هلا والله
والله ياقلبي تعبنا واحنا نحاول نفرغ طاقتنا
احنا اللي طاقتنا تنفذ وانا مشكلتي انهم 2 مو واحد
الحين انا مدخلته روضة اسبوع بس المشكلة طول الطريق يصيح مايبي بس انا اضغط على نفسي ابيه يتعود
والله يعين

بثينه وربي كأنك تتكلمين عن بنتي لو انها ولد قلنا طبيعي بس بنت وكذا ماشالله

وربي تعبتني الله يهديها شقيه كل شي تحوسه لو اغفل عنها لحظه القاها مسويه كارثه بس اراكض وراها

وتضرب كل الاطفال وتعض وتمخش اذا كنت بجمعة خالاتي وسمعت احد يصيح اعرف على طول انها بنتي السبب

وانا جالسه كل شوي يجيني بزر شوفي سوسو سوت كذا كل الصغار يجون يشتكون او يجون وهم يصيحون

تعبت معها جننتني دقيت مره على دكتور اسمه عبدالله هادي استشيره قالي بنتك توها صغيره وطبيعي تكبر وتعقل

قلتله انها اذا غلطت اعاقبها وازعل عليها وترجع لنفس الغلط قال الكبار يرجعون يغلطون وش عاد الصغار

وقال لاتضربين وعاقبيها قولي لها انا زعلانه عليك وماراح اكلمك 5 دقايق

واذا سوت شي حلو شجعيها

وربي بنتي خلتني عصبيه مررررررررررره وماصرت اتحمل غصب عني الله يهديهااااااااااااااااااااااا ويهدي اطفالكم

بثينه
كأنك تحكين عني وتوصفين ولدي
اولا كلام ريال فسحة روعه ما شاء الله وانا عن نفسي ببدأ فيه ان شاء الله
بعدين شوفي يا قلبي اذا عرفت السبب وعالجتيه انتهت مشكلة ولدك
اولا مشكله العض كان يعاني منها ولدي بشكل فعلا يخجلني مع الناس وحاولت اصلح من حاله وما نفع بعدين عرفت ان السبب ابوه لأنه يسلم على ولدي ويلعب معاه بشفايفه كأنه يعضه وولدي صغير ما استوعب الفرق بين اللعب والعض فصار يعض بعدين اتفقت مع ابوه انه مايسوي له هذي الطريقه وفعلا شوي شوي الولد نسي هذي الحكايه
اما الضرب فزوجك لأنه يلعي معاه مضاربات سبب له هذي المشكله لأنها نفسها مع ولدي بس للأسف ابوه الى الآن يلعب معاه مضاربه وعشان كذا ما قدرت اتخلص من ذي المشكله بس خفت لما كبر شويه
اما النشاط فلأن ولدك وحيد انا ولدي نفس الوضع ما عنده احد يلعب معاه بس الحل دخليه روضه واشتري له العاب حركيه نطاطه وما شابه ذلك خليه يسبح كثير منها يفرغ طاقته والماء يساعده يسترخي بس خليه تحت نظرك لا يغرق لا قدر الله
الرسم جربته مع ولدي وكنت ارسم له احيانا واخليه يلون او اسوي قصاصات بالورق الملون واخليه يرتبها
والله يهديهم ويرزقنا برهم

انا ولدي دخل الاربع سنوات وصاير مزعج بدرجه فضيعه ينطط ويصرخ ويحوس ومااايحترمني اذا سوا غلط وهددته اضربه يقول انا والله اللي باضربك والله احيانا اموت ضحك صغير بس عنييييد ماكان كذا ابدد :(

ان شاء الله السنه الجايه ادخله روضه ولا اشوف له صرف يقولون تطلع طاقات الطفل

الله يصلحهم

ماشاء الله تبارك الله كل وحده تقول اكنك تتكلمين عن ولدي واللي تقولي بنتي ..


الحمدالله يعني مو ولدي بس اللي كذا هههههههههههههههههههههه بنات ياليت تعطونا الحل على شكل نقاط افضل عشان نطبقها .. واسرع في الفهم والحفظ ..

انا ولدي عمره سنتين وشهر تقريبا شكله مصيره مثل ولدك لانو من الحين وابوه مو طايقه من شقاوته اكني جايبته من الشارع مافي الا هواش هو وابوه ... مره رحت عند جارتي وخليته مع ابوه بالبيت وكان نايم يوم صحى ازعج زوجي قام زوجي حبسه بالغرفه لمدة ساعه يعني لين مارجعت انا ضاق صدري وخفت عليه لا يتعقد الولد بس انه مايتوب ابددددددددددددددددددددددددددد..

واذا رحنا مكان يسلم على الخلق كل من هب ودب ومايتركه الا اذا قاله باي .. يمر على اي احد يقوله باي ياعمو باي ياعمو ومايسكت الا اذا رد عليه الرجال وقاله باي تخيلو طول الطريق وانا اسحب فيه وهو يقول باي ياعمو خخخخخخخخخخخخخخخخخخخخخخخ


معليش يا صاحبة الموضوع اعذريني يمكن مو مكان مناسب اكتب فيه بس اكيد حاسه بمعاناتي صح ...