ابني و3عمليات والحل؟؟

السلام عليكم ورحمه الله وبركاته


حبايبي انا عندي ولد عمره سنتين الله يحفظه حركي وحركاته حلوه وماشاءالله عليه وينحب من الجميع..


من قبل 5شهور سقط بالبيت كنت جايع اعطيه دواء وهو شافني ركض يبي يتخبا وسقط ع جبينه مادري كيف سقط المهم والدم تقولو حنفيه ماقدرت اسده بس جلست اصيح وزوجي كان بيذاكر طلع من الغرفه وشاف المنظر وانفزع واسعفناه للمستشفى واترقد لثاني يوم عشان بيسوو له عمليه وتخدير لان الجرح عميق ومايتحمل يسوو تخدير موضعي...


وسوو له العمليه وكنت اشوف زوجي يبكي قالي ان ابني لانه كان تعبان بالكحه احتمال يدخل بازمه بسبب التخدير ويعملو لو انعاش طبعا هو كلمني لهذا الكلام بعد مافاق..


ماتتخيلو نفسيتي كيف كانت لمادخلت اشوفه غرفه الافاقه والجرح كبير بحجم العين اللهم لك الحمد والشكر


المهم قبل 3 اسابيع نزلته للحديقه وكان يلعب مع اخوه واولاد جارتي وسقط ع جبينه وع نفس الجرح وانفتح الجرح😵ونزززززف والوقت كان وقت مغرب واتصلت لزوجي ووديناه للمستشفى وقالو لازم جراحه وتخدير ووووو واترجيت الدكتور انه يلصقها ومابخليها مكشوفه ابداااا ونشوف خلال اسبوع اذا التامت خلاص والا بيقص الجلد وبيعيد الخياط ع حسب قوله




والحمدلله التامت وجلست اسبوعين ملصقه لها ومواصله ع التطهير واعمل دواء والحمدلله التامت وخفت بس باقي حمرا


ويوم الخميس اللي فات كان يلعب مع اخوه في البيت وفجاه اسمعه يبكي اروح اشوف وانها جبينه بس الجرح هذه المره جاي بالطول وبالوسط واكبر واعمق من السابق كنت اصيح لين راح صوتي وزوجي مش موجود واتصلت عليه والله الدم فرقني وغرق ملابسي واخوه كان يصيح اول مره يشوف دم بهذا الشكل ارتعب وكان يبكي موقف لانحسد عليه


ووديناه المستشفى وسوو له عمليه وتخدير كامل ورقود وهذه المره كان النخدير اقوى عشان وقت العمليه اطول...


والله يابنات صرت انفجع عليه مايسقط الا واشوف دم يامن شفايفه او لسانه بس كله ولا جبينه والجرح عميق وكبير...




وبنفس اليوم لماسقط اخر مره زوجي كلم صديقه عشان تنزل زوجته عندي تشوفني ع بال مايجي من الشغل لان الطريق كان مزدحم وابني شافتي لابسه العبايه نسى الجرح وقام يدور يلبس الصندل وانتو بكرامه قامت جارتي تقول ع مهلك تبي تخلص ع الجهه الثالثه السليمه من جبهتك وانا قفزت بوجهها اللي فيني كافيني والولد بينزف وهي تتمسخر..


الخلاصه وش اسوي لهذا الولد الكل بيقول هذه عين مستحيل 3مرات يصيب جبينه وبهذا الشكل المخيف...


ايش اسوي يابنات والله اليوم بعدت اللصقه اللي فوق عشان اسوي المرهم واشوف بيطلع من الخياط دم ابني حركي ماشاءاللع وينحب وملامحه جميله بس انا استودعهم ربي لكل وقت ومتوكله ع الله ومااقول صابته عين او شي بس هالمره الاخيره تاكدت انها عين..
وديناه لشيخ هنا قال توضو واغسلوه ابنكم فيه عين واقراء له الرقيه بنيه الشفاء


كيف اسوي اتوضا انا وابوه واخوه ولا كمان صديقاتي ولا بس اقراء له الرقيه الشرعيه وخلاص افيدوني


علما بان عيالي ماينامو الا ع القران تعودو من هم صغار يعني بيتنا والحمدلله محاط بالذكر والقران والصلاه..


واعذروني ع كلامي الملخبط والطوووويل