ام الشكاشك :

المشكله انو مابيمديني اصحيه عشان اوديه الحمام الا والاقيه مسويها على نفسه اتخيلو يعني يكون بس مارق على نومه ساعتين او ساعه ولاقي الحفاظ غرقان والله مشكله بس معقول طيب مافي علاجات عند العطارين او مثلا ما احد جرب عسل نوع معين عشان هذي المشكله

المشكله انو مابيمديني اصحيه عشان اوديه الحمام الا والاقيه مسويها على نفسه اتخيلو يعني يكون بس...

بثـينة :

خليني أقولج على نقاط مهمه .. أولا الظاهر انه المشكله الأساسيه منج انتي ( اسمحيلي ) .. يعني هذا ولد كبير وتلبسينه حفاظه وتبينه يتعود ما يسويها على نفسه ؟؟؟ وين تجي هاي بالعقل !!! حراااااااااام عليج تلبسينه حفاظه وهو بهالعمر .. أنا ولدي قبل السنتين معودتنه على الحمام و من كمل سنتين بالضبط قطعت عنه الحفاظه بالليل الحمدالله ... بس هذا مو معناه اني أتوقع منه ما يبول بالليل .. طبعا بيبول لأنه في البدايه كان متعود يسويها في الحفاظه فلااااازم أصحيه بالليل أوديه الحمام بعد ما ينام بساعتين ... كل شي بالتعود .. ترى وشوفي نظامه الغذائي .. يمكن غني بالسكريات و يكثر من الحلويات ؟؟ لا تنسي انه السكريات مدرة للبول و الحلويات بالأخص .. فاذا كان كذلك فأنا أنصحج تقطعين عنه الحلويات نهائيا لو قدرتي أو خليها كل كم يوم مره فقط ... العصاير لا تخليه يكثر منها مره باليوم كفااااااااااااااايه و خليه يشرب سوائل طول اليوم بس من يستوي المغرب خلاص اقطعي عنه كل شي حتى الماي خليه بمقدار بسييييييييييييييييييييط جدا .. و كل اشوي خليه يروح الحمام و راقبيه انه فعلا سواها مب يروح ويطلع من غير شي ! ترى في بعض اليهال يقولون سويناها وهم مب فاضيين ولا سووووها من الاساس ... و اذا انتي ملاحظه انه يتبول بعد ساعه من نومه خلاص بعد ما ينام بساعه الا ربع مثلا قوميه وخليه يسير الحمام .. صح في البدايه بيتعبج لانه مب متعود على هالشي بس اشوي اشوي بيتعود ... وشوفي الحاله النفسيه ؟؟؟ ترى الخوف والاضطراب يسبب تبول لا ارادي ... يمكن حد يخوفه بشي معين الصبح و هو من ينام يقعد يتذكر ومن الخوف يبول على نفسه ؟؟؟ تصير مع بعض الأطفال ! و يمكن المكيف بارد عليه ؟؟؟ اذا حسيتيه بارد خففي برودته أو لبسي ولدج لبس دااااااافي و بأكمام طويله ... و لا تكبرين الموضوع وتحسسينه انه مريض وفيه بلاوي و ما أعرف شو ... ترى هالشي عادي و أغلب الأطفال في هالعمر يتبولون في فراشهم و السبب مثل ما ذكرت فووووق .. كل شي يبغيله صبر و مع الايام ان شا ءالله بيبطل هالعاده و بيكبر ☺

خليني أقولج على نقاط مهمه .. أولا الظاهر انه المشكله الأساسيه منج انتي ( اسمحيلي ) .. يعني هذا...