ابني ومشكلة الحمام؟؟

اختي اصبري عليه شوي وطولي بالك لكن لاتيسين وكل يوم فكي البامبرز ومع الايام راح يتعود

خليه بدون بامبرز وكل خمس دقائق وديه الحمام واذا سوا حاجه في الحمام صفقي له وعطيه حلاو شجعيه ومره عطيه بسكوت ومره تصفيق ومره بوسات صدقيني راح يفرح ولاتنسي تقولي لزوجك قدام ولدك انه راح للحمام وخلي ابوه يصفق له كل هذي التجارب سويتها مع بنتي وجابت نتيجه حلوه ماشاءالله عليها

لاتستعجلين عليه خليه على راحته لايتعقد من الحمام
انا ولدي عمره سنتين وتسع شهور وان شاء الله اذا خلص البرد علمته
ويصير ان شاء الله بدى يتكلم بعد

يا عزيزتي لا تعقدين في روحج ولا تكتئبين ..

ترى والله أغلب الامهات يعانون من صعوبه تعود اطفالهم على الحمام ..

ولدي في البدايه ما شاء الله عليه تعود وعيبته النونيه وكل دقيقتين يركض ويقعد عليها ويعصر عمره غصب المهم يقعد عليها وبعد فتره مل منها وصار يسويها وين ما كان ..!!

عقدني والله ومرات أصرخ فيه وأعصب عليه لكن أرجع وأقول مصيره بييي اليوم اللي يتعلم فيه ..

اصبري عليه وان شاء الله مع الايام بيتعود غصب ..

بس نصيحه .. لا تلبسينه بامبرز أبدااااااااااااااا أبداااااااااااا الا وقت الطلعه ..
وكل ما يسويها على نفسه أو يوسخ الغرفه انقرفي منه وحسسيه انج مشمئزه من تصرفه ومن ريحته وصدقيني حتى هو بينقرف من نفسه ... أنا ولدي جذه و حتى مرات يوم يسويها يسكر خشمه واييني ركض يقولي انه سواها على نفسه أو على الارض مثلا .. صار ايعرف على الاقل انه هالشي مقرف .. وان شاء الله بس يكبروا بيفهموا اكثر وبيريحونا من تغيير هالحفاظ ...

للعلم ولدي عمره سنه وست شهور وبديت وياه من يوم ما كان سنه وثلاث شهور .. والحمدالله كل مره أحس بتحسن أكثر .... صح مرات تستوي انتكاسات لكن أرجع وياه خطوه خطوه والبدايه تكون بانج تحسسينه بالقرف اللي يسويه وتخلينه يعرف اسمها اختصريله اياها باي لفظ ... وبعدين حببيه بالنونيه بأي طريقه ... حتى لو اضريتي تجلسين انتي عليها وتراوينه وتحسسينه انها شي مسلي وجميل .. ولدي فديته صار يحبها ويتحراها حصان خخخخخ

وربي يسهل امورج يا رب ..

انا ابني عمره سنتين و 7شهور بديت اعله يرو ح الحمام من 4 اشهر بس لحد الان يعملها على حاله و بعدها يجي و يقلي ماما كخ مش عارفه ايش اعمل معه و قبل شهرين بديت بتعليم اختو اللي عمرها الان سنه و 8 اشهر بالذهاب للحمام لانها هي صارت تطلب مني و تقلي زي اخوها ماما كخ ومرات الاقيها نازعه البامبرز بس هالوقت متلها متل اخوها بتعملها على حالها وتيجي وتقول ماما كخ و هي بتغار من اخوها كتير و اي حركه بيعلها بتعمل متلو بس معلومه لما ابدا احممهم اقللهم ااعملو كخ يردوا علي ويعملوها و بالنسبه للشغله الكبيره البنت ما تعملها الا على البامبرز والولد يعملها مرات بالحمام ومرات بالحديقه على التراب بس بعد ما اترجاه ولحد الان ما استفدت شي غير اني اشتغل شغل الحفاظ