ابن زوجي تسبب في بهدلة ابوه ،، ابغى حل ارجوكم المشكله صعبه ومحرجــــه

أخواتي والله اني ما عرفت وين اورح ولا مع اتكلم ابغى حل سريع ومنطقى لن عقلي سيصاب بالشلل من كثر التفكير ،،،،
المشكله انى زوجه ثانيه ،، زوجي عنده اولاد من الأولى تانى ولد مراهق عمره 15 سنه وطبعا بحكم الشرع والعدل فزوجي ينام ليله عند عياله وزوجته وليله عندي ،،، المهم يوم الأربعاء كان زوجي بيروح على بيته وفعلا بعد صلاة العشا راح الله يحفظه وكان مرة تعبان يبغى ينام ويرتاح ،، المهم طلبت منه ام عياله انه يوصلهم عند بيت اخوها وفعلا وصلهم وبقى فى البيت ولده اللى عمرة 15 سنه ،،، ولما رجع زوجي على بيته ترك جوالاته ((2)) برا فى الصاله علشان الشحن لأن البطاريه ضعيفه وراح هوة على غرفة النوم علشان ينام ،،،والمسكسن نام وما درى ايش اللى حيصير ،،،،
جلس ابنه مسك جوالات ابوه وطبعا صار يشوف الرسائل وطبعا انا كنت ارسل لزوجي رسائل حب وغرام وعاطفه والكلام الحلو اللى يذوب القلب بحكم اني اموت فيه وهوة بعد يعشقني المهم قبل فترة انقطع جوالي (( خلص الحد الإئتمان )) فكنت تستخدم جوال زوجي لما ابغى ادق على اى احد المهم
ابن زوجي عجبه رقم من بين 200 رقم وصار يرسل له رسائل فيها صور حب ( من تقبيل وحب وغرام )) ** صور وليست افلام وللمعلوميه جوال زوجي من العهد الحجري نوكيا الرهيب طبعا الكل بيعرفه ))
المهم يطلع هاد الرقم لمين؟؟؟؟
لصديقتي وجارتي اللى كانت ساكنه معاى فى العمارة الباب مواجه الباب !!!!!
طبعا هى ارسلت رساله مهذبه (انك اكيد غلطان بالرقم الرجاء عدم الإزعاج.)..وبعد حوالي ساعه (( وزجي نـــــــــــــــــــايم )) يجيه اتصال يقوم يصحى زوجي على رنة الجوال ويقوم يرد يلاقى واحد جالس يتكلم معاه بأسلوب لبق وقاله معاي السيد فلان الفلان عيب ترسل رسائل غير لائقه من جوالك وزجي مو داري بشي المهم ان الرجال فهم زوجي على القصه وطبعا قام زوجي ونزل بإبنه ضرب لأنه مسك جواله ،،، (( زوجي للحين مو عارف لمين ابنه مرسل هالرسايل )) بعد ساعه يتصل فيه جارنا وينزل بزوجي بهذله وهواش ويقوله انك خنت الأمانه وما كان فيك العشم وما كنا متوقعينك بهالشكل ووووووووووووووووووووووووووووووووووووووووووووووووووووووووووووووووووووووووووووووووووووووووووو وزجي المسكين يعتذر منه ويحلف له ان مو هوة وان ابنه اللى ماد ايده على الجولات ومرسل هالرسايل بس طبعا جارنا مو مصدق (( والله ما الومه ))
المهم هالمشكله كانت يوم الأربعاء ليلا ،، وتاني يوم لما جا عندي زوجي ما كان على بعضه وزعلان وما قال لي على القصه ولا شي بس طلب منى انى اغير الرقم السري حق جولاته ولما سألته ليش قال لى ان ابنه ماسك الجوالات وشايف كل الرسائل ،،،،
المهم جلس عندي الخميس وراح من عندي الجمعه قمت انا مشتاقه لجارتي قلت خلنى ادق عليها اسلم عليها وفعلا دقيت بس ما ردت قامت اتصلت فيني بعد ربع ساعه وبصراحه كانت متحفظه مرة يعنى يا دوبك اسألها كيفك تقول الحمد لله وما عطتنى وجه فسألتها ايش فيك قالت انا مشغوله قلتلها خلاص لما تفضي كلميني وانتهت المكالمه على كذا ،،،
طبعا المكالمه ما كانت قدام زوجي لأن زوجي على اذان العشا يروح للبيت الثاني ومن بكرا يجينى على اذان العشا ،، المهم زوجي لما كان بالبيت الثاني امس تجيه رسائل من جارنا يطلب فيها انى ما عاد اتصل على زجته وانه حيقدر كيف يرد اعتباره بالوقت المناسب والطريقه المناسبه ومازال التهديد والبهدله شغاله ،،،
المهم اليوم السبت زوجي لما جا عندي قال لى ابغى اتكلم معاك بموضوع حساس شوي قلتله خير فقال لى القصه كذا وكذا وكذا طبعا انا انصدمت وقلتله ما تزعل منى بس ابنك قليل ادب ليه يمسك جوالك وليه عجبه هالرقم من بين 200 رقم قالى لى انه كمان مرسل كذا رساله لخال الولد ( يعنى اخو امه )
وطبعا قراني الرسائل اللى مرسلها جارنا وانا صرت ابكي والله تخيلوا انى كنت عندها والله قبل اسبوع فى بيتها الجديد وكانت مجتمعه مع اخواتها والله ان الجلسه كانت روعه وانبسطت مرة بجلستهم للأسف انى اخسرها واخسر صداقتها بهالطريقه المحرجه والبايخه
زوجي مرة متضايق وزعلان ومو عارف ايش يسوي طلب من جارنا انه يشوفه ويتفاهم معاه بس جارنا رفض مقابلته وحلف لجارنا بالله انه ماله ذنب بهالقصه كلها بس طبعا الرجال مو مصدق ،،،
وانا والله مو قادره انام ولا احط راسي على المخده من الصدمه زعلانه ومتفشله من الموقف اللى صار ومالى عارفه كيف اكلم جارتي وكيف يكون الإعتذار علشان كذا طالبه منكم المشورة والراي
الله يخليكم فكرو معاي بحل الله يجزاكم الخير يارب ...