اسمحولي اخوتي الكريمات أن اتشارك معاكم عبر صفحت هذا المنتدى المفيد وأريد حقيقة أن أعرض مشكلتي واتمنى أن أجد لديكم حل وتساعدوني.
ابني عبد الله 9 شهور :04:هو الحقيقة لا يفطر نهائيا مش عارفة عملة ايه الحقيقة عشان يتعود على الموضوع ده بسلق له بيض عشان ياكل الصفار ما يرضى نهائيا عندة عداوة بينة وبين البيض معرفش لية مع انه ضروري بالنسبة للى فى عمرة عشان الحديد لو أكل زبادى لا زم بالسكر ومعلقة او اتنين وبس ما يبش يفطر نهائي مع انى بعملة فطار معايا ويقعد جنبى على الأكل بس ما ياكلش حاجة يمسك بس الخبز ويفرفتة ويآكل فية بيحبة اوى بس أكيد مش مفيد وشوية الاقية بيعيط عايز يرضع فطارة عبارة عن رضاعة . هو الحقيقة غير كدة الحمد لله بيآكل كويس جدا ووزنة الحمد لله كويس بس أنا عايزة أعودة على الموضوع بتاع الفطار عشان انا نازلة بلدى الشهر الجاى وبيكون اولاد عمة كتير واحنا في بيت عيلة وعايزاة يتعود على الأكل كويس قبل ما يتلهى باللعب شوروا على اعمل ايه .
ياريت تردوا عليا وماتطنشونيش
شكرا جزيلا
