ابني المراهق وكيف اتعامل معه انا في حيره

اخواتي زي ماهو باين من العنوان ا
ابني دوبه دخل في عمر 12 سنه بس تغير كان يحب الصلاه بل كان المؤذن الان تكاسل شديد وبعد كم صوت يقوم يصلي
طبعا احاول ما اعنفه بزياده بس اخاف يهمل الصلاه مع ان الرسول قال يضرب علها لعشر وانا ان ضربته احسه يعاند بزياده
واذا تخاصم مع اخوه يضربه بقوة
واذا امرته في شيء يحب يناقش وان ناقشته ما يقتنع يعني مره متعبني
:06:وابوه مشغول اغلب الوقت واحاول اخلي ابوه داما حاضر باستشيره ولله الحمد ان ابوه على رغم انه يفقد اعصابه بس يحاول يكون معه تربوي قد ما يقدر مثلا امس تأخر بعد المدرسه نص ساعه وقلقت عليه وبعدها جاء ابوه مسكه تحقيق وعنفه في الكلام لان هذه مو اول مره بس ماضربه بس هدده اذا تاخر مره اخرى حيضربه وبعده دخل ابني الغرفه وسب ابوه وهذه اول مره :mad:يقول ليه ما العب مع اصحابي كلهم يلعبوا الا انا بس
حاولت افهمه ان العب اولا في ذالك الوقت خطير نظر لانصراف الناس وللشمس الشديده وووبس الا يعاند طنشته وخرجت

يعني حاسه بأحباط مو عارفه كيف اتعامل معه وهو بكري وعندي غيره بس اصغر منه
الي تدلني على كتب او طرق لاتعامل معه الله يجزيها خير او تعطيني تجاربها مع اابناءها ياليت لانستفيد
واعتذر اذا شفتوني غير موجوده الان بس برد وانا على نار اقرأ ردودكم الله لايحرمني منكن وياليت من عندها مراهق تصرفاته زي ابني تقول لي كيف تعمل بالمواقف المشابه