kitkiat :

يعني لازم تطلعيه مريض ؟؟ اعوذ بالله .. ياختي تفاءلوا بالخير تجدوه وكلامك بيصير منه نصيب للولد .. لا تتفاءلي عليه ولدك عادي ما عنده شي انا شاء الله .. انا ولدي كدة .. بس لقيت الاسباب انه محبووووووس ما اخرج إلا آخر الاسبوع واخرج اقضي شغلاتي انا ..مو اخرجه وافسحه واخليه يخرج طاقته "اللي عند اي طفل عادي" في اللعب... مفروض جزء من يومك اللي تخرجيه توديه العاب .. الحديقة وخذي معاه دراجته ولو ابوه يقدر يخرجه في غير آخر الاسبوع ولو مرة كمان يصير احسن كمان في البيت لااااااااااازم تلعبي معاه ولو نص ساعة .. في النت في العاب كثيييييرة تناسب سنه ... ترى قصدي اللعب الحركي مو العاب .. يعني هو طفل بالله تبغيه قاعد ومؤدب وانتي ما بتساعديه يخرج طاقته زي باقي الاطفال؟؟!! لما تلعبي معاه شوية شوية رح يتعلم كيف وفين يخرج طاقته .. وصدقيني علاقتك معاه رح تتوثق وتصيروا اقرب لبعض "موجسدياً بس" لكن نفسياً وبالتالي رح يسمع كلامك.. جيبيله اقلام ودفاتر رسم وارسمي ولوني معاه ... جيبي كاسة بلاستيك وحطي فيها قليل جدا موية وفيري وحطي فيها مصاصة وخليه ينفخ.. انفخي انتي اول.. سوي عجينة ولو عندك ملون طعام لوني جزء منها واقعدوا اخترعوا مجسمات.. اشتريله نطيطة ونططي معاه وواعتبريها رياضة لك واذا تبغي تحرقي سعرات .. يعني علميه الالعاب الحركية مو الالعاب اللي قاعد مستريح ويطالع فيها اعطيه غطا قدر وقوليله يعتبره "دركسون" ويسوق زي بابا.. افتحيله الصالون والبيت كله وخليه يجري كأنه سايق.. لاتخافي مارح يوسخ في الكم دقيقة اللي هو جاري فيها دي... ترى احنا بنقفل معظم البيت من اولادنا علشان خايفين يوسخوه.. وفي نفس الوقت حارمينهم اللعب برة في مساحات كبيرة... يعني تخيلي عالمهم هو بس الغرفة او الغرفتين والصالة او المكان اللي فاتحته لهم... وما تبغيه يطفش ويصير عندي... ترى بيسلي نفسه بطريقته.. يعني بالعناد اللي في اطفالنا هادا طفش .. وراقبي طفلك رح تلاحظي شكوى صامتة .. او بكى من غير سبب... طفشااااااانين ماحد معطيهم وجه.. وفي نفس الوقت احنا متسليين وندخل نت ونتكلم في الجوال وعايشين حياتنا وهم منتظرين منا الرحمة معليش طولت بس ابغى افهمك كيف بيفكر ابنك وايش اللي ما هو قادر يشرحله لكي

يعني لازم تطلعيه مريض ؟؟ اعوذ بالله .. ياختي تفاءلوا بالخير تجدوه وكلامك بيصير منه نصيب للولد .....