الله يهديك ايش كلامك غبي رسمي

مافي طفل غبي ,, ممكن قليل أنتباه لكن مو غبي

لأن اللي عقله ما فيه تخلف يعني مرض او شي عادي

لكن اتوقع انتي ما تتحملين ,, اصلا غلطك من البداية انك تضغطين عليه وهو لسى عقله ما وصل عقل طفل بالمدرسة

ترى الشغلة قدرات عقلية تتطور بتقدم السن

التمهيدي اصلا مو تبع سنه كان دخلتيه رياض اطفال مكثفة

عندي بنت الله يحفظها لي واخوانها عمرها 5 وشهرين دخلتها من بداية الترم الثاني فقط رياض الاطفال المكثفة

الان تحفظ 10 سور من القران وحافظة الحروف العربية و10 من الانجليزي والاعداد الى 20 وتعرف تكتب الكلمات الاساسية ماشاء الله تبارك الله

وترى من البداية كله يعتمد على البرنامج اللي تطبقه الروضة او المعلمة واسلوبها اثناء التعليم

ماشاء الله تبارك الله أسلوب معلمة بنتي بسم الله عليها ماشاء الله ولا قوة الا بالله

والله شوفة عيني اطفال اعمارهم اربع سنوات وثلاث ونص يكتبون ماما وبابا واسمائهم عربي وانجليزي

اذا ولدك مافيه اي تخلف عقلي اقولك ومن تجربة ترى المشكلة منكم انتم والمدرسة تبعه ماعرفتم الاسلوب الصحيح للتعليم

ونصيحة لك ترى طفلك بسن يعرف متى امه تظن فيه او نظرتها له نظرة غلط
وحتى لو ما يعرف يشرح لكن يبان عليه

خليك أم صحيح

شكرا لك وحده ردت عليا
حابه ابين لكم شغله
الحمدالله ولدي سليم ومافيه اي تخلف وﻻ مرض اسم الله عليه
الشي الثاني هو حافظ السور الصغيره والحروف واﻻرقام الين40والحروف اﻻنجلش الين o
واحاديث وادعيه
ماشاء الله ماانكر الشي دا
المشكله انتو مو فاهمين انو ابلته بالمدرسه قالت له مره انت ﻻتكتب عشان عيونك انت ماتعرف شي
ومن يومها علق الولد كل مره بذاكر له صار يقول انا مااعرف شي
المهم
انا والله مو قصدي اقلل من قيمته بس اتعب من شكوى ابلته اللي بالمدرسه واللي بالبيت ماعرف ايش ارد عليهم

 ولدك اللي بينجلط مو انتي،، لاتعقيدينه اكثر من كذا هو حافظ كثير بسم الله عليه ولعلمك اللي حافظه اكبر من عمره ومعلمته المفروض تكلميها ماتشتكي عليه لانه لسى تمهيدي صدقيني اذا ضغطتي عليه من الحين راح يكره الدراسه وتكون النتيجه سلبيه والكلام هذا من تربويين مو من عندي
عموما فيه دليل واحد يغني عن كلامي وكلام الاخصائيين((( قال الرسول عليه السلام علموا اولادكم الصلاه لسبع واضربوهم عليها لعشر))) شايفه الصلاه اللي اهم شي بالحياه وسبب دخول الجنه اهم من الحروف والارقام وحتى القرآن مانعلمها الاطفال الا من سبع سنوات لان عقولهم في هالوقت تبدأ تستوعب اقل من سبع سنوات لايلزم بشي اجباري ممكن تدخلينه تمهيدي وروضات شي حلوو ومفيد لكن ماتضغطين عليه ابدا 
مدري اجل ليش دخلتيه تمهيدي وضيعتي عليه سنه مدام انك بتبدأين معاه بهالشكل كان دخلتيه مدرسه ع طول وارتحتي لانه نفس ضغط المدرسه وصح نسيت اقول لك هذا الجمله من مستشاره تربويه تقول الطفل اقل من سبع سنوات عقله يكون مع اللعب مومهيأ للدراسه علشان كذا تلاقينهم مايركزون معاك ومايقدر يجلس خمس دقايق ع بعضها ولو تلاحظي في الروضات والتمهيدي اغلب دراستهم عن طريق الالعاب واناشيدهم باللعب والمسابقات ووقتهم مره بسيط اللي يقضوه وهم جالسين بماانك عرفتي ذي المعلومه اذا ولدك مافيه فرررط حركه لان وضعه طبيعي وراح تذكرين كلامي هذا اذا كبر شوي ودخل المدرسه ولاحظي الفرق

ياقلبي توه صغير انا عندي واحد من عيالي

مادخل تمهيدي ولااله الا الله يوم دخل المدرسه

صار من الممتازين والاوائل

توي قريت ردود البنات استغرب من اللي تقول ان ولدك عنده صعوبات تعلم واللي تقول عنده توحد
والله ولدك طبيعي جدا جدا ماعنده لاصعوبات تعلم ولاتوحد وحتى فرط حركه ماعنده هو كذا هذا العمر عقلهم مع اللعب مومع الدراسه 
شوفي ولدك ماشاءالله حفظه كويس واعتبره ذكي بنات اختي واولاد اخوي يدخلونهم روضه من خمس سنوات ونيتهم مو الدراسه اختي موظفه ومافيه احد يمسك بناتها علشان كذا دخلتهم روضه واخوي اولاده خوافين ويدخلهم علشان يتعودوا ومايتعبوه في المدرسه والله مايذاكرون لهم ولايدرون عنهم حتى الواجبات يقولوا مانحلها ولا اخبي عليك حاولوا كم مره يدرسونهم وطفشوا وطنشوهم المهم خلصوا الروضه بشي بسيييييط مره من الحروف وكم سوره وكم دعاء هذا كله خلال سنتين والحين لاقوة الا بالله كلهم من المتفوقين بالمدرسه اكبرهم سنه ثالث ودايم من الاوائل الله يحفظهم يارب