ابني حيدخل المدرسة لاول مرة............ساعدوني

عزيزتي شعورك هدا طبيعي جدا خصوصا انه اول ولد بس عادي جدا ما تخافي يمكن اول كم يوم يبكي وتبكي انتي معاه لكن لازم تضلي على موقفك عشان يتعود ابعتي هديه على المدرسة خلي المدرسه تعطيه اياها عشان تساعده يتقبل الوضع انا ما رحت مع اولادي اول يوم لاني بحس رح يتقطع قلبي اذا بكي الطفل ويمكن اتراجع على فكرة انا ولادي في مدرسه انترناشيونال في السعوديه يعني كل الحكي انجليزي ومع هيك بنتي ماشالله عليها في خلال شهر صارت تعرف شوية كلمات وجمل وتحكي معنا بالبيت اللي بتعرفه ما تهكلي هم كمان بالنسبه للباص اكيد رح يكون معهم مسؤوله .ما تقلقي توكلي على الله وانشالله بمشي حاله وطمنيني عليكم حبيبتي اوكي؟

من البدهي أن تحس الأم بفقد ابنها ويعتصر قلبها عليه ومع مرور الأيام نغود الى التأقلم لكن أخيتي أود ان أهمس في أذنك همسة لاتجعلي ابنك يذوب في مجتمع غير مسلم ولمعلوميتك فقد اثبتت التجارب التربوية أن اللغة الأم تتأثر كثيراً إذازاحمتها لغة اخرى قبل أن يتجاوز الطفل ربما الثانية عشر أو الحادية عشر ومهما كان وضع العرب وضعفهم فلا ننس ان القرآن بلغة الضاد ولعل تجربة اخانا لندا خير دليل (ومع هيك بنتي ماشالله عليها في خلال شهر صارت تعرف شوية كلمات وجمل وتحكي معنا بالبيت) وفيها إشارة الى تأثر اللسان باللغة الدخيلة

زيزتي دوما الى الامام انا كمان ما بقبل اولادي يبتعدو عن الدين قصدي انها صارت تفهم انجليزي والمدرسه عندهم فيها تحفيظ قران مع الدروس فمتل ما بتحكي انجليزي صارت تعرف الوضوء وبعض الادعيه وسور من القران ارجو انك ما تفهميني غلط

اخواتي شكرا على الرد

هذه المدرسة مهمة جدا له لان كما سبق وذكرت انه مابيعرف ولا كلمة انجليزي وهذا الي انا اتعمدت اساويه ان ما احكي معه من اول ما انخلق غير بالعربي حتى يتعلم اللغة العربية وبعرف ان رح تتأثر لغته الاصلية بس ما بيدي اساوي شئ لان تعلم الانجليزي مهم جدا له وانا باذن الله مقررة ان ما احكي معه في البيت غير بالعربي وحتى لو تكلم بعد مدة بالانجليزي فباذن الله رح انبه الى ان لغتنا هي العربي وان عليه ان يتكلم معنا بالعربي ...........

اختي ليندا لو بتصدقي ابني مو من النوع الي بيبكي امام العالم اعتقد انه مارح يبكي لاني مرة اضطريت اتركه عند وحدة صاحبتي فقالت لي لما رحتي ما بكي وكان شكله بحاول يمسك نفسه وما يبكي حتى انها زعلت عليه وقالت له حبيبي اذا بدك تبكي معلش ابكي مو مشكلة لكن هو ضل رافض يبكي امامها .. وهذا يمكن شي منيح له ولشخصيته ماشاء الله

وانا الي قصدته بكتابتي للموضوع هو من ناحية شعوري كأم ترسل ابنها للمرة الاولى في حياته لوحده وهو لا يفهم لغتهم وهم اكيد في اول الايام ماحيفهموا عليه

اخت دوما الى الامام مابعرف شو قصدك بضعف العرب وشو علاقته بالموضوع
لكن حبيت الفت نظرك الى اني اعيش بامريكا واني دخلته هالمدرسة لان متل ماذكرت مابيعرف انجليزي ابدا وعايش ببلد اجنبي ............لذلك هذه المدرسة ضرورية كتير له

وارجوا ان ما ينفتح موضوع المعيشة في بلد كافر ومضاره ومساوؤه
اولا : لان هذا مو موضوعنا
ثانيا: لان جلستنا مؤقته فادعوا لنا الله ان ييسر لنا وننتهي باسرع وقت ونعود الى بلادنا سالمين غانمين .

في النهاية اعيد شكري لكم ولتفاعلكم مع موضوعي

وان شاء الله اصبر واتوكل على الله وانا اكيدة ان بعد كام يوم رح يتحسن وضعه ورح ياخذوا عليه وياخذ عليهم وانا رح اطمن ويرتاح بالي باذن الله

دعواتكم اخواتي

جزاكم الله خيرا

هلا خواتي.. وخاصة فتاة سورية..

شوفي أنا ولدي عمره ماطلع مكان ولا شبر برع البيت الا ويايه أو ويا أبوه أو الشغالة.. السنة دخل الروضة.. أول يوم سرت معاه بس كم ساعة يعني مالتزمت بوقتهم لأني لو خليته وايد بيخاف وخاصة انه أول مرة.. وكنت يالسة وياه بس في وقت الفسحة استخبيت عنه وطبعا تحت طلب المدرسة.. والمدرسة انجليزية بعد.. والمعلمات بعد أجانب..

وظليت أسير وياه يومين وبعدين الشغالة يومين وبعدين بس أخذه للمدرسة وبالصف تااخذه المعلمة طبعا كله صريييييييييييييييييييخ وصياح بدرجة ماتتخيلينها لمدة شهر والله كل يوم ضرابه وياه على المدرسة وماكان يبقي يسيرها بس انا ماكنت أتهاون وياه بهالناحية قمت أشجعة بالحلويات والالعاب مرات وألحين تعالي شوفيه.. بروحة يطلب من أبوه ياخذه ويقوله اسرررررررررع بعد..

وحتى ولدي ماكان يعرف ولا كلمة بالانجليزي.. بس تعالي شوفيه ألحين ماشالله تعلم الكثير.. وعلى فكرة هو داخل المدرسة 3 سنين ونص.. بس الحمدلله تعلم

انتي لاتحاتين أو تشغلين بالج بهالنقطة لأنه مسيره بيسير اليوم أو باكر.. وطبيعي الأولاد اللي يصيحون أول فترة.. بس بعدين عادي تمر الأيام بسلامممممممممم.. ومثل ماقتلج ألزميه بالمدرسة يوميا يسير وبدون غياب الا للضرورة..

والله يعين الكل.. وطمنينا باللي بيصير أختي..