انا طبيبة ولى حالة ابن اختى مريض توحد اكتشفتة عندما كان عمرة 2 سنة انا راي لازم الطبيب يسويلة اختبار اسمة كارز تست ويوجد العديد من الاختبارات الاخرى وبناء على النتيجة نقدر نحكم طبعا طبيب نفسية

الله يطمن قلبك وبشرح صدرك ويشفيه ويبعد عنه كل بلاء

الطفل اذا اكل الشيبسات والشوكلاتات بعمر صغير ما عاد يحب الاكل المفيد
لذالك انا ما اشتريها لاولادي الا ناااادرا ينزلون البقاله ويشترون
واكلهم انا كل شيئ لان اللسان لما يذوق الحالي ما عاد يستطعم بالاكل الصحي لكن اذا تعود على الاكل الصحي والفاكهه يصير عادي هذا بالنسبه للاكل
اما بالنسبه لولدك
اذا كنتي عصبيه وهو صغير وكل شوي لاااا لا
او كان بينك وبين زوجك هواش وصراخ هذا يأثر على نفسيته
تأخر النطق اذا هو طفلك البكر له دور تاخر النطق
اذا انتي من النوع اللي يدلع له دور
اول شيئ ابدي معاه لا تعطيه شيئ الا لما يطلبه
وتكلمي معاه فصيح
وكرري الكلمه لما يشرب ماويه
لما تبدلي الحفاظ لما تعطيه فاكهه
واشتري كتب الاطفال انا بالنسبه لي هذي الكتب اهم شيئ ممكن تسويه لطفلك
تعلميه
وتبعدي عن التلفزيون يصير ياخذ ويعطي معاك بالكلام
وكل 10 ايام بس ركزي على كلمات محدده
اذا حفظها انتقلي للي بعده
وشوي شوي بتلاحظي تحسن
لانك قللتي من التلفزيون وكثرتي احتكاكه فيك
وكمان
اطلعوا للحديقه والاماكن العامه
خليه يحتك بالاطفال عشان يضطر يتكلم معاهم
ويطلبهم
او يطلبك
ودامك وديتيه عند طبيب اطفال وقال عادي فالافضل بعد تسوي فحص للسمع عشان تتأكدي انه تمام
انا ولدي من كثر ما يعاني التهاب اذن فقد كذا درجه من سمعه بس الحمد لله سويت له انابيب للتخلص من الماء خلف الطبله وتحسن ورجع يسمع طبيعي
فلازم تفحصيه خاصه لو كان فيه زكام او التهابات متكرره في الاذن
لان لها دور في عملية استجابة طفلك

أعرضيه على أكثر من طبيب

إذا طبيعي ومافيه توحد تأكدي من نموه يمكن يكون حصل له نقص بسيط في الأكسجين أثناء الولاده

و مأثر عليه و تأكدي كمان من لسانه يمكن مربوط و هالشيء حصل لأخوي ما تكلم إلا لما صار عمره ثلاث

سنوات لأن لسانه كان مربوط و إذا سليم من كل هذا

أجمعيه مع أطفال بسنه و أكبر شوي كلميه كثير ولا تصارخين عليه و خلي أسلوبك بالكلام واضح وكانك

تكلمين شخص كبير و التلفزيون قليلي جلوسه عنده و إذا عنده أيبود أو أي شغله من هالأجهزه شيليها

و ألعابه غيرها خليها تركيبات و ألعاب ناطقه

و الله يشفيه و يخليه لك

التأخر في الكلام شي طبيعي خاصة وحتى لو كان يذكر كلمات قليلة ،، واذا كان يسمع الي حوله فمافيه الا العافية،،، بالنسبة للتوحد مافيه اعراضه واولها اندماجه ولعبه مع الصغارونصيحةاختي لاتشكين لاحد عن حالة ابنك الناس ماترحم وتقعد تحلل وتفسر على كيفها ،