ابني والحمام افيدوني يااهل الخبره

لاتجبرينه شوي شوي يتعلم لاتقيدين نفسك بوقت معين لان الاطفال قدرات والموضوع هذا بالذات يبي له صبر لين يتعلم الطفل يروح الحمام بنفسه

يعني استمر في تعليمه ولا لا
انا قولت بما اني بدات خلاص خلاص مو لا م اوقف

كل ما يروح الحمام عطيه معاه قصة فيها رسومات يشوفه ، وعطيه علكة مثلا كتشجيع ، وقولي له كل ما تسوي بالحمام بعطيك علكة فيتشجع ، وممكن تأخذي قصيرية وتدربيه عليها وبيده قصة يتسلى فيها ، واحسبي حمامه بعد شربه للماء بساعة ، وطبعا في لتبول في الشتاء مختلف عن الصيف ، فأهم شيء تشربيه موية وتوديه بعد ساعة فإذا ما سواها وديه بعد نصف ساعة الثانية ، وإذا ما سواها خذيه بعد نصف ساعة بعدها ، وأما البراز شوفي نظامه متى يطلعه أصلا فإذا كان يطلعه الصبح بعد ما يفطر فخذيه على طول للحمام بعد الأكل ، وأنصحك بتلبيسه سراويل الأطفال الخاصة بالتدريب أريح لك ، وحتى لو أخطأ وسواها لا تضربيه ولكن تابعيه المرة الي بعدها متى يسويها بالضبط لأن لهم حركات معينة وقت الي بيسويها فتابعيه وخذيه على طول ، فتتعبين فقط أول أسبوعين فقط وبعدها يكون تمام ، وأما تدريب الليل يكون بعد أن ينجح في النهار ، يكون من الساعة السادسة المساء ما تعطيه أي سوائل ، وأول ما ينام بعده بساعة خذيه للحمام وعند الفجر وديه الحمام .
أنا أدرب الأطفال من سنة تقريبا ، وأما البراز فيكون الطفل جاهز من سن سنة ونصف ، فأدربه .
فعلامة أنا الطفل يكون مستعد هو لما تسأليه مكان عينه ويجاوب لك ، وتسأليه مكان أذنه ويجاوب لك ، وتسأليه مكان شعره فيجازب ن فيكون أحسن وقت للتدريب .