ابن اختي !!

السلام
اختي الله يهديها
مشكلتها ولدها شهواني نفسه مفتوحة طول الوقت ماشاء الله
اكله كثير كل ساعتين يجوع وياكل
انا كنت افكر اختي تبالغ فيه بس زارنا قبل يومين وانا كنت نايمة عند امي لانه زوجي مسافر عنده انتداب قلت مابنام ببيتي ورحت عندها وهي جابته لانه عندها مراجعة مع زوجها عند دكتورة لانها حامل الله يتمم لها على خير انا شفته وقعدت واحنا نطبخ لقيته ياكل سندويش توست قلت اصبر الحين تتغدى قالي لا عادي بس اكل شوي لاني جوعان وصار الغداء وتغدينا هو عزيز نفس مايحب ياكل قدامنا بس اخوي يمازحه كل مايقوم يقوله اجلس ياخالي شفيك ما اكلت خذلك ٥ صحون ثانيين وهو يجلس ياكل
انا شفته اكل ماشاء الله اكثر شي ومرت اخوي قطت كلمة عليه قلت لها بس ولد اختي هذا حفيد امي خليه ياكل البيت كله انتي ايش زاعجك ولا دافعة ريال من جيبك يلا بيتكم
ساعتين ولا اشوفه مشتريله لوزينفطاير كبار ٣ حبات انا بلعت ريقي قلت له كلهم بتاكلهم ولا اكلهم يقول جعت ايش اسوي
انا ارحمه مسكين مو بيده ويجيني بعد ساعتين يقول خالتي جوعان قلت احييه جوعان بعد وسويت له اكل ايش اسوي امنعه
ماشاء الله متى ماجلس ياكل
انا دخلت عليه بالليل وسمعت صوت حركشة بالمطبخ وصوت هرش
دخلت لقيته فاتح الثلاجة ياكل بطيخ اكل نصف البطيخة ويطالعني والفجر صحى وراح مع خاله للمسجد وارجع الاقيه يقلب الثلاجة يقول جوعان واكل ونام
نفسه مفتوحة ماشاء الله كل ساعتين ياكل ومايمتن عادي وزنه لانه كثير حركة
والله ما بالغت بحالته امه تقولي اذا ما اكل خلال كم ساعة يصير يفقد توازنه
انا قلت لها لاقي حل له وديه مستشفى يفحصونه تقول بسويله قص معدة قلت حراام عليكي طفل هذا طفل تدمرينه من الحين مشافي وعمليات بعدين ليه مهملة حالته ومين قالك يبغى قص معدة
ابوه مشغول كثير ماشاء الله غني ومدلعه لانه وحيده مع بنت صغيرة واختي متأخرة بالحمل كانت من ١٤ سنة ماجابت الا هو وبعد ٨ سنين بنت والحين حامل بشهرها الاول
وزوجها يحبها ويحب ابنهم مايقصر فيه ابدا
وزوجي الخبيث يلاحقه يقوله تزوج اذا حرمتك ماتجيب عيال شوفو الخبيث كيف يبغى يخرب بيت اختي بس زوجها رجل بمعنى الكلمة هزئه ومسح فيه وبلحيته الارض وبعدين الخبيث يقول احس اختك هذي تكرهني وماتطيقني لااا تبغاها تحترمك وانت داير تخرب بيتها قال ماقلنا شي الرجال فلوس خليه يتزوج ويجيب اخوان حق الولد عزوة له الناس ماتهاب الوحيد لي لو وقف ما احد وراه بحاله غير يوم يكون عنده اخوان يسندوه
احد منكم تعرف بحالة ابن اختي او تعرف ايش هذي الحالة دورت فيها مالقيت وهي كل يوم تقول باخذه اشيك عليه وتنسى
لي بتخرب موضوعي تطلع برا ما ابغى احد يعكرني ولي تقول تراقبين الولد او من كلام السخافة والمثالية خليها برا انا ما اراقبه انا شرحت حالته بس للاخوات ممكن احد يعرف ايش مشكلته