معه وصورنا
ولبسنا الدبل الا يمد جوآل واخذه واقوم اطلع المهم حطيته بدولابي ولااهتميت له المهم بعد كم يوم
جتني اخته وقالت افتحي الجوآل فلان يبي يكلمتس اللي هو زوجي قلت لالالا مستحيه وتجي خالتي امه
وتحاول فيني ليش كلميه المهم انا ماشفت الجوال بس اخذته وحطيته بدولابي حتى ماادري وش نوعه
واخذه ابفتحه الا انصدم صدمه كبيررررررررررررررررررررررررررررررررررررررررررررة
تخيلوا الجوال مستعمل وشكله ابد ابد مو حلو وربي يفشل المهم الا يجون بنات خالتي وصديقاتي
عندي واخبيه وربي متفشله لاتحسبوني ان مايعجبني شي لا وربي بس فيه احد يهدي زوجته جوال متكسر
والله انه متسكر وفيه مخوش وسويت نفسي مستانسه المهم وامي لما شافت الجوال سوت نفسها عادي
بلعتها وسكت عاد امي سكتت من الصدمة المهم وربي تمنين انه ماجاب من الاساس وش ذي المده
وراح الرجال لديرته وبديت اكلمه بس يسألني وش سويتي وش تاكلين وش تلبسين لاتروحين لأي
لمكان لين تقولين لي ويتحكم فيني تحكم مو طبيعي انا اكره التحكم خلاص انا الحين عند اهلي مو عندك
وكنت اتغاضى عن اشياء كان يعصب ويهاوشني كثير ومرة كنت اكلم صديقتي الساعه3 الفجر عادي
ويتصل انتظار واقفل من البنت ويكلمني وهو مطرطع مين تكلمين هاه ويصارخ فيه احد يكلم بذا الوقت؟؟؟
تخيلوا من القهر بكيت وجلست اصارخ خير وش انت شاك فيني؟؟؟اكلم صديقتي فيها شي ولا بعد
ويقول والله مآني راضي عليتس الحمدلله بس عشان كلمتني بنت؟؟؟؟؟؟؟؟المهم قفل وهو ميت قهر
بعدها وربي بس ابكي منصدمه منه مو هو يقول احبتس وكنت اتمناتس من 4 سنوات والله العظيم
تعبت تعبت وبس ابكي منصدمه منه المهم قالت امي ماراح اخليه وش ذا التصرف السخيف
وتكلمه وليته ماتكلمة صار كل الوم علي بنتس اكلمها وهي ضحك مع البنت ليه ماوراها زوج يكلمها؟
قالت امي لاتقعد تلف وتدور البنت قالت لي كل السالفه ولاهي مكذبه وبعدين لي تصارخ عليها
كأنه واحد من بزرانك قال هذي طبيعتي ولاصارخت ولاشي
ومدري وشو المهم قالت امي كلمها وتأسف منها ولايتكرر الشي ذا الحمدلله امي مرة متفهمه معي
المهم عاد انا حلفت اني ماأكلمه
وهو يتصل يتصل مليون مرة ويرسل وانا مطنننننننننننننننننننننننننشه خير وش ذا اصغر بزرانه يهاوش
المهم كبرت السالفه ودرت اخته وتكلمه وتنصحه قال محد يتدخل ولاشي زوجتي وكيفي اسويبها اللي ابي
عنيد عنيد بشكل مو طبيعي بعد محاولات وصجه ولجه رجعنا وصرت اكلمه عادي
المهم ابوي لما شاف الجوال رآح وشرآ لي جوال جديد بلاك وقال اعتبريها هديه من اب لبنته الله يحفظه
ولا ابوي مايبي يجرحني والله اني متفشله مرررررررررررررررررررررررره
وصار يزعل بسرعه ولا امزح معه وكل شوي معصب انتي بزر ماتفهمين وربي كذا مرة يجرحني ويضايقني
المهم مر اسبوع وش زينه يهبل مازعل ولاشي والله اني آخذه حذري احس بيهاوش بأي وقت
المهم بعد اسبوع طلعت مع اهلي ولا قلت له هو درى عن طريق اخته كلمتني وسوالف قلت الحين بنطلع
المهم اتصل معصب لي ماقلتي لي ليه ماوراتس رجال زوج تسوين اللي تبين ؟تدرون وش سويت
تكلم تكلم هاوش هاوش وصارخ وانا ساكته وسكر وجلست ابكي ابكي سألتني امي وراتس قلت لها
وش صار وامي تعصب الى متى ذا يفهم المهم وتكلمه وبصراحه امي عصبت بقوة لدرجه سبته سب
