مساء الخيرات والليرات
كيفكم حوائيات والله اني احبكم في الله واسئل الله ان يجمعنا في جنات النعيماااامين
فيه موضوع حبيت افيدكم ونتستفيد
والي تستفيد تدعي ان ربي يشفي زوجي ولكم تحياتي
عندك اطفال خذي هذي النصائح بجميييييييييع الاعمار
بعض النساء تشتكي من طفلها ذو السنتين تقول معاند وصياح وطلباته كثيره الحل وانا مجربه
تتفاهمي معاه تقولين مايفهم سواء بنت او ولد
هل يعقل
من قال لك ياحلوه ان الاطفال مايفهمون اسئلي الاطباء وذوي الخبره واقرئي في مجال رياض الاطفال واخصائيه الاطفال
بتشوفي العجب العجاب
حتى لو كان عمره سنه والله يفهم
مثلا لو بغى غرض فكري قبل ما ترفضين هل هذا الغرض يسوى اعطيه اياه والا ارفض ؟
اذا كان تافه عطيه حلوى مثلا اعطيه ماراح تضره
عصير بفك لعبه هذي اشياء تافهه مايسوى تنزل دموعه عشان هذي الاشياء
لاتقول وحده هذا دلع لامو دلع هذا طفلك حبيبك
جايبته عشان تعذبينه والاتحبينه
واذا بغيتي ترفضين بيني السبب حتى ولو كان ذو سنتين بس بدون صراخ بهدووووووووء عشان يستوعب
ولو حملتيه وقبلتيه يمكن ينسى الموضوع
عند بنت اختي بنوته عمرها سنه ونص اذا بغت شي ترفض امها والام تصرخ والبنت تصرخ وتعالو شوفو العراك والعناد بين الام وبنتها اللهم ياكافي
واذا خذتها الجده وقبلتها وعلمتها سبب الرفض مثلا تقول لها هذاحبيبتي يوجع بطنك
هذا فيه يع هذا موحلو او تقوم بتغير الموضوع مثلا شوفي حبيبتي الطياره شوفي الكوره عطو ريمه
المويه تغسل يدها وتقوم بها وتغسل لها يدها وترش شوي على وجهها مويه تضحك بعدها ريمه والله تنسى بس بعدها اذا شافت امها تذكر الغرض وترجع لبكائها ليش ؟السبب
انها مازالت تتشره على امها لانها صرخت عليها
ولابينت الرفض
والله ان هاالاطفال اعجوبه
ولدي كان عمره سنتين يضرب الاطفال الي في عمره بشده ويحرجني اذا صار فيه تجمع اطفال
على طول يبدا يضربهم ويسحب لهم شعورهم طبعا امهات الاطفال الثانين مايرضون وصرت انحرج واشيل هم ولااحب يروح معي واحياننا اظطر اتركه في البيت مع اخته او اخوه الكبير
كلمت اخصائيه اطفال وانا من طبعي
اي مشكله تواجهني في الحياة استشير تطبيقا لقوله تعالى قال تعالى : ( فاسئلوا اهل الذكر .... )
المهم اتصلت على الطبيبه وخبرتها عن حاله ابني ذو السنتين وقالت
اذا ضرب اي طفل لا تصرخين في وجهه امسكيه
وابتسمي واحضنيه وقولي لا ياحبيبي هذا مسكين
لا تضربه
وفعلا جربت الطريقه والله انها نفعت مع ابني وفهم علي والله اني ماصدقت
كمان نرجع للطلبات اذا طلب شي بيني سبب رفضك لان بعض الامهات ترفض كذا بدون مبرر
جهل وعناد والله اني اشوفهم
يعني اذا شرب اقرانه مشروبات غازيه وبغى
ترفض وصراخ وتفشله وتفشل عمرها
مايبقى احد مادرى عنها اقنعيه واذا مااقتنع عطيه
***** الله ماهو ضاره هاالمره
لان بعض الاطفال يتغايرون ويورون بعضهم
والثاني ياعمري نص ساعه يصيح ويتنكد
بعدين فيه نقطه اذا رفضتي استمري مو اذا نكتدي عليه عطيتيه
وبينك وبينه نصيحه ترى بعض الحريم ملاقيف
تسوي نفسها ناصحه وهي فاضحه
وانا اكره الحرمه اذا تدخلت في الطفل وامه على بالها تعرف تربي والكل يلتفت بعدين عند فطامه من الحليب لاتستعجلين ترى الحليب له فؤاده بعضهم تفطمه عشان العين والا عشان بتحمل بثاني وش ذا الخرافات اكليه واتركي الحليب لو مره اومرتين في اليوم
بعدين خلصنا من الصغيرين ياحلوهم
اروح وارجع الهدووووء والحلم ولاتضربين ابد ابد خصوصا عند الناس ترى والله انه ينحرج ويفقد ثقته بفسه واجتنبي الضرب في الراس ترى له عواقبه
بعض النساء اذاعصبت من زوجها والا اي شي حطت الحريه في اطفالها ياعمري
وش ذنبهم بس ترى هذا من الجهل
ومن الشيطان تعوذي منه واحضني طفلك ترى مايحس بالحنان الاهو
وياريت كل وحده ماعندها اطفال تكثف من قراه تربيه الاطفال عشان تستفيد وتخرج لنا جيل مايحتاج
الحين جا دور الحلوين سن المراهقه نبدا بالبنت
البنوته وماادراك ماالبنوته هذي شأنها عظيم
ولا راح يمديني في سطور لكن اختصر
بالنسبه للقموره:39::27::27::27:
تقربي لها جدا جدا مثل روحك وقبل البلوغ خبريها بكل شي عن الدوره ولاتتركين مجال لاحد يخبرها
تجي منك اقرب واحلى
واذا عرفتي انها شرفت المحروسه ارجو انكم فهمتو
اخضنيها وقبليها وحسسيها ان هاذي فرحه
والله اني عرفت بعض النساء تكشر وتتضايق اذا عرفت ببلوغ بنتها والعياذ بالله
حتى البنت تركه نفسهها وتنحرج
ليش هذاالجفاء مسكينه وين تروح
بعدين لاتحطمين ولاتهزئين ابعدي عن هذي الصفه نهائيا
ترى البنت تبغى دائم صدر الام كبير يحويها اي وقت
بنت اخوي امهها دائم تحطمها في كل وقت وفي كل حين
حتى عند الناس بشكل مثير للشفقه
والله اني شفت دايم يدها في شعرها تنتف فيه حتى صار عندها شبه الصلع في وسط منطقه الراس انجيت يوم شفت هذاالشي
والسبب حاله نفسيه سيئه
كمان صارت تهرب تحب تجلس في غرفتها وتختلي في اي ركن في البيت هربا من هذي السيل
الي هو لسان امها
يعني انتبهي ياايتها الام
واكثري من المدح دائم وابدا والتوجيه السليم
يعني لو اخطأت قولي الله يرضى عليك لو كان سويتي كذا كان احسن
واستشيريها في بعض امور المنزل وبعض لبسك واسمعي لها وسوالفها كانك مع صديقه مو مع بنتك
حتى لو وقعت في مشكله
لاسمح الله تلجى لقلب حنون كبير يخبرها الصح من الغلط ترى فيه صديقات في هيئه شيطان الله ينجي بنات المسلمين من شرهم ويهديهم
باقي يابنات والله تعبت بس اذا عجبكم اشوف ردودكم انتم خابرين هذا السن يبغى اجمع معلومات كثيره
اكمل بعدين ولكم تحياتي
الله يعطيك العافية
^
^
حفيدة سليمان