ابني عمره سنتين يروح الحضانة و لا لأ؟؟؟؟؟؟؟؟

يا رب تساعدوني في الموضوع ده و اخذ رأيكم فيه
ابني عمره سنتين و هو قاعد مع حمااتي الفترة الصباحية من شغلي ..و بعدين انا بشتغل و حياتي متلخبطة علي الأخر بسبب عدم اقامتي في بيتي و اضراري اني اقعد مع حماتي طول السنتين الي فاتو عندها في البيت علشان خاطر الولد..و مودهوش حضانة و يتبهدل فيها...
دلوقتي هو اتفطم و هبتدي اعلمة استخدام التواليت لوحده ..بس هو لسة بيستخدم البامبرز و بيغلبني في كل مرة بغيرله فيها..
لكن لاحظت ان ابني عنده نشاط الحمد للهو عايز يخرج و ينطلق...في الوقت الي هو قاعد في البيت الفترة الي من الصبح لحد ما باجي من الشغل برده بقعد بيه و لو خرجنا يا بروح لأمي او اي خروجة كده ساعتين و بينام
حاسة انه مش واخدراحتة في اللعب و ممارسة نشاطة ..و حاسة اني بعد ما فطمتة انه بقي عصبي قوي قوي
و بيعيط و يزن بصورة بشعه....:06:
و فكرت اني اويه حضانة لحد فترة الشغل و بعد كده اخده منها و اروح بيتي بقي ,,,و استقر فيه
و في نفس الوقت بالرغم من الراحة الي هحصل عليها لو عملت كده....هبقي في منتهي القلق من الخوف من الحضنات وان الولد ممكن يتعقد من اهمال الحضانة و او معاملته معاملة وحشة...(علي رأي كلام حماتي) و غير كده ملاحظة ان الولد مبيحبش الأطفال الي في سنة ..يعني ممكن يضربهم او يقول عليهم أأه..او وحشين
و لا يمكن يلعبهم بالعبه...(هل ده طبيعي في سنة؟؟؟؟؟؟)
و كان نفسي انه في فترة الحضانة دي يبتدي يتعلم و ياخد عليالتعامل مع الأطفال الأخرين مع العلم انه هو طفل وحيد و مفيش طفل في العيلة غيرة...و جدته(حماتي ) مدلعااااااااااااااه علي الأخر و بيعيط علي اي حاجة هو عايزة و تترفض
و خايفة ان يكون ده سلوك سيء و يطلع دلوعة و اناني...(ولا هو لسة صغير.؟؟؟؟؟)
يا رب تساعدوني في الموضوع ده يا أخواتي:27: