ابني اصبح شديد العنــــــــــــــاد.......... ..

استخدمي معه اسلوب الثواب(الهدايا مثلا) والعقاب(حرمانه من شي يحبه) بس لازم تكونين حازمه ولطيفه بنفس الوقت والله يوفقك ويهديه

والله عانيت مع بنتي نفس المشكله والان عمرها 4 سنوات ونصف عناد وعصبيه ومانفع معها اي شي حتى طريقة الثواب والعقاب وموعارفه شنو اسوي والله شيبت راسي من اول يوم جبتها دايما تبكي ومااضوق معها النوم وبعدها عنيده وعصبيه ومشاكسه لكن معي فقط ومع ابوها اما مع الغير قمه بلادب حتى صوتها ماينسمع والناس تقولي يابختك بذا البنت رقيقه ومؤدبه وبصراحه يتكثر ماصرت اضربها خلاص تعبت معها ومافي فايده والان عندي طفل ثاني عمره 3 شهور والله معطيه الكبيره كل وقتي واخوها هاملته طول اليوم وماني عارفه شنو الحل معها

السلام عليكم
حاولى ان تصبرى شوية
ولا تعلقى على كل شىء يفعله
وابتعدى عن الضرب واستخدمى الثواب والعقاب كما قالت الاخت بلاد العجائب
وحاولى ان تشغليه بالالعاب مثل المكعبات او التلوين
هل هو عصبى من البداية ومدلع شوية؟
هل هناك طفل اصغر فى الاسرة؟

بلاد العجائب
شكرا لك حبيبتي
بس كيف استخدم الثواب والعقاب معه
اعطيني مثال !!!!!

ومشكوره...

من اقصى المدينه
الله يكون في عونك والله تربية الاطفال مشكله كبيره صعب التعامل معها

ومشكوره على الرد


د.عـــــــــلا
اهلا بمرورك الجميل
اذا اعطيته العاب يلعب ولكنيمل منها بسرعه
والاوراق والالوان يحبها لكن يمزع الدفتر اللي اعطيه


لا ليس عصبي بالعكس هادئ "غير مزعج لايبكي كثيرا"وطبيعي
حركته كثيره لكن طبيعيه

ليس هناك طفل اصغر منه
ولدي الوحيد
وكمان هو مايشوف اطفال كثير
لنا 6شهور لوحدنا
يعني احس الولد محروم من الاطفال
لأنه لما نطلع برا البيت يفرح كثير ويركض ورا الاطفال في السوبرماركت والاماكن العامه ويكون هادئ ولايزعج........

اول شي لازم تكونين حازمه وعندك صبر لانك راح تتعبين بالبدايه بس راح تشوفين النتيجه ان شاء الله شوفي اذا يحب الاطفال مثل ماقلتي مثلا جهزي ملابسه وقولي له اذا اكلت الاكل كله راح نطلع ولازم تكونين صادقه وتطلعينه وهذي نقطه مهمه جداوالعكس طبعا انت ادرى تصرفات طفلك وبالنسبه للالعاب فهميه بأهمية ممتلكاته مثلا اذا كسر اللعبه حاولي تصلحينها وحطيها عندك بالغرفه وفهميه انك ماعاد تبيها لانك كسرتها وانا سويتها وصارت لي وصدقيني راح تنفع والله يوفقك000