ابني يشتغل !!

السلام عليكم
القصة ب اختصار كلمني زوجي امس ييغى ابني الوحيد يروح يداوم بالصالة حقة زوجي موظف استقبال!!!
ومن الساعة ٤ للساعة ١٢ بالليل
والولد كل لي عمره ١٣ سنة
قلت له انت اكيد تستهبل معاي عالليل
قالي لا والله باخذه يداوم هناك ويتعلم ويصير رجال ويعتمد على نفسه
قلت له من قلة العمال هناااك ماتخلى احد يقعد هناك
دخل بمية سالفة
اول شي يقولي ما أمن ب احد وحطيت هناك اكثر من واحد وكان يسرقوني
وابني مارح يسرقني لان الحلال حلاله
قلت له ولد لساه بحكم الطفل وش بيتعلم فيه هناك يقولي معليش اخلي واحد يعلمه والسالفة بسيطة جدا بس يطبع فواتير والولد مو طفل كلها كم سنة ويتخرج
وبعدها دخل بموال السعودة
قلت خلاص قول من الاول انه سعودة وليه ماتجيب شباب سعوديين تحجج انه جاب وانهم يقعدون فترة ويطلعون ومدري ايش مع انه صالته ماشاء الله شغالة كثير ولها اكثر من فرع
قلت له خلاص خلي واحد من اخوانك يروح يداوم
عنده اخوان صغار واحد عمره ١٥ والثاني ١٧
قالي مارح يرضون ويبغون يستانسون بالاجازة
قلت له وابني يبغى يستانس ب اجازته بعد مايروح كل يوم يشتغل هنااك
قالي خلاص ترا هذا ابني بعد وابغى مصلحته وابغاه يعتمد على نفسه من صغره وانا بكلمه
وبعدها يقولي برسلك فلوس اشتري له ملابس كشخة عشان الصالة لها سمعتها
انا هنا انجنننننت من اسلوبه البارد
على بالي ابني مبهذل ومايعرف يلبس
بالله عليكم مو اسلوب يخلي الوحدة تنجلط
انا حارشت ابني وفهمته اكثر من مرة ايش يقول ل ابوه لا جاه وقاله عن الموضوع
واول ما اتصل فيه ابوه
ذاك تلعثم وماعرف يقول شي بعدها قاله حاضر مثل ماتبغى بابا
وذاك يقوله خلاص اجل اجيكم الجمعة يعني اليوم واخذك معاي بعد المغرب هناك !!!!
والولد استانس وفرح مع ابوه