ابن ضائع لعائلة ملتزمة.. ارجو مساعدتكم

يا اختي والله ما ادري وش اقولك ودي اساعدك بس الله يهديه اول شيء تسوونه
حاولوا ترجعونه للبيت كلموا الأب لازم يرجعه للبيت يكون تحت نظره حرام تخسرونه
اخاف يجي في طريقه اشياء ثانية ما يقدر يستغني عنها والله يهديه ويفكه من الشات
والغناء ,, ما شاء الله عليك يا اختي الله يوفقك ويعطيك على قد نيتك ان شاء الله
البنات ما يقصروا بيساعدونك

والله يا اختي حزنت حزنآ00 من قصة الشاب

ولكن العشم بإخواننا وأخواتنا بهذا القسم

وإن شاء الله يفيدونك00 وأسأل الله

العلي العظيــــــــــم أن يرجع هذا الشاب إلى

رشدة وصوابة وأن يحنن قلب أبية علية

والشاب بة الخيــــــــــــــــر الكثير ويجب أن

تسغلو هذة الخصلة 00 ويعود إلى الله

جزاكم كل خير خواتي رهوفةوالواثقة من نفسها
صراحة نحن الابناء وانا كزوجةالاخ الكبير في هذا البيت حاولت المستطاع
مع الاب حتى يحن
ولكن الشكوى لله
ومثل ما قلتوا الشاب عنده طاقات مخزنة
وهو يحتاج الى ادعاء
والصبر والعزيمة ومن يقف بجانبه
انا صراحة اليوم كلمت الوالدة "امه"
قلت لها ليش ما اتروحين الحج وتاخذينه معاج
يمكن في هذه الحجة تكون السبب في هدايته والرجوع لجادة الصواب
قالت انا عادي عندي لكن الخوف من الاب

والله الله يعين هذه الاسرة ويهدي قائدها وابنائها ويصلح حالهم
ويهديهم من الزلل

لكن وينهم بنات المنتدى الاخوة وااخوات مافي اي رد ولا ارجوكم

أختى فى الله السلام عليكم ورحمة الله وبركاته
أولا جزاك الله خيرا على اهتمامك بأمر هذا الشاب جعله الله فى ميزان حسناتك ، أنا أرغب فى مساعدتك ولكن لا أعرف كيف؟،ولكن كل ما أستطيع مساعدتك به هو ( إحضار شرائط للداعية عمروخالد )لأن أسلوبه بسيط وسهل وإن شاءالله يدخل قلب أخو زوجك، والله يهديه ويهدينا أجمعين.

ياربي هالاهل هم سبب ضياع عيالهم وسبحان الله
ماعندهم حل غير انهم يطردون عيالهم من البيت وتالي وبعدين بيصير الولد احد الامرين:
يا انه يصير على قولتهم ارهابي .
والا يصير منحرف ما من الامرين علاج.
طيب خير الامور الوسط . وبعدين شلون يطرده من البيت الحين هو جدام عينه ما قدر عليه يعني اذا طرده بيقدر يربيه وهو بعيد عنه شنو هالتناقض والعنجهية بالتعامل مع الاولاد والله حرام واذا على كلامج يا اختي ان اهله ملتزمين فالالتزام والدين ما يرضى بهذا الشي وبعدين ابوه مسؤل يوم القيامة عن اولاده .

اضغطوا على الابو عدل والا خلوا امام مسجد اذا الولد عنده استعداد وعزيمة انه يصلح نفسه خلوا امام المسجد يتدخل بالامر او اي رجل صالح مو من العائلة بس يكون معروف وعزيز على العائلة.

وانصحج اختي بسامع اشرطة للشيخ ابراهيم الدويش( الشباب الم وامل )
فظيع هذا الشيخ اكثر كلامه عن امور تحدث بالمجتمع وبعدين اسلوبه مشيق جداً.

والله يهديه وانتوا ادعوا له بالهداية والصلاح واهم شي امه خلوها تكثر من الدعاء له .

ولا تدعون عليه انتبهوا ادعوا له
وحاولوا تضغطون على الابومو عدل تصرفه

وش تحترون يصير بالولد حرام والله وصدقيني اللولاد محرومين من اشياء وايد واهمها المعاملة الطيبة من اقرب الناس اللي هم الاهل
ولا يصير مصيره مثل مصير هالولد اللي يوم اطرده ابوه من البيت لانه يسهر ويسافروووووالخ وبعدين غاب الولد ولا صاروا يعرفون عنه الاهل شي الا يوم جاء ذاك اليوم ويطلع خبر بالجرايد والتلفزيون ان ولده صار من ضمن المطلوبين وبعدها انقتل الولد على يدين رجال الامن بصفته ارهابي .
ويالله من اللي اكلها غير الابو فادته عنجهيته بشي خسر ولده وبيضل طول عمره ضميره يأنبه
حرم ولده من كل شي .
او ان الولد يطيح بشلة فاسدة عدل وتالي ينذب بأحد السجون الخمدلله الذي عافانا مما ابتلاه وفضلنا على كثير ممن خلق تفضيلا. وتالي يوصل الخبر للابو ويقعد الابو يصفق ايد بأيد مو عارف شنو يسوي .
اختي اسفة اذا شديت معج بالكلام بس والله انقهر من معاملة الاباء للابناء بهذي الطريقة.
وانتوا اقعدوا قصوا لابوه مثل هذي القصص يمكن يخاف او يمكن يحن عليه ترى مهما كان هذا ولده وقطعة من جبده ما يقدر والولد بعد لا يصير راسه يابس خوفوه قولوا له امك تعبانة وابوك تعبان يبونك.وان شاء الله ينصلح حالة.

ما احد من هالاباء يطبق هالمثل اللي يقول: ( اذا كبر ولدك خاوة)
والله يهدي الولد ويهدي ابوه ان شاء الله.