ابني ورفة العين

سامحوني يابنات ويا دكتورة الظاهر ان مشاكلي مع ولدي كثرت من ولدت بالسلامة

السموحة اذا ازعجتكم

من ولدت بالسلامة وجبت أخت لولدي اللي عمره 3 سنوات ونص وانا الاحظ ان تصرفاته غريبة جداااااا

يحاول يلفت النظر بأي شكل يعفس يخرب ويكسر مع ان الجميع يتعامل معاه بتعقل ومتفهمين انه غيران من اخته ونحاول نحسسه انه هو الكبير ونكافئه عل طول بالهدايا وبالأشياء اللي يحبها و و و و و كل ما يخطر على البال بس علشان ما يحس انه ماعاد الطفل المدلل مثل قبل .

المشكلة انه من كم يوم لاحظته يرفرف بعيونه بسرعة ومتواصل طول الوقت وطول اليوم وعينه ترف على طول في البداية حاولنا ما نعطي اهتمام للأمر وعملنا نسنا مو شايفين لقينا الولد مستمر .
سألناه كذا مرة شنو فيها عينك مرة يقول ما فيها شي ومرة تقول تألمني ومرة يقول ألعب :eek:
فهمناه انه بهالطريقة عينه بتألمه وبيمرض وبناخذه عالمستشفى وبدون جدوى قلنا له اذا بطلت بناخذك عالملاهي وبنشتري لك اللي تبيه بعد لا حياة لمن تنادي .
طفح الكيل قام أبوه شخط فيه وأتبع معاه الشدة لأن الموضوع زاد عن حده من يصبح وهو يعمل هالحركة لين ينام وكانت ردة فعله انه زاد في الأمر وصار بشكل ملفت والكل ملاحظ

انا شخصيا تعبت من هالمووضوع ومو عارفة شنو الحل خصوصا اني مو عارفة هل هالحركة فقط لفت نظر أو أنه عنده مشكله فعلا في عينه

واذا كانت لفت نظر مو عارفة سشاسوي خايفة تصير عادة

طولت عليكم بس ياليت القى عندكم الحل ؟؟؟؟؟؟؟:26: