ابني مشاغب فوضوي عنيد عدواني !!! ساعدوني ؟

بسم الله الرحمن الرحيم

السلام عليكم ورحمة الله وبركاته

أخواتي العزيزات مشكلتي بتييب لي حالة نفسيه والله ..
هذا غير الأمراض اللي يتني منها الضغط والقولون العصبي وو و و و.... ==> عجزت وانا عندي بس واحد :06:

المهم عزيزاتي بقولكم على مشكلتي وبليييز شوفولي حل ...

أنا عندي ولد واحد بس الله يحفظه ويبارك فيه ويخليه حقي يا رب .. عمره 3 سنوات و شهر بالضبط

كان هادي وحبوب ... وفجأه ما أدري شو اللي غير طبعه صار عدواني و مشاغب وفوضوي ..
والله ما يقعد دقيقه على بعضها .. ما شاء الله عليه كله يركض شرق وغرب ... يخرب هذا ويكسر هذا ..
وكل شي يطيح في ايده يرميه .. عنده هوايه رمي الحبيب :hahaha: حتى عمته تسميه الفرار خخخخ
والمصيبه الأكبر انه يضرب كل حد يشوفه .. الناس عنده ملطشه ... يمشي ويضرب ما شي شغل !!!
ومرات يعض وهنا الطامه طبعا .. اذا عض حد على طول تنهال الشكاوي و أطفر والله من كثر ما يقولون حقي ولدج ضرب ولدي .. ولدج عض ولدي .. ولدي فر اللعبه على راس ولدي ... ولدج و ولدج ولدج ..... الخ
من الكبار والصغار ... طبعا أنا أفقد أعصابي وأنهال عليه مرات ضرب ...
كنت قبل أعاقبه بالتوقيف .. يعني أخليه يوقف فتره لين يتأدب .. بس شفت انه يعاند ويكرر غلطته ...
ومع اني دايما أحاول أكلمه وأقوله ماما عيب لا تسوي هالشي مره ثانيه ولا تضرب حد لأنهم بيضربونك بعدين ..
ويقول اوكيه وان شاء الله وما يكمل دقيقه الا وهو راجع لطبعه ...
أنا أدري انه طفل وحرام يكسر خاطري والله لكن مرات شكاوي الناس تخليني أطفر منه وعلى أتفه شي يسويه أنهال عليه والله ضرب وأعصب وأصرخ .....
المشكله هو وحيد ما عنده حد أخليه في غرفتنا طول الوقت يلعب بروحه أحس حرام يمل ويطفر ...
أخليه يطلع يلعب مع عيال عمه تبدا الشكاوي ..
أروح مع عمتي اشوي تقعد تصرخ وتتشكى وتهدد حتى لو ما تحرك بعده وطبعا هو من يسمعها تنهال يعاند أكثر !!
وأهلي بعيد عني شو أسوي وين أروووووح مليت والله ...
و للأسف زوجي أبدا مب متعاون في تربيته بالعكس اذا قعد معاه يقعد يعلمه على الضرابه وهو مب ناقص واذا قلت له لا تعلمه على هالشي يقول أعلمه علشان يدافع عن نفسه .. واذا اعترضت وقلت الوضع مأساوي وأنا أنحرج يوم أشوفه ضارب حد من عيال اخوانك وأخواتك يزعل ويقول خلاص أنا ما يخصني فيه وربيه انتي ... :16:
صرت طبعا أسكت عنه وأسوي عمري ما أشوفه لو قعد معاه .... :35:

والله يكسر خاطري مرات أحس اني أقسى عليه ... يعني مرات اييني يتشكى من ولد عمه يكون ضاربنه مثلا أقوله أحسن تستاهل لأنك انت بعد تضربه .. وبعدها اقول حرام اللي سويته لاني أم والمفروض الأم تدافع عن ولدها !!

ما أدري والله شو أقول وشو أسوي لأني فعلا مليت وتعبت من كثر ما احاول أغير في طبعه وأخليه هادي لو اشوي ..
المصيبه انه الكل الحين قام يتكلم عليه لأنه حركي ما شاء الله وايد و فوضوي ...
ومن يدخل مكان تقولون داش عليهم ابليس ويركضون يرفعون كل شي موجود على الأرض أو الطاولات فوووق علشان هو ما يفره !! الحركه تنرفزني والله .. وأقولهم مرات أنا بمسكه وما بخليه يلمس شي ...
والله أخليه قاعد مثل الكرسي مع انه باجي عيالهم يلعبون ويتنططون وهو يشوفهم ويقطع في نفسه ..
والله حرااااام أحس نفسيته صارت زفت ....
يعصب من كل شي .. حتى لو حد قال حقه انت اسمك فلان مب اسمه الحقيقي على طول يتعكر مزاجه ويقوم يضارب و يصرخ و وو ... احس لاتفه سبب ما يناقش على طول يعصب ويصرخ ويضرب ؟؟؟

والله تعبت تعبت تعبت ... كل يوم احاول اهدي فيه لين صرت ألعن منه .. أفوووور لأتفه سبب ..
وكله من الناس اللي حوالي الله يسامحهم .. يخلوني أطلع حرتي فيه من الكلام اللي يسمعوني اياه ..:06:
أقعد يوميا احفظه قرآن وأسمعه قرآن قبل لا ينام علشان نفسيته تهدا بس ما شاء الله عليه طبعه حركي شو أسوي !!!
أحاول كثر ما أقدر اني أستنزف طاقته وأخليه يسبح مثلا ويلعب بحوض السباحه فتره طويله لين يمل ..
أوديه على الحديقه مرات بس انحرج لأنه يشيل الرمل ويفره على عيال الناس وأنحط طبعا أنا بموقف محرج ..
فصرت ما أوديه الا المولات علشان الألعاب اللي فيها ما تنفر خخخخ

ساعدوني بليييز والله ما صرت أقدر أفكر مثل الناس ..