ماشاء الله
الدكتوره والاخوات وضحوا لك قصدي بكلمة حازمه
ان شاء الله راح يتعدل بس زي ماقلت الصبر الصبر

ولدي عمره سنة وثمان شهور يوم اللي يمد يده يبغي يضرب وجهي اذا كان يلعب او منرفز لا أضربه ولا شي اخذ يده نفسها اللي ضربني فيها واخليه يضرب نفسه فيها اما على طرف وجهه او على ايده الثانية ولكن بقوة حتى يحس بالالم .. مرة على مرة قلت الحركة هذه .. وبنفس الوقت اكون جدا حازمة ومعصبة وعلامات وجهي تدل على غضبي فصار يتراجع شوي شوي ..
والله المعين

السلام عليكم ورحمة الله

اختي في برنامج يجي في mbc4 يعالج هالنوع من مشاكل الأطفال وبقول لك طريقة المربية في مثل هالحالة

اول شي حددي غرفة او ركن في البيت سميه غرفة الأشقياء او كرسي العقاب او اي اسم مناسب .
اذا ضربك طفلك امسكيه ودني نفسك الى مستواه وطالعي في عيونه وتكلمي بصوت حازم وواضح بس مو عالي يعني لا تصرخي ، حذري طفلك انه اذا ضربك مرة ثانية راح تحطيه على كرسي العقاب.
لو رجع ضربك برضو امسكيه بنفس الطريقة السابقة بس انتبهي يبان انك معصبة بالعكس خليك هاديه وقولي له انه انا حذرتك ما تضربني والا احطك على كرسي العقاب وانت ضربتي يلله اجلس على كرسي العقاب ولا تقوم الا اذا سمحت لك ( لا تشيليه على طول على الكرسي بدون ما تفهميه ليه حطيتيه على الكرسي)
وخذيه وحطيه على الكرسي او في المكان اللي حددتيه ولو قام رجعيه لين ما يفهم ان الشغلة مو لعب ولا تنسي خليك هادئة ولا تعصبي او تصرخي لأن هذا اللي يبغاه وعشان يفهم انك جادة في كلامك
بعد ما يجلس في المكان المحدد 5 او 10 دقايق ارجي لعنده وقولي له انا حطيتك هنا عشان انت سويت كذا ( ارجعي فهميه ليه هو معاقب) وقولي له اذا اعتذرت مني او من اخوك اذا كان ضرب اخوه باسمح لك تقوم اذا اعتذر خليه يقوم واذا لا عاند خليه يبقى شوي وارجعي عيدي عليه نفس الكلام ( لا يقوم بدون ما يعتذر لأنه لو ما حس بغلطه ما في فايدة )
وخليك ماشية على كذا عشان يسمع كلامك في اي حاجه ويتعلم يحترمك وطبعا لازم ابوه يساعدك يعني ما تجي انتي تحطيه في الغرفة يقوم ابوه يطلعه منها ولو حاول يستعطفك وهو معاقب ويبكي لا تضعفي ولا تعطيه وجه يمكن صعب عليك بس لازم تضغطي على نفسك عشان طفلك يتعلم يحترمك ويسمع كلامك

بصراحة انا ما طبقت الكلام يمكن لأن اطفالي يجو بالمسايس فما اضطريت اسويها
عموما جربي يمكن تنفع معك وترى كلامي هذا نفس كلام اخواتي اللي ردو فوق بس بالتفصيل الممل كيف تكوني حازمة مع طفلك

ولو حبيتي تشوفي البرنامج عشان تستفيدي اكثر هو اسمه المربية الخارقة ( سوبر ناني) على mbc4 يوم الأثنين الساعة عشرة بالليل
اخيرا اتمنى اكون افدتك وما طولت عليك ولا تنسيني من صالح دعائك

اخواتي الغاليات..الله يجزاكم خير ويصلح عيالكم..انشاء الله اني بطبق كل الحلول الي قلتواعليها

حازمه يعني جاده
لا تضحكي وهو يضربك ولا تبدي عدم الاهتمام ولكن كوني مكشره غير راضيه عما يفعله
وتفهميه انك زعلانه (ارجو ان اكون قد اوضحت معني حازمه)