وشرشحته ومن زين عطيتك انت وجوالك فيه احد يهدي زوجته شي مستعمل ومتكسر؟
هذي مدة ؟المهم وصراخ وهواش وسكرت منه وتتصل خالتي زعلانه وراه تهاوشين ولدي
وتقولها امي كل شي من المشكله الاولى الى المشكله ذي وعن الجوال وخالتي متفشللللللللللللله منه
وتعذر المهم انقطعت عنه تقريباً نص شهر بالفتره ذي صار لي حادث مع ابوي واخواني شنيع شنيع
لأني كنت رايحه اختبر القدرات وقدر الله وصار الحادث المهم تعبت وجلست بالمستشفى بغيت اموت
اكثر من تأثر المهم طلعت للبيت سوا عشا ابوي وهو يتصل على امي اخبار فلانه(انا) قالت امي تبي
اخبارها خذ كلمها وانا كنت تعبانه مافيني اتكلم كلمته نعم طيبه هاه لا مع السلامه باختصار شديد
ولاكلمتني خالتي ولا اخته وربي حزت بخاطري قالت امي ماعليتس عادي المهم مرت امي
وانا لاكلمته ولا كلمني الا جى اليوم اللي انفجرت فيه واتصل عليه وانا ابكي انت ماعندك رحمة
بغيت اموت وعادي عندك ارحمني انا تعبت توي شفت الموت ليش تسوي كيذا الى متى
وراه ماتتصل اكثر من مره تطمن علي كلن جاني البعيد والقريب يتطمن واللي ماقدر اتصل اكثر من مرة وانت
وينك وش اقول لأهلي زوجي الحبيب ماجى ولا تطمن علي كل الكلام ذا وانا ابكي متقطعه
قال انتي مستعجله ع رزقتس انا اصلن ابجي بكرة انا قلت تكذب تسكتني قال وربي المهم
من بكرة جا وسلم علي ماجاب شي عادي وراح بنفس االيوم المهم رجعت المياه لمجاريها
امي الله يحفظها لنا كانت تنصحني ماقصرت المهم قالت امي ماجاب شي هديه بسيطه ع الاقل
قلت ولا شي قالت مو مشكله اهم شي جى وسلم عليتس ومرت الايام وحسيت بتحسن فيه شوي
كثيررررر عن اول مايزعل وصار روعه استانست معه مرة المهم مرة قال انا ابعجل بالزواج
قلت وراه قال ابيتس خلاص مليت ومدري وشو المهم ماقلت شي مرة كان عندي موعد أسنان اشد اسناني
لأني مركبه تقويم المهم قال فكيه وشوله قلت الحمدلله وشو وشوله ؟سنوني وكيفي ويزعل واطنشه
ويرجع قال مطول ذا فمتس قلت ليش قال بس فكيه احسن قلت لا ابيه سنوني ذي مو سنونك
قال كم تدفعين له قلت شهرياً 500 قال اجل تفكينه قبل الزواج (الكلمه اللي جرحتني)قال
عاجزن كل شهر ادفع 500 انقهررررررررررررررت موت منه قلت ياحبيبي ابوي ماقصر هو اللي يدفع المبلغ
والمفروض انت اللي يدفعه مو ابوي وازعل واسكر وصار يتصل ويتعذر امزح وانتي صدقتي
قلت انا مايمزح معي خلاص لاتمزح اوف مليت مرت الايام عادي بين مزح وجد وقوية معه شوي
لأنه صار كثير يتطنز ويصارخ ويزعل المهم رحنا لهم نتمشى وكيذا المهم لما كنا عندهم
قال اطلعي معي قلت لالالالا والف لا قال انا زوجك قلت واذا المهم بعد كم يوم قال تعالي للحوش معي
قلت لا عيب قال تجين ولا وربي اسحبتس ماعلي من احد انتي الحين زوجتي وبذمتي واسوي اللي ابي
المهم رفضت ولاطلعت وبس جالسه بس بالغرفه ومع امي خايفه يجي بأي لحظة المهم رجعنا لمديتنا
وهو زعلان ولاكلمته ولاشي المهم اتصل على امي يهاوش ويصارخ ياحيوانه انتي ماتبيني استانس مع مرتي
ويقول كلمات وصخه ويهاوش تخيلوا امي جلست تبكي وقالت والله لأخليك تندم وتتعذر ع كلامك الوقح
وهواش وكبرت السالفه ودرا اخوة الكبير انا استحي واخاف منه ومستحي من امي ماعليه انا اوريه الشغل
وكلهم مستحين ومتفشلين انا بكيت بكيت لين قلت بس هذي امي ليش يقولها كيذا؟؟؟خير ان شاءالله
