والله مادري يا ختي المشكله انه كان شاطر طيب بالتمهيدي والاول والثاني كمان كان يلعب بليستنيشن؟؟؟؟؟

هلا يالغاليات


صدقوني انا ما أبرر لنفسي لكني جربت كل شي معاه ...تفاهمت مع جدته مافي فايده معها

اقولها حرام الولد كان شاطر والحين نزل مستواه بسبب البلاي ستيشن تقولي لا مو منه بس انتي تبين تعقدينه

معقوله ابي اعقد ولدي ياناس ...اقوله بشتري لك اللعبه اللي تبيها لو جبت الدرجات الكامله يروح يقول لجدته

تقوله انا بجيبها لك حتى لو ماجبت اي علامه ...تفاهمت مع زوجي يكلم امه يمكن تتقبل منه هو الكلام يسكتني ويقول طيب

ويكلمها بطريقه لا مباليه انه خلاص لاتخربون الولد ويسكت ولا يتأثر احد بكلامه اصلا وانا اللي اتعب وانقهر وفعلا لما

يجيب درجه ناقصه تهاوشني امه تقول انتي مادرستيه انتي ماعلمتيه اقولها من هالبلا اللي يلعبه وانتوا تسمحوا له

ماترد علي وتسوي مو سامعتني وتكمل هواشها بصراحه تعبت اعصابي وفعلا صار ولدي اتصاله بالعالم الخارجي شبه معدوم

لا يكلم اصحاب ولا يلعب مع اقاربه بس يبي السوني

والله تعبت تعبت تعبت

الله يهديه ويصلحه يارب


تراه كان شاطر بالتمهيدي وصف أول وثاني بس انتكس بثالث ورابع وكان يلعب بلاي ستيشن بس

مو بنفس ادمانه له الحين

ازعجتكم بكثر الكلام لكن مالقيت حد اشكي له بعد الله غيركم يمكن احد يفيدني بشي

لازم يكون لأبوه دور في حل المشكلة ، دخليه العصر غصب حلقة تحفيظ وأكيد أم زوجك مرة كبيرة وبتشد عليه عشان يروح الحلقة وبعد الحلقة نادي رياضي أوكراتيه أو يروح مع أبوه يلعب رياضة بيرجع يذاكر ويادوب ينام لأن لو حرمتيه من البلاي استيشن لازم يكون فيه بديل قوي التدرج مطلوب يعني لاتشيلين الي في بيتك ويروح عند عمه يلعب هذا غلط اذا شلتيه لازم يكون فيه بديل أو أمر أقوى من لعبه به يعني موعد الحلقة وقت النادي حتى لو وسط الاسبوع حاولي مع ابوه تطلعون ملاهي بحر أهم شيء يتحرك و يتسلى بالعاب حركية ولازم يتعلم كراتيه ولازم تفهمينه أنه رجال ولازم يصير بطل وقوي وعنده شخصية ليه الاولاد مستقوين عليه ؟ليه ما عنده أصحاب ؟ عشان البلاي استيشن طول الوقت يفكر فيه الله يهديه ويعينك .

البلاي ستيشن وكل الاجهزه الصغيره تقتل الابداع عند الطفل حتا التلفزيون منهم. جربي معاه الاستكرات للتحفيز الله يصلحه يااارب ويهديه ويسخره لك. لمن يكون بالمدرسه قولي يارب استودعتك ماتعلمه ولدي عشان اي شيىياخده بالمدرسه يستفيد منه وماينساه

اكسري الجهاز ولطشي ولدك
واذا جابت جدته شي اكسريه وارميه

بلا دلع

بكره ما بيلقى وظيفه وماحد بيسال فيه