ابني وابوه ادخلو كلكم بالله عليكم انصحوني

السلام عليكم
لي يعرفوني ويعرفون مواضيعي
انا مطلقة قبل كم سنة ومعاي ولد عمره ١٠ سنوات
المهم مثل ماقلت بموضوعي ابوه للولد متخلى عنه رسميا
لا نفقة لا زيارة ولا كلمة حلوة
لا بعيد ولا بمناسبة ولا بفرح مو معترف بالولد ابدا
والولد يحب ابوه كثير ويتفاخر فيه والاب ساحب عليه
اخر مرة شاف ابوه قبل ثمان شهور وكانت زيارة ربع ساعة بس ببيت جده
وهذا الشي انعكس سلبيا على صحة ابني ونفسيته
الولد نفسيته دماااار وانا حاسة فيه وهو يلومني وهذا اثر على نفسيتي انا بعد
واتحجج له ان ابوه مسافر وابوه مشغول ومو فاضي
وابوه كل يوم حالة وسناب جديد مرة بالبحر ومرة بالمطعم ومرة صور عياله وعيال اخوانه وحالات عن عياله وفيدوهات ضحك واحترق من جوا
مو عشانه اعوذ بالله بس عشان ولدي الين حذفته وحظرته
حتى تبوئه ب اسم ولده الثاني لي من حرمته
انا يوم شفت هالشي تأكدت انه ناكر ابني خلاص
والكل يعرف بجفاءه للولد
ابوي اخواني كلموه انه مو لازم تخلي ولدك كذا ولا رد عليهم بشي
في حرمة الله يجزاها خير فتحت لها قلبي عن حالة ولدي وخلت زوجها يتكلم معاه
قاله انا مستقر بحياتي وعندي عيال ومرتاح مع حرمتي و وجود الولد هذا بيسبب لي مشاكل !!!
اقسم بالله يوم سمعت هالرد صرت ابكي من قلبي على ابني وهو يستنى على باله ابوه بيجيه او بيزوره
وكسرت نفسي وكلمته وذكرته بالعدل بين العيال وان الولد لازم تحن عليه عشان يبر فيك ويحبك لا كبر
قالي ماهمني ان حبني او لا
كلمنا اهله مالقينا فايدة
خليت الولد يروح زيارات لبيت جده
مالقى الا الجفاء من ابوه والمعاملة القاسية من حرمة ابوه
ب اكثر من مرة الين تعبت نفسية الولد اكثر و اكثر
جا ابوي قطع هالموال وقالي خلاص انا بربي الولد وبحتويه الين يكبر لا ترسلينه خلاص يكفيه دمار لنفسيته والنتيجة خلاص ابوه ماسئل عنه من ذاك اليوم
انا تزوجت من شهرين وخذت الولد معاي ولله الحمد زوجي يعامله معاملة كويسة ومافرقه عن ابنه
وصار اصدقاء هو وابن زوجي لي ساكن معنا وتحسنت حالته شوي وطلع من جوه لكن نفس الشي ابغى ابوي
انا الحين يابنات يعلم الله اني ماخليت شي ماسويته عشان اجمعه مع ابوه وكل محاولاتي فشلت الاب مايبغاه
اصارحه بهالشي وارتاح ويمكن يزعل اكثر بس بالاخر خلاص يعرف ويرتاح واخاف يتنمى الحقد بداخله على ابوه ويدخل بحالة نفسية
ولا اتم معاه على نفس هالحال اصرف الين يكبر هو ويعرف كل شي