ابوس يدكم زوجي نوعه ايششش ؟

السلام عليكم
ما استغني عنكم
بنات سالفتنا كلها بقولها صحيحة وبدون اي حرف كذب او تأليف
امانة بس لاتستهزئون فيني او تجرحوني لاني مخنوقة

زوجي يختلف عن جميع الرجال
يكره الزوجة الثانية
تفكيره بالزوج لي يتزوج ثانية هو ظالم نذل حقير يلصق فيه كل الصفات القبيحة ويشوفه شيطان
الزوجة الثانية ينعتها ب اقذر الالفاظ
حتى لو كان يشوف مسلسل وفيه زوجة ثانية يعصب ويقوم
حتى الطلاق يتنرفز من سيرته وقاطع اخوه شهور لانه طلق حرمته وبينهم عيال ولما تزوج اخوه ماحضر عرسه ومنعني احضره
اخوه عتب عليه وراح بيتنا طرده وهزئه وحلف يمين حرمته الجديدة ماتدخل بيتي
عياله كانو معاه اخذهم بالغصب وسلمهم حق طليقته و دوم يسأله انت تسأل فيهم تنفق عليهم واذا غاب اسبوع يخليه بالغصب يزورهم
مرة اتهم امه بالظلم والطغيان لانها حضرت عرس واحد متزوج
مرة كان بيطلقني وحاربني شهر لانه صديقتي زوجة ثانية
يعني توصل فيه يقولي اي صديقة زوجة ثانية تقطعي علاقتك معها
حتى بناته يتحسف على خلفتهم يقول خايف اموت بدري وهالبنات يتزوجون رجال مايحافظون عليهم وشايل همهم من الان مع انه اكبر بنت عمرها ١٢
تفكير غريب ويمكن ماتصدقون هالطبع لي فيه اقسم بالله غريب وصرت اشك بنفسيته
والله مو طبيعي
والله العظيم ماكذبت بحرف عليكم او قلت شي من كيسي
المهم اخته الكبيرة عمرها ٤٣ سنة متزوجة من ١٧ سنة
زوجها قبل ١٠ ايام خطب وكلمها انه بيتزوج عليها ثانية وكملها على زوجي
الكل عرف بالخبر اخوانها واسوها شوي واخواتها وكل التهى بحياته
الا زوجي حالته مو طبيعية الهم والغبنة اكلينه اكل
من الصباح لليل متكدر وعابس ويصارخ علي وعلى عياله خلى حياتنا جحيم
ابني لانه كان يلعب سوني وتحمس رفع صوته طرده برا البيت
كل يومين يتصل على رجل اخته ويهزئه ويمسح فيه البلاط ويهدده رغم انه الرجال كبير عمره ٥٥ سنة
يبغى يقلب البيت عزاء وحزن
مايبغى احد فرحان ومبسوط حتى ابوه تهاوش معاه لانه مسوي عشاء بالبيت
حتى امه هاوشها لانها متزينة ومستقبلة الضيوف وكانت عندي طلع من الغرفة وفتح لها الموضوع
أخوه مسوي عزومة وهو راجع للبيت حصل العمال يدخلون الاكل دخل عليه وشرشحه مع انه اخوه الكبير
ويقول انت قليل اصل تعزم الناس وتارك اختك مجروحة
انا هاجرني وماينام معي بنفس الغرفة لأنني عزمت صديقاتي
ويقولي انتي مافيكي خير
شقته لي بناها جديد الان كتبها ب اسم اخته وعطاها مبلغ ضخم وبيسفرها على حسابه مع عيالها
حالته ماينحسد عليها بالغ جدا فيها طيب والحل ورب البيت ضيق صدورنا كل يوم يتصل على اخته ساعات ويزورها عشان يتأكد انها كويسة
هي لا اول وحدة ولا اخر وحدة زوجها يتزوج
فهمته هذا الكلام يقعد يقولي مغبون عليها
والحل طيب لاتقولو فترة وتعدي
زوجي مغبون على مرت خالي لانه زوجها تزوج عليها من ٩ سنين
كل ماشاف خالي دقه بالكلام ويوم زارنا بالعيد مع حرمته الثانية عطاه كلام يهز البدن لانه تارك ام عياله وقاعد مع زوجته الثانية خالي طلع من البيت مرتفع ضغطه
مابالكم اخته لي من لحمه ودم
والحل طيب