nnnnorah1 @nnnnorah1

محررة

ابني جته حراره 3مرات في شهر واخذ3مضادات في شهر وش الحل رجعت له الحرارة مره ثانيه اليو

السلام عليكم
اخواتي الله يجزاكم كل خير انا مهمومه وظايق صدري عشان ولدي عمره سنه 8شهور
وله الان تقريبا شهرين احسه مو طبيعي او مره تنوم بالمستشفى بسبب التهاب رئوي وجلس اربع ايام وبعد ماخف تقريبا اسبوعين وجته حراره وجلست 3ايام يالله انخفضت وراحت طبعا مع المضاد بعدها بس باسبوع واحد جته حراره وجلست اسبوع كامل تتراوح مابين 39 الى 39و8 كل يوم نوديه اسعاف تخيلو ولاتزيد عليه الا في نص الليل هذا وانا تحاميل وشراب وديته الحبيب ودله وطبيب في عياده كلهم يقولون مافيه شي عملو له تحاليل واشعه بس مافيه شي الحمدلله وفي اليوم السابع ارتفعت حرارته الى 40و2وودينه الاسعاف وعلى طول فصخوه وروشه في عز البرد مسيكين وكتبو لنا مضاد وقال الدكتور ان عنده التهاب في اذنه استخدمت المضاد اسبوع بالتمام وبعد ماخلص ب3ايام جته حراره وجلست يومين ابيها تنخفض مافيه فايده وديته دكتورة جديده وقالت لي عنده التهاب في اذنه وضروري مضاد قلت يابنت الحلال تراني بس في هالشهر عطيته 3مضادات قالت ضروري وبعطيه كورس 10 ايام واخذته وعطيته وله الان 4ايام مخلص المضاد وديته طبعا قبل 3ايام طبيب اذن وانف وحنجرة لاني كنت خايفه ترجع له الحراره وقال انه اذانه مافيها شي بس فيه شمع زايد ونظفها وعطاني قطره للانف والاذن واليوم جته حراره مره ثانيه وش اسوي تكفون قلقانه عليه ابوه طفش وانا فشت حتى الطبيبه طفشت بعد من صار لها كذا وهل ضرر استخدام مضادات بهذا الشكل ارجو الفائده جزاكم الله كل خير

يلزم عليك تسجيل الدخول أولًا لكتابة تعليق.

تسجيل دخول

nnnnorah1 • 13 سنة

رفع

زينة احمد • 13 سنة

ابقولك طريقة ان شاء الله باذن راح تنفعه بدون ماتروحين لدكتور
واذا مانفعته مارح تضره ان شاء الله

لان الحرارة ماتجي الا من الالتهاب
وفيه التهاب قوي

سوي له كبو
ولعي فحم وحطيه بالمبخرة
وغطي ولدك كله ببطانية وهو جالس
بعدين دخلي المبخرة معه وحطي على الفحم محلب وكمون
خليه بس ثواني الين يدخن ويخف الدخان شوي
بعدين لفيه زين على طول بالبطانية اللي عليه
وانتبهي لايتعرض لهواء وخليه ينام له شوي
اذا امكن احسن له

وسويها اليوم قبل ينام

طمنينا عنه انتظر ردك

nnnnorah1 • 13 سنة

انا معطيته الساعه 4وثلث تحميله فولتارين والحين حرارته 38و6
مااقدر ابخره لان عنده حساسيه بصدره اخاف ينكتم
الله يجزاك خير ماقصرتي

nnnnorah1 • 13 سنة

الله يجزاك خير يارب
عطيته تحميله فولتارين الساعه4وثلث والساعه سبع وربع صارت حرارته 38و6 ماادري وش الحل
مااقدر ابخره ياقلبي لان عنده حساسيه في الصدر
مشكورة الله يسعدك دنيا واخره

ام ريناوريما • 13 سنة

اختي الحرارة هذي كلها من الالتهاب الرئوي لاني من قريت راس موضوعك شكيت في الالتهاب الرئوي قبل لادخل موضوعك يمكن ماتعالج بالشكل الصحيحوفي الحاله هذي خلي عنك الاهليه ماراح يعرف يتعامل معها الا الحكوميه مثل الملك خالد الجامعي ومدينة الملك فهد الطبيه واحتمال ينوموه الى ان يتحسن