وحلفت انه يطلقني وامي قالت لا مايطلقتس ولا شي انا اعدله واوريه الشغل هاوشتس ومشيناها
طيب خالته قبل اصير ام زوجته المهم السالفه ذي ابوي مادرا لودرا ان يوريه الويل لأنه حيل عصبي
والحين امي كرهته وحالفه ان تعدله وانا جالسه ابكي والله مااتزوجه لو اموت ماابيه خلاص مو مشكله يهاوشني
يزعل علي عادي الا امي خير ولا خالته بعد اكبر من منه وين الاحترام المهم كل اهله متفشلين واخالتي مادرت
المهم انا كرهته كره مو طبيعي انسان سخيف ماشفت خير منه ابد لما نروح لها مايهديلي شي 4 شهور متملكه
واخر هديه الجوال اللي بيوم الملكه انسان عصبي ويقول انا احبتس والله مااخليتس واحلمي بالطلاق
وانا كرهته وربي اني قلت لأمي كلمي خالتي وقولي مانبي وامي تضحك علي ليش هي لعبه نبي ولا مانبي
وابوي مادرا عن السالفه ذي واني ماابيه واتوقع لو اقوله ماابيه راح يضحك علي بزران حنا تبينه وماتبينه
بخيل عصبي ويهاوشني ويزعلني ولا شفت شي منه ابد غير الجوال المتكسر ماابيه
عاد الزواج بعد كم شهر وكل يوم يزيد خوفي واصراري على الطلاق مستحيل اعيش معه بعد كل ذا
محد معي امي تقول راح يتعدل ويتسنع وانا مصره ع الطلاق
ابيكم تحكمون ياأهل الخبرة بعد سالفتي اصر على الطلاق او وش ؟؟؟
الله يعافيكم والله اني بهم مايعلم به الا الله
استودعكم الله
الام الرائعه @alam_alrayaah
عضوة جديدة
يلزم عليك تسجيل الدخول أولًا لكتابة تعليق.
عمري صمت
•
ماشاء الله عليك عمرك صغير بس كلامك ناضج وباين عليك فاهمة وحاسمة
امرك معاة بس تبغين رأي نهائي من شخص بعيد عن مشكلتك
اول شي استخيري واطلبي من الله يكتب لك الخيرة.......
وبالنسبة لي ياختي اقولك بصراحة العيوب اللي في زوجك لايعلى عليها!!!!!!!!!!!!!
بخل+عصبية على غير سنع+حب تملك وسيطرة+ قلة ذوق ولباقة
بصراحة مابوة شين ينتحسف علية لا وبعد يسب امك من الحين
راعي المثل يقول(غير جبل ولا تغير جبلة)
وتمنياتي لك بالتوفيق والزوج اللي يراعي الله فيك
امرك معاة بس تبغين رأي نهائي من شخص بعيد عن مشكلتك
اول شي استخيري واطلبي من الله يكتب لك الخيرة.......
وبالنسبة لي ياختي اقولك بصراحة العيوب اللي في زوجك لايعلى عليها!!!!!!!!!!!!!
بخل+عصبية على غير سنع+حب تملك وسيطرة+ قلة ذوق ولباقة
بصراحة مابوة شين ينتحسف علية لا وبعد يسب امك من الحين
راعي المثل يقول(غير جبل ولا تغير جبلة)
وتمنياتي لك بالتوفيق والزوج اللي يراعي الله فيك
الله يعينك ياقلبي وربي مدري وش اقولك الله يهديه ويسخره لك يااارب وان شاء الله يتعدل ويضبط سلوكه وتصرفاته معك انتي حاولي تتكلمي مع الوالد الله يخليه لك وشوفي وش رايه وصلي استخاره وان شاء الله ترتاحين عقبها والله يوفقك ويصلح مابينكم
لاحــول ولا قــوة الابالـله
والله ماادري وش انصحك فيه لكن ادعيله بالهدايه واستخيري بكل وقت ولاتستعجلين بأي قرااار لانه مو فصالحك الا بعد الاستخاارة وشاوري احد من اهلك لانه حيل صعب الله يعينك يااعزيزتي
والله ماادري وش انصحك فيه لكن ادعيله بالهدايه واستخيري بكل وقت ولاتستعجلين بأي قرااار لانه مو فصالحك الا بعد الاستخاارة وشاوري احد من اهلك لانه حيل صعب الله يعينك يااعزيزتي
الصفحة الأخيرة
مااقول الا الله يصلح الحال ويسخره لك