ابني في دوامة الغربه ولعوزة الملحقيه

اااااه اخواتي المغتربات من بنات حواء
سكرت السكايبي من مكالمه مع ولدي مبتعث بامريكا والغصه بحلقي خانقتني اسودت الدنيا بعيني لما سمعته يبكي ويقول يمه ليش كل اللي معي والله يمه انهم ما يعرفوا يتكلموا انجليزي وامورهم ماشيه مددوا بعثتهم كم مره وانقبلوا بالجامعات لان عندهم بالملحقيه واسطات وانا ما مشت اموري يقولي يمه انا متكل على الله بس كل ماتذكرت ابوي ووده يفرح بنجاحي واشوف تعثر حظي الدراسي اكتئب
قصة ولدي بدت ايام اختبارات الثانويه العامه كان ابوه رايح انتداب لامريكا من جهت العمل وقال هو وصاحبه فرصه خلينا ناخذ لعيالنا قبول من الجامعات دام انهم حيتخرجوا من الثانوي ونحنا هنا بامريكا فاخذ زوجي لولدي قبول على ان يصير زوجي كل انتداب له بامريكا يصير يشيك عليه وهو يدرس المهم سافر ولدي وبدسفره باسبوع صار تقاعد زوجي من العمل وبعدها بكم يوم صارت لزوجي جلطه بالقلب وتعب وضاعت فرصة انه يصير يشيك على ولده بامريكا لان حتى الدكاتره منعوه من ركوب الطياره اللحين وبعدها درى ولي بمرض ابوه واتازمت نفسيته بغربته وكان وده يرجع بس لزم عليه الوه لانه جت المكرمه الملكيه وانظم ولدي للبعثه المهم انه ما كان مرتاح وخاصه انه كان بولاية بالتمور وضعالبلدهما كان مرتاح فيه والمعهد اللي كان داخل فيه كان السميستر طويل ومع نفسيته السيئه ووضع البلد اجتاز ثلاث ليفيلز وتعثر بواحد الى ان انتهت المده اللي المحدده للغه من قبل الملحقيه وتوقفت بعثة الولد وصار يكمل على حساب ابوه المهم ان ولدي طلب من الملحقيه يعطوه قبول على جامعه يبغاها بلوس انجلس اعطوه الملحقيه ضمان مالي ولمن سال ولدي قالولوا له دام معاك قبول اتقل خلاص المسكين تكلف بالنقل وراح لهناك وبعد التعب قالوا له ان الملحقيه وقفت قبول بهالجامعه بسبة تكدس الطلبه السعوديين فيها هنا تحطمت اماله وانتكسة نفسته قاله واحد من اصحابه ادرس بمهعد هنا لين تجيب الايلس المهم انه اختبر اربع مرات واعلى درجه جابها اربعه ونص قالواله ادخل كليه كلم الملحقيه ردوا عليه ما تقدر تسجل بكليه بغير الالقليم الشرقي اللي كان فيه اول ولو جامعه تقدر بس الجامعه يبيلها درجة اعلى من اللي هو جابها هنا يقول كيف ارجع انقل اغراضي وسيارتي من جديد لميرلاند حاول بالملحقيه يعطوه ضمان مالي على كليه بكاليفورنيا ما رضوا
ذبحني صوته وهويبكي قبل شوي وانا اكلمه يقول يمه انا خلاص ما عاد اقدر اتحمل بس ما ودي ابوي يضيق صدره ويتعب زياده ودي افرحه باي طريقه خسر علي كثير بس الامور مهي راضيه تضبط معي يمه دبريني
وانا ماني عارفه وش ارد عليه
طولت عليكم اخواتي بس حسيت اني راح اختنق وانا بهالفجر قاعده بلحالي فحسيت ان مالي غيركم يالمغترببات افضفض لكم
شوروا علي تكفون كيف اتصرف بموقف مثل كذا  



&&علمت أن رزقي لا يأخذه غيري فأطمان قلبي &&
&&وعلمت أن عملي لا يقوم به غيري فأشتغلت به وحدي&&