ابني أكل كورة صغيرة مثل مايسمونه بالطبه وتعبان من تساعدني الله يحرم وجهه عن النار

هلا خواتي صباح الخير

ابني الله يحفطه عمره 4 سنوات صارت له قصه الله يكفينا الشر بغى يختنق لكن الله ستر

كان يلعب بحاجة مثل الكورة (الطبة) لكن شكلها بيضاوي اشوي وأكبر مثل اللي تكون بأحواض السمك وكان مستلقي على

ظهره وطاحت بفمه وراحت على حلقة والحين هي بالمعده كان يشكي بطنه وراح ابوه فيه للمستشفى أخذوا

اشاعة قالو ماتبين شي أمس الفجر الساع 5 بس يستفرغ شي اصفر اتوقع انه العصارة المعدية

ورحنا فيه الساع 7 ونص وصار عنده جفاف وتأكدو من الاشاعة اللي أخذوها أمس قالو الا موجوده بالمعده من جهة

اليمين واأخذو اشاعة ثانية بعد ما وقف الاستفراغ بعد ما أخذ علاج الجفاف ومغذي الجلوكوز

وقالو انه مازالت موجوده بالمعده لكن تغير مكانها صارت بجهة اليسار وأتنوم امس بالمستشفى

وأمس العصر خف ابني اشوي الحمدلله وبدأ يصيح قلق مايبغى المستشفى يبي يطلع جاء زوجي طلب خروج

بمسؤليتنا وقع وطلعنا أمس المغرب وانا محتاره

الصراحة سألت الدكتور يقول هي تطلع من نفسها لكن هو يقول يجلس عندنا لكي نتابعها ونلاحظها

الله يستر مدري وش اسوي أخاف اتطول يوم طلعت من المستشفى قلت اسأل بنات حوات لعل وحده عندها

خبره أو مر عليها مثل كذا