السلام عليكم ورحمة الله وبركاته
مابعرف باي كلمة ابدا قصتي الي افجعتنا جميعا عندما سمعنا خبر وفاة ابن خالي
يوم الجمعة الماضي باربع رصاصات يطلقها عليه اخاه .
القصة ابكتنا جميعا وخصوصا انها تاتي من اخ لاخاه والكل بعرف شو معنى الاخ :(
طبعا القاتل متزوج وزوجته زعلانة ببيت اهلها وزوجها من 6 شهور بعثته قواتنا دورة امن على
على هاييتي وهناك صابته اضطرابات نفسية شديدة من منظر الجثث الملقاة في كل مكان على الارض دون ان
تتوارى التراب فائرت على نفسيته فتحول المرض عنده الى شك جعلته يشك في زوجته وان ابنه ليس منه
لاحول ولاقوة الا بالله فصار يشك باخوته العزابية وهم 3
طبعا بس رجع على بيته زادت الامور عنده فزعلت زوجته عند اهلها وقرروا اهلها يطلقوها
طبعا طوال ال 5 شهور وهو يعاني من هذه الاضطرابات وماثر على كل الي حواليه من امه واخوته وخواته
ويحاولوا يعالجو وبدون فايدة
حتى جاء اليوم العصيب الي خبرونا فيه اهلي انه (م ) اطلق اربع رصاصات على اخيه (أ) وبدات الجريمة
انه القاتل دخل على امه العصر وخبرها انه في اشي بصدره بحكيله اني لازم اعمل اشي مش كويس مش عارف شو اعمل حكتله امه روح اقرا قرأن واستغفر ربك هاي كلها وساوس شيطان , حكالها والله قرات وبدون فايدة بعده بوسوس
بعدها اجتمعوا اخوته على اساس يرجعو زوجته وهو وافق لكن وافق لانه في بنيته اشي ثاني بنيته القتل
المقتول راح بده يحمل امه لانها مريضة اجا القاتل وحكاله روح ارتاح انت معك ديسك مابتقدر تحملها انا بساعدها
سبحان الله كيف بلحظة بكون قلبه على اخوه وبلحظة بتتحول اخوته الى اعمال شيطانية لكن لاعتب عليه لانه مريض مرفوع عنه القلم
بعدها بنص ساعة بروح على بيته بجيب المسدس وبلحق اخوه القاتل على المطبخ والمقتول كان بالمطبخ بده يفتح
الثلاجة مشان ياخذ دوا الديسك ومباشرة من مسافه قريبة بطلق عليه وبالغدر 3 طلقات ورا بعض برمي حاله
المقتول على الارض وهو يتشهد 4 مرات وبتطلع وراه مشان يشوف مين الي عملها بطلع اخوه المريض
وبحكيله شو يا (م) انا عملتلك وبضربه الطلقة الرابعة وبتصل الكلى بعدها تجمعوا خواته والحمدلله انهم اخوته
العزابية وابنه ماكانوا موجودين لانه كان ناوي عليهم كلهم طبعا المغدور بقع عالارض وهو يتلقط بانفاسه وتشهد 4 شهادات ويحكى قدر الله وماشاءالله فعل وبعدها توفى رحمة الله عليه
القاتل سلم حاله مباشرة للشرطة من حاله وسلم السلاح واعترف بكل اشي واهله اصبحوا بمصيبتين مصيبة ابنهم الي فقد شبابه وابنهم المريض الي مابيعرفو شو راح يصير بمصيره
نبذه عن المقتول هو شب ملتزم دينيا راح عمرة قبل 3 شهور ومعروف باخلاقه والتزامه الديني ويوم قتله كان صايم
وكان طالع من صلاة العشا وكان دايما يحكي لاهله انه بده يروح على افغانستان يستشهد هناك
كان دائما طالب الشهادة وسبحان الله اجته الشهادة لعنده . هنياله على هالميته وعلى حسن الخاتمة
فعلا هالقصة ابكتنا جميعا وصارت اله جنازة ماصارت بالتاريخ وزوجي من ضمن الي شافوه بالمسجد حكى
ولا كانه ميت وجهه مثل البدر والكل حكى انه نايم مش ميت وشكله مثل شهدا ء فلسطين الي منشوفهم عالتلفزيون
امبارح رحت عالعزا واهله مازالو مصدومين مش مصدقين لانه القتل صارت بوضع غير طبيعي مش من خلال مشاجرة
او كلام جرا بينهم .
الله يرحمه ويصبر اهله ويشفي القاتل ويرجعله عقله وتجعل افضل اعمالنا خواتيمها
ياريت صبايا تترحمو عليه وتدعوله وتدعو لاهله
miss february @miss_february
محررة برونزية
يلزم عليك تسجيل الدخول أولًا لكتابة تعليق.
بنوته غيركم
•
الله يرحمه ويدخله جناات النعيم ويصبر اهله اللهم امين يسرني اني اول وحده تررد على موضوعك ومشكوره
Dandosh
•
لا حول ولا قوة الا بالله
ربنا يرحمه يا رب و يغفر له .. و يعين أهله وأمه المريضة ومصيبتها باتنين مش بواحد
ربنا يرحمه يا رب و يغفر له .. و يعين أهله وأمه المريضة ومصيبتها باتنين مش بواحد
*رتاج*
•
يا الله ..
مؤثر جداً الموضوع
الله يرحم موتاكم و يغفرله و يسكنه فسيح جنانه
و يشفي اخوه المريض و يعافيه
الصفحة الأخيرة