أم الهتون :

الله يسعد قلبج انا لا ابلة ولا شي .. بس قلت اخبركم عن خبرتي البسيطة مع ولدي الله يحفظه ويحفظ عيال المسلمين .. لأني فعلاً ما عانيت من نوبات البكاء اللي كنت اسمع عنها من باقي الأمهات .. لدرجة ان ما حد كان يصدق اني ارقد الليل بطوله ولا حد كان يصدق انه ولدي في شهوره الأولى كان يرقد طول الليل بدون ما يصيح أو يقوم .. ولما كبر شوي وبديت أعاني بسبب جهلي في التعامل أحياناً معاه أو بسبب دلعي رجعت وطبقت استراتيجيات سوبر ناني والحمدلله كل شي عال العال :) المهم.. صراحة غريبة انج تعطين ولدج حليب كل ساعتين .. اصلاً في هالعمر المفروض انه بدا ياكل على الخفيف!!! .. يعني ثلاث أو أربع رضعات في اليوم كفاية جداً .. وعن نفسي كنت اعطي ولدي في هالعمر الحليب كل أربع ساعات ونص أو خمس ساعات تقريباً. على كل حال اذا الترجيع مستمر وبشكل متواصل في كل رضعة فيمكن تكون في مشكلة في الحليب أو لا قدر الله الولد فيه شي اسم الله عليه .. فالأحسن انج تراجعين الطبيب عشان يعرف وين المشكلة .. لأن اللي اعرفه ان الترجيع يخف كل ما كبر الولد. وبعد ديري بالج على كمية الحليب اللي يشربها .. الكمية المفروض تكون مناسبة لوزنه مثل ما قلنا قبل. بالنسبة للصراخ وقلب المكان تحمليه شوي لين تعرفين سبب الترجيع .. وعقب ما تتطمنين على ولدج طنشي صياحه. وفي نقطة ثانية .. أحيانا الولد ما يطلب صدر امه أو المرضاعة لأنه يوعان .. بس لأنه يبا يمص مصاصة المرضاعة .. وهذا شي صار حق ولدي فديته في مرحلة من المراحل .. فانتي شوفي ولدج وانتبهي لسلوكه وبتعرفين اذا هو فعلا يوعان او مجرد يبا يمص شي. والله يوفق الجميع.

الله يسعد قلبج انا لا ابلة ولا شي .. بس قلت اخبركم عن خبرتي البسيطة مع ولدي الله يحفظه ويحفظ عيال...