الدراقون مارت اذا تبي شغلات للبيت من وخرابيط ومفارش والشنط التقليد والاكسسوارات والالكترونيات عندهم شغلات حلوه واسعاره حلوه وبعد فيه محلات بجايم واشياء للبيت ورخيصه ..واواني ..اما اشاياء حلوه وفخمه مافيه اللهم كم محل مميز زي محل يبيع انتيك واكسسورات غريبه بس مره حلوه ...
مع انه كبييير مره يبيلك يوم كامل عشان تخلصينه وبعد هو بعيد شوي اطلعو له بدري بس تاكدو لان الظاهر فيه ايام يسكر فيها

ابن بطوطه محلات الماركات العاديه وحلو للي معهم اطفال لان فيه تماثيل حيوانات واشياء كثير ومطاعمه حلوه ..

قرية الهدايا هذي زي ابو ريالين عندنا بس طبعا فيها من من ريالين للميه والميتين ..ومااشوف فيها شي يسوي الا اذا انتي تحبين ابو ريالين يمكن يجوز لك وخاصه انه كبيير مره وقسم التحف والخشبيات والشغلات هاذي كثير اذكر خذت كم صندوق للعود كانو حليوات ..

ابن بطوطه بل مره حلو والأمارات

ابن بطوطه مول يجمع الماركات من ملابس وشنط وجزم واكسسوارات ومطاعم وكل شي
اما السوق الصيني يعتبر سوق شعبي نوعا ما بس يميزه شنط تقليد الماركات والجزم بسسس لكن ماتلقين عنده العاب حلوه ولا اكسسوارات ماشفت شي مميز ولا فيه مطاعم يعني حتى الاطفال يطفشون فيه ..

السوق الصيني مره عادي ومافيه شي يسوى يصلح للرجال اكثر اما الملابس اللي فيه واغراض البيت هي نفسها اللي يعرضونها عندنا بالمعارض اللي بالرياض اذا تبين شوري روحي من الصباح لابن بطوطه واتغدو فيه لانه مره حلو وبعد العصر روحي لمول الامارات مره ونس وحلو وفيه قهاوي حلوه وجميع الماركات فيه وان شاء الله تنبسطين

مشكورات الله لا يحرمني منكم
مول الامارات رحتله في اخر مرة رحت دبي حلو انبسطت فيه كثير
بس ابن بطوطه ولا مره قد رحتله عشان كذا سالت عنه
بصراحه ما خاب من استشاركم احسكم تكفون وتوفون ماشاء الله عليكم
الله يرزقكم حسن الخاتمه ويجزاكن الجنة