ابها مثل اندنوسيا طبيعه بدون خدمات .. بس اهلها طيبين من ايش خايفه ؟

مافي خوف بس منجد مطاعم وخدمات مافي للاسف الا في داخل البلد

ابي أقول وجهة نظري بأبها

رحت لأبها تقريبا خمس مرات
اللي يخلينا نروح لأبها الجو البارد فقط فقط لاغير

الاول الشقق
الحمدلله الشقق الفندقيه متوفره وكل سنه يفتح مجموعه شقق جديده
كانت اسعار الشقق تتراوح بين ال ثلاث ميه والميتين وخمسين
شقق فندقيه راقيه
لكن اللي حصل هالسنه غيير تخيلو شقه غرفتين ومطبخ وصاله بسبع مئه

الشيئ الثاني
بما اننا رحنا لابها من عام 1422 و حتى 1430
كانت تمشي الحال بالنهار بالسوده او سحاب والمغرب بحديقة السد الله لايعيده
حديقة السد قضيه بحد ذاته
قديمه ومهمله فيه حدايق ثانيه احلى وارقى بس نروح للسد لأن مابه ناس
وش يبون به وهي مقرفه لاحمامات نظيفه ولا مزروع يحصدونه
وحوله يجلس العصابات تشوفينهم
يتصيدون اماكن العوائل
ويستغلون غفلتهم
وتم سرقة اشياء ثمينه

عام 1432 اسوء رحله جالسين ثاني يوم بحديقة السد
خليت شنطتين عند باب السياره وموجود زوجي و اعيالي وصديق زوجي
واعياله
رحت لدورة المياه مع بنتي ولمارجعت مالقيت شنطتي
وشفت شباب يركضون صارو خاطفين شنطتي وهاربين
واختفو دقينا على الجوال عطونا مشغول وقفلو الجوال
وتنكدت رحلتنا الحمدلله على كل حال

السنه هذي رحنا لأبها كانت حلوه من ناحية الجو
لكن السوده شهباء مع انه جايهم مطر الله يرحمنا برحمته
اللي خضراء شوي سحاب ورحنا لملاهي السلام مسكره
ورحنا للتلفريكات ومسكره ماشغلوهن
كانت الرحله بعد الامتحانات مباشره ليش مغلقه الملاهي
توهم يتفطنون يصلحون صيانه يوم جت الاجازه
و حنا مانحب ملاهي الاسواق نبي ملاهي مفتوحه
ورحنا للديلمون ماتستاهل العنوه لاننا ضيعنا طريقه
مافيها زود بس اهم شي العيال العبو بالملاهي

والقرف حمامات المساجد وصخخه المشكله انهن داخل ابها مدري ليش
ومثال على الوساخه حمامات جامع شمسان اعتقد فيه حي بهالاسم وهذا جامع الحي

الحلو متحف برجال المع والنزول من الطريق العقبه ممتع للي يحبو الطرق الوعره والمنحدرات
بالنسبه للمطاعم فيه مطاعم عوائل حلوه وهذا شي ايجابي
طبعا حنا نطبخ الغداء ونتعشى بالمطعم واذا اخذنا غداء فيه بيت الشوايه وفيه كذا مطعم
داخل ابها حلوات
فيه شي يقهر اللي راحو لأبها وأهل ابها يعرفون التحويله اول ماندخل ابها من زمان وهي موجوده
الى الآن يمكن اكثر من ثلاث سنوات ماتغيرت
حسبي الله عليهم يعني مدينتنا السياحيه الوحيده
بالمملكه وكذا يسوون ليش للحين ماصلحو التحويله والكبري ثلاث سنوات او اكثر
صراحه باين الدعوى نهابه
والمضحك ان وزارة النقل بالنت تقول مو مسؤولين عن هالطريق
اجل من المسؤول وبعد فيه اماكن وطرق مادري وش
جالسين يسوون البلديه كل السنه ماتفطنو يحسنون الشوارع
الا يوم بدأت العطله

رحنا للباحه وكانت شيء رائع الجو احلى من جو ابها والمطر من دخلنا الباحه
صراحه الباحه السنه غير
منتزه الأمير مشاري رائع
واما بعد المغرب نروح منتزه رغدان يالله فيه كشك يبيع بليله طعمه رهييب
لايفوتكم ههههه
الباحه قريبه منتزهاته مو مثل ابها

العيب اللي بالباحه مافي مطاعم عوائل مثل ابها غير اثنين اللي جربناهم
البستان و الثاني الظاهر اسمه المأكولات اليحريه وكان غير جيد لاخدماتهم ولا اكلهم
الحمدلله على النعمه

وبالنهايه هذا ملخص لرأيي واي استفسار
على الخاص

والمعذره طولت عليكم .

الامير فيصل سمح للشباب من الاستعراض بالحبله والسيارات التحجيريه وعلى فكره شباب ابها عزوه وكفؤ عيال قبائل بس الأكيد ان ترى 90/ من الي شفتي مؤ من ابها والمملكة امن وأمان اول مره بحيااااااااااااتي اسمع احد يقول مؤ أمان او مجرد إحساس بالخوف في السعوديه رككككككزي وبس على الإيجابيات وخلي الطرطشه بالكلام

انا ياحبي من اهل ابها لازم تجيبي كشتتك كاملة وحبذا تطبخين بنفسك مطاعم الله يكرم النعمة ومنتزهات تفضح بالعربي السودة يجذبنا لها العمانين والجو بس وممكن التلفريك والحبلة بس نمرها نشوف حركات الشباب بالسيارات وعننا بالجنوب يقزون الحرمة منراسها لاارجولها يعني مو شيء غريب ,,,,اما عن اهلها والنعم فيهم وربي رجال ,,,من كرم وشهامة مو مدح لهم بس هذا الواقع اما عن الشقق انزلوا ناحية الخميس اذا مالقيتم بأبها شوفي ميركيور او السحاب ولا بودل كلها بالخميس...والله ييسر لك يالغلا