ابني وابن سلفتي خلاص بنجن

السلام عليكم خواتي انا من زمان متابعه معكم بالقسم لكن قليل ما اكتب مشاكلي لكن استفدت منكم كتير والان بتمنى تفيدوني بخبراتكم اخواتي عندي طفل يبلغ من العمر ثلاث سنوات وسلفتي عندها بنت تبلغ من العمر 4 سنوات ونصف وبنت اخرى تبلغ من العمر 2 وثلاث شهور وطبعا كثيرا ما نتجمع في بيت العيله فيجتمع ابنائي وابنائها ليلعبوا وتصير بينهم مشاكل مرة ابني اللي يضرب ومره بناتها اللي يضربوا وعلى هالحال لكن المشكلة انوا لما ابني اللي يضرب تذهب سلفتي الى ابنتها طيران وتسالها ما بها وتسال ابني لماذا تضربها بصوت عالي وتخبر زوجا بان ابني ضرب ابنتها واما انا اذا جاء ابني يبكي اسكته واخفف عنو وامشي الموضوع عادي :ohmy: تعبت من المشاكل التي لا حصر لها وغير ذلك كثيرا ما يقوم سلفي بالصراخ في وجه ابني بصوت عالي جدا انو ما يضرب بنتوا ولا يقرب عليها وانا بدكم الصراح بكون بد انجلط من موقفه وبحكي لزوجي انو هاد الحكي ما بصير لكن زوجي من النوع الهادي وما بيحب المشاكل لكن من كثر ما حكيلتلوا ما تخلي اخوك يصرخ علا ابني مره سلفي صرخ علا ابني وزوجي عصب وحصلت مشكله كبيرة بينهم ومن يومها ما عاد سلفي صرخ علا ابني لكن اذا ابني ضرب بنته يتدخل لكن من غير صراخ وانا براي هو مش لازم يتدخل لانوا الرجال ما بتدخلوا في قصص الصغار يعني انا بعرف النسوان ممكن يتدخلوا في مشاكل الصغار بس الرجال لا المهم
انا يا بنات صرت اعمل نفس الاشي ببناتها لما بيضربوا ابني
ابني لما كان يبكي كنت استني يجي عندي واسكتوا وخلص لكن الان لا صرت اتبع نفس اسلوب سلفتي بالضبط ابني لما يبكي اروح اطير عليه واسالوا شو مالك واسال بنت عمو ليه ضربتي خلص ما تلعب معها وهاد نفس الكلام اللي سلفتي بتحكي لابني وكمان احكي لزوجي لاني اكتشفت انو الرجال بتار بالحكي يعني مثل ما هي بتحكي لزوجها انا بحكي لزوجي يعني سلفتي بتحكي لزوجا انو ابني كثير حركه ودايما يضرب البنات ودايما مشاكل معهم بروح زوجا لما يشوف ابني ضرب بنتوا مره بنجن ليش لانو ماخذ فكره عن ابني انو دايما بضرب بناتوا والمضحك يا بنات في الموضوع انو سلفي بيحكيلي انت بس تسمعي صوت ابنك ببكي بتيجي طيران كانو مش شايف مرتوا ولا شايفها كيف بتعامل ابني شو رايكم بالتعامل لاني بصراحه تعبت تعبت تعبت